自殺以後，進入了RPG的世界: 瀱?儍???梈

強烈既異樣感。
係我有史以黎，感受過既最強異樣感。
精靈王飛左上天，唔知係到做緊乜。

「力量呀！係力量！我終於得到左力量！」
精靈王隻手一揮，然後一道光束從天上面打左落黎。
光束所到之處都燃燒殆盡，精靈王開始左不論敵我既無差別攻擊。

「精靈王……」獸人領主好似開始動搖。





「你既目的究竟係咩？精靈王？」所羅門王問。

「挑戰神，毀滅世界。」

「毀滅世界？」獸人領主即刻望住精靈王。

「呢個世界根本就係錯誤既世界。STATUS，技能，所有野究竟係為左咩而存在？為左咩而存在？我要重新糾正呢個世界。」

「咩話？你當初淨係話想打贏神，拎番呢個世界既自由……」獸人領主說。





「廢話，如果我唔呃你，你地會幫我？自由？好笑，你覺得自由真係存在架咩？不如，將呢個世界毀滅左佢好過啦！然後，呢個世界就會重生！」

龍人領主咩都無講，變左條龍，飛去攻擊精靈王。

【龍人領主】黑龍-尼德霍格 LV99

HP:987523
MP:999999

力量:8685  敏捷:8647




防禦:9234  魔力:9999

係一開始之前係魔王城下面見過既，全STATUS接近封頂既龍！
呢種咁既力量……
全STATUS接近執頂……
果然龍人領主當初對火龍王既時候留左力。
大概，龍人領主係呢個世界入面最強既存在。

「無用架。你以為你既力量係邊個比你？係我徫大既『神』！你同埋獸人領主既力都係『神』賜比你，所以，你係無可能打贏到我！」

龍人領主唔知發生咩事，由高空跌左落地。
大概就係一部波O747跌左落地咁。
引發左強烈既衝擊。
無論係精靈軍定係魔界軍都死傷無數。





惡魔領主、哥布林領主、所羅門王、大賢者、白雪。
呢五個人大概就係兩邊既最後戰力。
好似漏左個，不過應該都唔係咩勁人。
單係呢五個人阻唔阻止到精靈王？

無可能。

精靈王唔單止進化左，仲有種迷之力量護身。
呢五個人係無可能打得贏精靈王。

「黎啦！降臨啦！蘇醒啦！我徫大既『神』！」

地上升起左觸手，同時對五個人進行攻擊。
單係同觸手打，已經用盡全力，根本無可能攻擊到精靈王。
就算斬斷一條觸手，又有幾條觸手破石而出。





佢地無一個人接近到精靈王。
去到MP耗盡，用哂力氣，只可以眼白白咁望住精靈王。
但係，咩都做唔到。

末日。

地上面開始爆起左爛肉出黎。
有觸手，有爛肉，有嘴巴，有眼睛。
成個戰場大概都淪為怪物既祭品。

「黎啦！『神』！」

【孕育千萬子孫的森之黑山羊】 莎布·尼古拉絲 LV





HP:啢?/滆
MP:縥伵曟?瀃

力量敏捷011010
防011101禦魔力力力力1力

外神。
而且，係我見過既，最強既外神。
力量未完全，仲未完全蘇醒。
但係，足以毀滅呢個世界。

「三柱神之一居然係到……天照究竟搞緊乜！宙斯呢！呢個時候究竟去左邊！」
哥布林領主發狂大叫。
佢以前係外神，所以熟悉外神既事。





佢咁驚青，證明左呢個外神特別可怕。

但係，已經無人阻止到佢啦。
所有人都已經輸哂。
咩都做唔到。
只可以眼白白睇住末日來臨。

然後。

稱號換為【魔王】。

蜘蛛女王型態。

係眾人既目光下，行去無數屍體既戰場上面。