自殺以後，進入了RPG的世界: #風蕭蕭兮孤鬼寒

「發生緊……咩事？」白兔開口問。

完全唔知發生緊咩事，淨係知道蝴蝶女王利用我去開路，去令到條火龍發癲。
然後，自稱係魔王(實際上係女神?)既女仔，好似係叫天照，就去打呢個蝴蝶女王。
最後，蝴蝶女王就比個奇怪既殞石救左。
呢個時候，又有個叫奧丁同埋火蜥蝪既人出現左。

「既然你地都係轉生者，咁我就同你地講啦。」天照嘆左啖口講。

「你地轉生黎呢個世界，唔係無原因。」佢講。





咦？
講緊咩？一切黎得太突然，唔係幾明佢講咩。

「半年之後，對應番你地世界既時候，無錯，係半年之後，發生左一D事，令到你地全部人死哂，然後黎到呢個世界。

「講下呢個世界既背景先，呢個世界本來有三個神，我、呢個叫奧丁既男人，同埋一個叫宙斯既人。幾個星期之前，宙斯去左你地個世界到，然後受到襲擊。

「因為一D不明既原因，宙斯番唔到黎呢個世界，然後半年之後，即係7月13日，宙斯再次受到攻擊，令到佢依家下落不明。宙斯第一次受到攻擊既時候，外神，亦姐係頭先既殞石，出現左，大量出現，然後黎到呢個世界唔同既時空，對呢個世界展開攻擊！」





「等陣先！完全唔明你講緊咩！」我講。

「你真係麻鬼煩，簡單黎講，宙斯去左你地個世界到，受到唔知邊個攻擊，與此同時，出現左外星人黎攻擊我地呢個世界。」

「外星人？」白兔問。

「無錯，對我地黎講，你地就係外星人。依我推斷，你地應該見過一切既源凶，應該係你地既同學之一。」

「等陣先！咁係咩意思？姐係話唔止我一個黎到呢個世界？」我問。





「係呀，一共十個人，依家死左四個，淨番6個其中一個係終極大BOSS。但係，根據我地既觀察，呢六個人入面都無一個似係敵人。」天照繼續講。

「咁其他五個人係邊？」我問。

「唔答你呀！吹咩！」

呢個八婆真係黑人憎！

「等陣先！講咁多野比佢地聽真係好咩？」奧丁插嘴。
「係喎，都係算啦，廢事講咁多啦。下次有人問起宙斯係邊就話佢偷懶算。」

「呢班中立地區既人點處置？」紅色衫既女人，火蜥蝪問。
「殺哂佢地。」奧丁講。
「等、等陣先呀！消除佢地記憶咪得囉！」天照說。





一時之間實在太多訊息，搞到我有D難去消化。
本來以為係奇幻既RPG世界，點知無啦啦變左科幻片打外星人。
佢話我本咁多個同學入面其中一個係壞人？
咁會係邊個？
壞人既話，我第一時間諗起不死族領主。

我望向白兔，白兔低哂頭，好似係到諗緊D野。
咁都係理所當然，乜野同學、乜野外星人，佢應該完全聽唔明。

但係，既然女神係到，咁就梗係……

「尊貴既女神大人呀！求你直接將我既LV升做99啦！」我突然之間向女神搭話。
天照即刻露出一個厭惡既眼神望住我，然後笑。

人類-愛麗斯 神官 LV99





HP:1
MP:1

力量:1  敏捷:1
防禦:1  魔力:1

「等陣先呀！點解全部都係1架！」

「唔好咩？LV99喎！」女神講。

「女神大人！其實你好靚女！」

「我知呀！」





「既然係咁，完美既女神大人呀！求你比番應有既STATUS我！」

還原番。
我既STATUS番原番去LV10。
好鬼死孤寒既女神！

「去見風龍王。」
奧丁用手指住我，然後……
[等級上升至LV30]

哇哇哇！
奧丁好好人！

「要佢去幫手制服火龍王。」奧丁講。