《高登獵殺遊戲》(情景題變講故 ): 初黎報到 邂逅美人

「咦，呢度邊度黎架？」

我一起身，發現自己響一個森林裡面…

唔通我係發緊夢？ 當時我係咁諗。

因為…

呢度俾我既感覺有D過份真實…





所以…

我都急不及待就用左我平時刻意整醒自己既方法…

而呢個方法就係…

撞個頭埋樹度。

(嘭~)





「我！屌！好，撚，痛，呀！」

果下痛真係好 撚 痛，入心入肺果隻痛…

所以我好肯定呢度唔係夢境。

「傻仔，做乜咁睇唔開呀？」

「你係…」





有個…

同我一模一樣樣既人行左黎我面前同我講野。

我第一時間係響度諗︰

究竟呢度係咪夢境黎架？

「傻仔，你唔使諗呢度係咪夢境喇，我可以話俾你聽，呢度超真實，仲會死添。」

「死！？咁…你係？」

「我諗你唔會對我陌生，我係百變怪。」

「百變怪！？哈哈，黐鳩線！」





「我絕對唔係黐鳩線。」

「咁就當係我黐鳩線啦。」

其實我只係唔敢相信呢度既一切，但係我解釋唔到呢度俾我既真實感。

「你都唔好諗咁多喇，唔怕話俾你聽你而家究竟係咩既處境…」

「處境？我可以有咩處境呀？」

「你未完成任務之前，唔使諗住離開呢個森林。」

「離開！？我未諗到住咁遠住，但係…依家我反而想知我有咩任務先？」





我見呢度腎吓腎吓咁，響度玩陣都好。

之後，百變怪佢隊左張紙條俾我，上面寫住︰

歡迎來到高登獵殺遊戲！
你將會玩一個遊戲
就係要逃出呢個森林
途中你會遇到十個人
而係呢十個人入面
你可以選擇一個黎保護你
另外九個人將會追殺你
即係話你將會進行九次戰鬥
每次要打死一個人
先可以逃出呢個森林

你可以選擇的人包括:
1.方丈
2.魂。初弒
3.Hiadmin屎忽
4.星星頭
5.賭向左走向右走
6.Gay場特警
7.高登女夜鬼
8.腦魔二世
9.廠長
10.神駒

「黐線，我一個都唔識，揀條腸呀？有冇女架？」

「你睇埋落去先啦。」





另外你將會獲得一隻百變怪
可以變成任何高登巴絲
並護得佢嘅能力 但只限使用於一次戰鬥

仲有你將會獲得一粒硬膠
你食完之後可以變成任何高登巴絲
並護得佢嘅能力 但只限使用於一次戰鬥 (完)

我睇完真係O撚晒咀。

「膠呢？」

「響我度。」

百變怪俾左粒硬膠我，之後仲問︰

「咁你揀好邊個幫手未呀？」

「咁你答到我邊個係女未呀？我諗住瘋狂啪完佢就等死。」

「咁…我諗呢個高登女夜鬼岩你。」

我冇理百變怪既廢話，反而係做返D正常野…

就係真係去摸索下自己身上面仲有D乜先。

但係結果係除左衫褲之外，真係乜都冇…

「你唔使摷喇，專心玩呢個遊戲啦。」

「個遊戲你設計架？」我反問佢。

「唔係。」

「你唔好同我講現實世界真係有隻百變怪呀。」

「我係設計者既設計之一。」

「咁邊個係設計者呀？」

「咦！」

佢突然變得好凝重，之後仲講︰

「遲D再講，有人行緊過黎，我匿埋先，記得自己可以用既技能呀！」

百變怪匿埋左，而我就望住一個用面紗蒙住面既…

似乎係女性既人行緊過黎…

「你係邊個？」佢好冇禮貌咁問我。

「關你鬼事呀！你又唔介紹下自己先？」我串返佢。

點知野都未講完，突然就有一支箭飛埋去佢度…

佢閃身好快，避開左，但係面紗就俾飛箭射甩左，而且仲…

露出個樣黎…

我呆左。

「你暗算我？」佢問。

我見到佢個樣，傾慕都黎唔切，身為毒撚既我，就只有不斷耍手。

之後我眼尾見到百變怪想出手咁款，亦即刻明白到頭先支箭就係佢射既。

我眼見住半世人都未如此親近過既美女響我面前將會就死…

我又豈能袖手旁觀，睇住百變怪佢辣手催花呢？

所以我立即就將我既耍手另向百變怪…

但係百變怪顯得異常認真，仲好似想一擊即弊「美女」添！

響呢一刻，我靈機一觸，就唯有博一舖啦！

「我揀佢做我同伴啦！」其實我唔確定「美女」係咪可選擇既人之一。

響呢一刻，百變怪同「美女」都呆左…

(…)

之後百變怪慢慢行埋黎，一手拉住我，一手拉住「美女」，再…

「咁就好喇，呢個遊戲既之後，就靠你地一齊努力喇。」

百變怪講咩我都冇理喇，因為…

而家我拖住左「美女」隻手…

「我叫Gay場特警呀，你呢？」佢用一把好溫柔既聲線同我講。

「我…我…我…」

我怕醜到想死，但係響呢一刻，我更想既係…

好霸氣咁回應佢，所以我咁講︰

「我叫，張，子，銘！」