自殺以後，進入了RPG的世界: 巫妖之怒

進左化既人……好似有種既視感。
呀！精靈王！
原來精靈王唔係第一個進化。

眼前呢個人既種族係巫妖，職業係死靈法師。
未見過既職業，未見過既種族。
繼續睇下佢有咩來頭先。

「巫妖？死靈法師？」電影好驚訝好講。





巫妖用佢手上既杖敲一敲地下，然後幾隻迅猛龍同時襲擊電影。

「賢者之牆」
賢者之牆:一段時間內，令賢者之牆內的所有人免疫任何攻擊。

係法師既防守技能。
好似好勁咁，但係除左防守之外一D用都無。
出得呢招，姐係話已經輸左，係到拖時間等人黎救。

迅猛龍擋係牆內面，衝唔到入去。





「死靈魔眼」
死靈魔眼:對單體賦予猛毒(5秒)狀態。
免疫攻擊，但係免疫唔到狀態。
呢招大概係我既蜘蛛毒眼下位版，畢竟我係魔物，點都會有D OP技能。
睇黎，巫妖無諗住放過佢地。
再係咁佢地會死。
唉，怕左你啦，出去行下先。

「治療魔法」




我對電影佢地用治療魔法，回下血先。

「你係咩人？」
巫妖問。

如果有心既話，我可以直接DELTE左巫妖佢，但係咁就唔好玩。

「我只係路過既……大賢者個FD，你又係邊個？」
「師父個FD？」

「如你所見，巫妖。」

多鳩謝你既回答呀。

迅猛龍再次攻過黎。




蜘蛛結界！
綁起哂班迅猛龍。
再撲過去巫妖到，黎個死亡踐踏。

「魔法迴避」
佢避開左。

「果一招係……蜘蛛網？」
「作為大賢者個FD，識得放蜘蛛絲都唔係一件好出奇既事姐。」
「死靈咀咒」

巫妖身後出現左幾個亡靈之類既物體，衝過黎圍住我。
好煩……好噁心。

「生命連動」




佢開技吸緊我血。
呃……果班亡靈阻緊我既視線，郁唔到，好煩呀……頂……

「你呀，就係得咁多實力咋咩？現身啦！蜘蛛女王！」
巫妖一眼就睇穿左我係蜘蛛女王？
真係咁易睇就穿咩？

咁，好啦。
暗影長槍。
「魔法迴避」
魔法反制佢既魔法迴避！
佢避唔到，硬食。

太慢啦。
黎到佢面前。




用蜘蛛絲綁起佢。
零距離再黎一擊暗影長槍。

好似重手就濟添。
死左……？
HP0左……

唔係！
「魔法迴避」
佢移開左。

睇番資料，原來不死族有個被動技能叫不死。
好似話如果HP零左既時候唔會死，再受到傷害既時候會扣MP，扣哂MP先會死。
唔係喎。
根據資料顯示，佢的確係有個技能叫不死。




但係……
佢既稱號。
【不死者之王】:永遠不會死亡。無法改變稱號。

姐係話呢個人係唔會死？

「呢個係神既咀咒。因為神，所以我先至會變成依家咁，唔會死、絕對唔會死，變成巫妖，變成死靈法師！係咀咒！」

Err....你好，ME就IS神，有咩事？
唔？
呢個人……唔係敵人？
敵人既敵人係同伴？

然後，巫妖DOM左舊野落黎，大爆炸。
煙霧彈？
唔係。
我同徒弟三人組比佢傳送左去第二度。
一個山洞入面？