俾野彈起左既我…

最後,仲好正常咁變成隻落湯雞。

我爬返上船…

「你冇事丫嘛?」惠那佢走左過黎關心我 。

我梗係開心啦 。





「車,我仲以為你幾有氣量添…」我仲鬧返屎忽佢呢河馬添 。

「唔關我事呀,話玩你果個人叫做清秋院惠那呀。」

「吓!?」 我望一望惠那。

「對唔住囉,我諗住玩下喳嘛。」之後惠那佢怕怕醜醜咁行開左。

有時真係覺得女人好可怕,一時請你食檸檬…





一時以為請你食甜筒啦,點知D雪糕係屎造既…

都係小姬對我好,佢遞左條毛巾俾我。

「唔該。」

「小姬呀,個彈人裝置果度呢,頭先你裝果個位點整架?」賭撚問佢。

睇黎都係算把啦,我都係自己一個算啦,唔好諗女人好D。





雖然濕左身,但係今日天氣好好,好快就乾返晒…

而家我地六男二女八個人離開左船,上左岸…

之後就浩浩蕩蕩咁諗住鏟返上山再搵過方丈…

點知…

就響未到我哎吔師父柒鈷祿愚月大屋之前既一個大空地度…

竟然有人想學人抓屎…

大家唔好誤會,我意思係找死呀,因為…

毒氣雙子同5P組佢地竟然…





帶埋一大堆人黎抓我地晦氣。

「喂,毒氣雙子,你地又黎攪事呀?上次唔係話你地路過咋咩?」屎忽講。

「咩呀?我地真係又係路過架咋。」毒氣雙子回應。

「咁你地響度又攪咩呀?」百變怪問。

「朝拜囉。」

佢講完呢句之後,我地八個人都覺得奇怪…

於是乎就望清楚呢堆人究竟攪乜野…





我地發現似乎係一堆厹朝拜緊一個女人。

「點解每次自己剪完齊陰都會變成咁?」個女人問。

「唔係丫!好靚呀!」班厹答。

「點解每次著短裙孭書包果陣,條裙就會攝左上個書包上面架?」

「唔係丫!好撚正呀!」



「嘩,呢個教派好恐怖呀!咩教黎架?」小姬問。

「ED難教。」惠那答。





「喂!你地班人響度攪咩呀?」屎忽問。

「咪答左你,朝拜囉。」毒氣雙子講。

「No,No,No,靚仔係問緊我。」個女人一步一步行出黎,好妖惹咁款。

「嘩!你係咩水呀?」我地見到佢全個款都嚇左一跳。

「法老王!?」八個人一齊驚叫。

「No,No,No,我阿爸先係法老王,我阿媽係法老婆,我阿嫲係法老姣,我係法老娘,我叫迷你豆豆。」

「咁…你旁邊發左神經狂打J果個又係你邊個呀?」屎忽問。





「法細老。」法老娘講。

「Chok細佬咋呱?」百變怪同時咁講。

「我話係法細老呀。」法老娘有少少發脾氣咁講。

「我話係 Chok細佬呀。」百變怪亦都同時發老脾回應。

「法細佬。」「 Chok細佬。」
「法細佬。」「 Chok細佬。」
「法細佬。」「 Chok細佬。」

… (對嗌左五千六百四十下)

之後…

「救命呀!」

咩事呢?突然響厹堆度傳黎慘叫。

原來係因為班厹視法老娘為女神,對佢為唯命是從,所以…

佢每次嗌「法細佬」,班厹就搵野黎發佢細佬…

仲唔止發佢細佬咁簡單,而係…

百九幾條厹一齊發佢細佬個細佬…

真係聞者傷心,聽者流淚呀。

(但係你笑緊。)

唔好意思,我唔爭氣笑左。

「不過點都好啦,總之而家我地要上山,你地做咩我地唔理。」我講。

「No,No,No,上山!?問過我法老娘未呀?」條八婆咁講。

「問你!?問過我條J未呀?」賭撚講。

「你記住呀,你條J早就已經屬於契弟架。」百變怪加把口。

「No,No,No,可愛既追隨者們,係時候俾D顏色呢班壞人睇喇。」

竟然仲話返我地轉頭係壞人!?

條法老娘一講完,成班厹躝坦衝晒過黎…

我仲諗仲要開戰添…

點知…

佢地班野隊晒D木顏色出黎,真係戇撚鳩。

「NoNoNo!我要既係你地打佢地呀!」法老娘大嗌。

之後真正開戰喇…

屎忽就照舊,一個打5P組果五條友…

小姬就變左身,同賭撚一齊打毒氣雙子…

百變怪就一個打百九幾條厹躝坦…

而估唔到既係…

法細佬除左打J之外,原來都打得下,要我地兩個日本佬去對付佢…

而家淨返我同惠那對付呢隻法老娘。

我仲諗住醞釀定D口水準備作戰啦,點知…

惠那佢…

「子銘哥哥,你就保護好自己同你D寶物啦,呢隻妖孽就由妹妹我黎解決啦!」

哥哥!?妹妹!?真係好…

好夢幻呀!

惠那佢本來就已經卡娃依,而家仲咁,就已經又卡娃依左,但係更估唔到既係…

惠那佢竟然響心口到拔左塊麻布出黎,仲咁講︰

「平時我為左方便行走,所以包實心口,而家對付壞人,唔可以再咁保守…」

使唔使咁順口呀?

「我係日本名家四大家族之一,清秋院家族唯一獨生女,當代太刀第一女刀手…

黎啦!真正既清秋院惠那要返黎喇!」
已有 0 人追稿