自殺以後，進入了RPG的世界: #中立地區

三隻狼入面，有兩隻狼係到食緊守衛既屍體。
淨番一隻狼係到望住我。
三十幾LV既守衛咁樣就死左。
只係留低番10LV既我係到。

我嚇到腳軟，跌左係地。
第一層同第二層差咁遠……恐怖咁多既？
隻狼慢慢行過黎，想咬死我？

冷靜少少先。




無事既。
深呼吸，吸左一大啖氣。
「牧者之歌」

唱歌。
唔知有無用……有用喎。
隻狼減少左對我既敵意。
睇黎佢無諗住攻擊我。
反而，佢伏係地上面聽我唱歌。
好似隻狗一樣。




其他兩隻就繼續食肉，唔理我。

無事啦。
好彩。
呢招技能都幾好人。

但係，一見到呢班狼係到食人，真係好恐怖。
根本就係地獄。

「你無事嘛？」




有一個人行左過黎，同我講。

【狂戰士】 牛頭人-芝加哥 戰士 LV56

HP:5672
MP:4357

力量:684  敏捷:641
防禦:613  魔力:419

好巨型，成二米幾高。
身材巨大，隻手臂都有我成個身咁粗，頭上面生有牛角既……人？
未見過既種族。
咦？牛頭人？有呢個種族架咩？
我記得精靈、人類、矮人係聯盟既種族。




惡魔、龍人、獸人、哥布林、巨人同埋不死族係魔界。
但係，有牛頭人呢個種族架咩？

「你馴服左隻狼？點解你會一個人係呢個地下城到？呢到好危險架，你跟我黎啦。」

跟住佢？
唔係掛？
老實講，呢種咁既生物真係好核突囉。
但係，我可以唔跟佢咩？
點都好，番去第一層先係我既首要目標。

「咁有勞你啦，大哥哥。」我講。
隻狼仲跟緊住我。

奇怪？




牛頭人唔係行樓梯上去第一層？
佢想去邊？
佢帶住我一路係迷宮到左穿右插，避開哂危險既怪物。
佢既目的地係邊？

「大哥哥，我地依家去邊？」
「到啦。」

行左成個鐘之後，終於到左。
係一條向上既大斜坡。
上面有光。
係通向地面？

牛頭人咩都無講，就咁行上去。
上面係……？





係地面世界。
好熱鬧。
係……一個森林既部落？

「你好，我係生並。」

【巫師】 馬面-生並 神官 LV43

HP:4365
MP:4358

力量:426  敏捷:438
防禦:314  魔力:496





咦咦咦？
牛頭馬面，仲有頭上面有貓耳既人，仲有一大堆未見過既人型生物。
成班人圍住係一座巨型火山下面，起左無數既屋。

「歡迎黎到中立地區，愛麗斯小姐。呢到係位於大陸既中心，唔屬於聯盟，亦都唔屬於魔界既中立地區。」

強烈既異樣感。
隻狼係到咆哮。

我望一望同我講野既果個人，大概就係呢個中立地區既統治者?
係一個女人，不過，背上面生左蝴蝶翼。

【女王】 蝴蝶女王-線蛺蝶 LV80

HP:86482
MP:165521

力量:3152  敏捷:5249
防禦:2041  魔力:5675

係怪物？