自殺以後，進入了RPG的世界: 會晤

精靈國境內。
異樣感。

對於德魯伊山脈發生既狀況，大賢者佢地選擇無視。
好似話遲D會派人黎調查。
不過，其實你地都做唔到D咩野架啦。
一切都交番比天照佢地做算囉。

令人覺得奇怪既係所羅門王。
帶領住聯盟同魔王作戰既人，居然只係一個細路。




一個完全唔講野既細路。
除左衣著華貴，手上面戴有十個戒指、拎住本書之外，真係覺得佢同其他細路無分別。
大賢者與其話係佢下屬，不如話係佢監護人。

最奇怪既係，我記得風騷講過，佢老豆同所羅門係死敵黎。
咁樣既話，點解所羅門王會黎到精靈國？
佢地咩都唔講，我又懶得去問。

精靈國同其他既地方好唔同。
佢地好似係生活係大自然入面。




所有既房屋，建築物都係樹黎。
佢地係生活係大自然入面既種族。

黎到一棟巨大既樹面前。
真係樹黎？
用番現實世界既比喻，呢棟樹起碼有IFC既高度，底面積應該有會展咁大。
根部果到有個大門，門外面有幾個守衛。
睇個款，應該係王宮之類既建築物。

行到入去，我地就比人傳送左。




似係一個會客室。
坐係對面既人係……

【精靈王】 精靈 弓手 LV99

HP:8464
MP:9425

力量:947  敏捷:1347
防禦:945  魔力:954

佢就係精靈王？
無咩特別，只係個普通既阿叔。
但係，佢個名呢？
無名？





「哦。風騷，你同勇者先退下啦，我一陣再黎搵你。」精靈王講。

「明白，走囉，癡線蜘……」風騷拉住我隻手。

「我係大賢者既徒弟，亦都係勇者，我想跟住師傅一齊聽。」白雪講。

我點點頭。
風騷都留左係呢到。

「我明白啦。」精靈王嘆一嘆氣咁講。

兩大國家領導人會晤。
雖然有一個係細路。
佢地會傾咩？




會講魔界打到黎既事？

「咁我開門見山啦，所羅門王。我再重新確認一樣野，你，打算求和？」精靈王講。

求和？
搞乜？

「我明白你既意思。我都讚同你既意見，但係，你打算點樣說服聯盟既其他人？」精靈王飲左啖茶。
「出句聲啦，所羅門王，你搵得我，應該都係知道左啦。」

「無錯。你私通魔界既獸人領主、龍人領主既事，所羅門王佢一早就知。今次見你，唔係想你幫手說服聯盟既其他人，而係想你說服兩大魔界領主。」大賢者代所羅門王講。

精靈王放低杯茶，然後幾十個士兵衝左入黎。

「等等先！發生緊咩事？求和係咩意思呀！」白雪大叫。





「白雪，你靜少少先。交比我地去做就得。你諗住點？殺哂我地？你做得到咩？就算係精靈國境內，你都係無可能殺到所羅門王。」大賢者笑一笑咁講。

「我明白啦。我會去接觸兩大領主。然後，我想問，點解所羅門王你要求和。我同獸人、龍人勢力有貿易交往姐，點解你都唔想打仗？」

所羅門王咩都無講，企左係身。
然後，打開佢本書。

想點？

「係大型魔法！魔法騎士團！準備對魔法防禦！」精靈王大叫。

然後，一陣閃光。
所羅門王同大賢者都消失左。
空間魔法？




莫名其妙。
完全唔明佢地做緊乜。

總結下先。
所羅門王同精靈王都係唔想打仗。
精靈王私下同敵對既獸人領主、龍人領主有接觸。
精靈王完全唔夠所羅門王玩。