德魯伊山脈。
由於風騷唔想經過人類領土既關係,於是佢選擇行山脈既路線,走入精靈國。
睇黎,呢片大陸分為東西兩部份,東係屬於魔界,西係聯盟。
中間由一座巨大既火山將東西分界,而火山既山脈一直伸延到西方大陸既盡頭,而果個山脈就係德魯伊山脈。
而精靈國,就位於西方大陸既盡頭。
不過,呢到完全無火山既氣息,感覺上只係一個普通既山脈。

行山脈都好既,咁樣我就唔使成日用幻像魔法,依家淨係需要對白雪同風騷用,慳番D MP。
呢兩個人感情都幾好。
估唔到佢兩個咁快就熟絡左,而我就跟係佢地後面望住佢地有講有笑。




都好既,廢事佢地成日黎煩我。
風騷LV只係得36,相反白雪已經有70LV。
奇奇怪怪既組合。

但係,行山脈過去,真係好咩?
拿,話口未完,就出現怪物啦!

土狼 LV37

HP:3845/3845




MP:3976/3976

力量:399  敏捷:416
防禦:348  魔力:389

係三隻土狼。

「快速射擊」
風騷即刻引弓連射三箭,全數命中。
但係傷害唔高。




有一隻土狼跳左上黎,白雪用劍上前擋住,然後風騷又開技。
「致命射擊」
HEADSHOT仲要爆擊。
隻土狼好快就無左一半血。
另外兩隻土狼無企定定係到,而係同時撲上去風騷到。
「呀……」
「寒冰射擊」白雪一揮劍,然後果兩隻土狼就中左緩速狀態。
「寒冰長槍」白雪將同佢打緊既果隻土狼殺左之後,就走番去救風騷。

完全唔需要我幫手。
其實我都唔使點打。
反正D怪都唔會過黎打我架啦。
我係一隻80LV既蛛女,點會過黎打我。
應該話係,我係呢區最強既生物。





然後,又有三隻土狼出現左。
二打五。
我無諗過出手。
「水球術」白雪又揮劍,然後一個水球就打落去果三隻新土狼到。
唔?與其話係戰士,不如話白雪似係一個法師。

「暴風射擊」風騷又解決左一隻土狼,但係之後又出現左三隻土狼。
二打七。
咁打落去會沒完沒了。
又有三隻土狼出現。
哦,原來係屍體。
屍體會吸引土狼過黎。
就算係白雪,收拾一隻土狼都要用三、四招技能。
苦戰。
土狼脫離左白雪既纏繞,然後衝左上去打風騷。




原來係優先打低LV冒險者既怪物。
咁落去唔係辦法。
蜘蛛結界。

全場所有生物都比我束縛住。
呀……原來連同伴都會駁住架。
算啦,等我一次過清哂佢地先。
咦?
呀?原來我無AoE技能。
頂呀!吓?
搞……搞錯呀……

白雪開技,「冰封暴雪」。
所有土狼都比佢冰封哂。
吓,搞錯呀?我無AoE技能……




但係白雪既技能唔足以秒殺土狼。

算啦,真係麻煩。
暗影長槍。
反正我可以一槍一隻。
唔單止係AoE技能,我就連用黎一打一既技能都無。
除左暗影長槍之外,我全部技能唔係毒就係吸血,再唔係就魔法反制。
毒雖然同D比自己勁既對手打既時候非常之實用,但係同時同一大班較弱既對手打既時候,毒真係無用。

唔緊要。
反正我力量夠強,打多幾下既話,徙手都打得爆土狼。
好慢……
暗影長槍。
又一槍貫穿左兩隻土狼。
輕鬆。





話咁快,就比我殺哂D土狼。
SORRY,天才戰鬥家。
呀!
我犯左個大錯。
我係咁消MP……
MP殘留量唔係好多……幻像魔法……唔係頂到好耐。
仆街了。