自殺以後，進入了RPG的世界: 標題好難諗

不過，上古時代同現代有個好唔同既地方。
現代既話，幾乎9成既地方都比人探索哂，都比魔界同聯盟佔領。
上古時代就好唔同，呢片大陸近一半既地方都係未知既地區，從來無人去過既DIE自然。
換言之，王國既領土係好細。
大約只係得澳洲咁大？
實際上，RPG世界同原本既世界好唔同。
成個RPG世界加埋都係得一個亞洲咁大。

輕輕鬆鬆咁入左去首都。
輕而易舉。




我既目的係要係呢個時代到引起混亂，制造麻煩，嘗試去打低其他既神。
總之，造成世界大亂就得。

呢個時代既神應該係有三個。
宙斯、奧丁、天照。
宙斯係二千年後係香港比我殺死，唔洗理佢。
問題係天照同奧丁。

雖然作為神既我可以直接毀滅世界，問題就係其他既神。
神唔可以，無權限去干涉其他既神，但係可以干涉世界。




我唔可以用權限去殺死其他既神，其他既神亦都唔可以用權限殺死我。
姐係話要同其他既神打，就要使用其他特殊技能。
好似同宙斯打咁，引佢去香港再殺死佢。

當然，我唔會咁蠢，依家就走去打天照啦。
佢在明，我在暗。
要利用呢個優勢先。
反正，神係唔可以干涉其他既神，姐係話天照佢地係唔知道我既存在。

好，係到制造混亂先。




仲有外神。

有方向啦，但係無個明確目標。
唔知做咩好，就走去首都果到。
去王城果到先。

「你係咩人？黑暗精靈……你無名既？」一個牛頭人守衛問。
一黎就比守衛煩。
似曾相識既感覺。
「你好，我係旅行者，由遙遠既國家走黎，帶走禮物黎見呢個國家既王。」9UP MODE全開。

「遙遠既國家？」
「無錯，我係使節，想同呢個國家建立外交關係。」
「相你就有鬼呀！你有咩證明你真係使者呀！定係你想入黎刺殺王呀！」





麻鳩煩。
如果我用神既權限可以直接DEL左佢，忍住呀。

「你呢D係對使者既態度？無禮。睇黎呢個國家都係不外如事。」繼續9UP。

「咩事！」一個巨人走左出黎，似乎係將軍？

「將軍！呢個刺客扮成使者走過黎想刺殺王！」牛頭人老屈我。
「咩話？食屎啦你！」巨人拎住巨錘黎扑鳩我。

喂！疑點利益歸於被告呀！
審都唔審，聽個卒講兩句就信我係刺客？
係咪痴線架？
算啦，還佢老尾拖！





佢係一個LV76既巨人戰士。
依家我係一個LV85既黑暗精靈法師。
雖然用權限係可以直接將我既STATUS封頂，但係無呢個必要。
打呢個巨人使鬼用權限？
不過，開一開權限，試下玩下原本我無既技能都好。

「大地震擊」
巨人拎住巨錘扑落我到。
魔法障壁。
係我面前出現左個魔法障壁擋住。
OK LA。
魔法飛彈。
呢招同黑暗飛彈一樣，不過唔係黑暗傷害，係魔法傷害。
黎黎去去D技能都係差唔同款，只係換個屬性又當招新技能，係咪真係咁無創意呀！





魔法衝擊。
用魔法彈開左巨人。
都係D好濕鳩既技能。
有無D咩得意D既技能呢？
個腦入面出現左個LIST比我慢慢揀黎用。

「狂戰士之怒」
個巨人突然之間鳩叫，然後衝左埋黎。
好快！
用咩技能呀呀呀！
太多揀唔哂呀！！！

「大地衝擊」
佢用個巨錘打落我到。





蜘蛛結界。
都係自己既技能最好用。
綁住左佢。

死亡踐踏。
一腳將佢踢出街。

「犀利犀利，不概係異國既使者呀，唔單止可以用魔物既技能，法師仲可以用物理攻擊。」
有一個好瘦既人走左出黎。

【大賢者】人類- 湯瑪斯·愛迪生 法師 LV99

HP:6431
MP:13111

力量:645   敏捷:769
防禦:536   魔力:1388