小姬當時好正常地覺得估惠那佢唔到咁樣。

其實我都估惠那佢唔到,竟然會講D咁既野,不過…

講到呢度,我都覺得有少少尷尬,但係我又再諗深一層…

俾惠那佢索下索下咁…

又幾好性慾噃。





(死變態佬!)

變泰佬我就唔會喇,但願我會變做蘇聯佬,八九十年代,街霸果個。

我諗諗下白痴野,原來都入夜喇,我地只好快快腳走去柒鈷祿間大屋度…

仲準備好響佢呢度休息晚。

「喂,咁快就返黎喇,我呢度裝修左,多左好多個房,夠晒你地咁多人住。」





鈷祿佢又企左響門口,一見到我地就咁講。

「屌你!LEGO黎架?幾日唔夠就加裝幾個房?」百變怪佢邊行入屋,邊咁講。

「方便過LEGO!」

最後原來柒鈷祿佢只係響每個大房度加幾塊木板,間開晒D房…

而家D房係一入去就直接可以上床訓果隻。





「我屌!呢D係房黎架咩?」屎忽問。

「你有冇住過籠屋呀?比起籠屋,呢度好好多啦。」柒鈷祿回應。

「屌你丫!又幾骨緻噃,床尾有部電視…」

歸藏既「屌你丫」自從早前開左光之後就成日都掛響口邊。

「係呀,無限鹹片任睇,每日只需九萬九!」

條柒鈷祿真係當左佢呢度係…

太空艙,但其實只係…

太空倉,一個空溜溜既貨倉咁,不過講話係貨倉都形容得大左。





不過點都好啦,之後大家都冇理佢…

諗住好又一晚,唔好又一晚,求其訓左先算…

我地都各自派左一個房…

今晚冇乜特別,就連為左保護小姬沖涼呢D粗重野我都冇做…

(咁惠那呢?)

惠那佢同兩條日本佬要左個大房…

(嘩!同兩條日本佬同房!?3P呀?)





果兩個日本佬鹹濕係我所認同既,但係佢地真係當惠那係妹咁。

(咁咪近親相姦囉。)

算啦,我都係唔再同自己腦裡面既煩音對話喇。

其實…

今晚我係有D心事,除左一般既掛住屋企之外…

就係因為早前響賭場廁所發生既果件事。

而我諗諗下,終於忍唔住…

走左去隔離房度搵佢地問下。





(咯咯咯 ~) 我敲既係屎忽既房門。

我諗過諗,發覺都係先搵佢好。

佢冇回應,所以我就自己推開左道門…

(嘰 ~~~) 開門聲。

點知…

「哇!屌你呀!」回應我既竟然係…

「賭撚!?你…你做乜會響屎忽個房度架?」





響呢個時候,我仲見到朧朧凸起既被竇…

我第一時間係響度諗…

該煨囉!(呢句一般出自上左年紀女性既口,但係而家響我把口度出左黎)

「屌你啦!換左房喇!佢響對面呀!阻人打J猶如殺人父母呀!死撚開啦!」

原來係咁,我仲以為…

不過佢咁串嘴我唔串返佢好似唔係幾好,所以…

「你條J係屬於我架,信唔信我掉左佢唔俾你打丫嗱?」

(回帶︰之前佢輸左條J俾我)

「Sorry囉。屎忽佢響對面呀。」

「咁就差唔多。」

之後我去左對面搵屎忽。

入去之前,我又要深呼吸一啖,因為始終係要問佢D尷尬問題丫嘛…

(咯咯咯 ~)

「入黎啦。」係屎忽把聲。

「屎忽呀!我…有D尷尬問題想問下你…」

「吓!?性知識呢家野我麻麻地架咋喎。」佢回應我。

「唔係呀,唔係呢D呀,係…」

「吓!?其實我唔係基架喎,你唔好攪我呀!」佢一副驚被侵犯既樣。

「仆街啦你!我想問你秘密呀!」

「邊有人咁大聲講秘密架啫,夜媽媽攪咩呀?」

「咁…係噃,呢度D隔聲好唔好架?」

「超好!好似頭先咁,隔離扑野扑到鬼殺咁嘈我都聽唔到。」

「吓!?咁你又知隔離扑野。」

「我有眼睇家嘛。」

「呢度有窿?」

「唔係呀,行出門口轉左,有個鎖匙窿,拳頭咁大個,真係風光無限。」

「拳頭咁大個鎖匙窿!?哎…算喇,講返呢度先,你肯定你呢個房講得秘密,冇人偷聽到喇可?」

「黐線,我憑咩阻人偷聽啫。一係你入我被竇傾喇。」

哇,講到呢度,我真係有少少驚佢想乘機屌我SEAFOOD,所以…

「咁我就咁問啦,我想講…我今日響廁所聽到晒你同…小強既對話。」

「我知呀。我地都知呀。」

「吓!?你…你地點知架?」

「係你自己講話你當時響殘廁既,果度得男廁裡面有殘廁喳嘛。」

「吓,原來係咁呀,哈哈。」

「咁你想問咩啫?」

「我想問…你係咪一直都想殺我,完成你既任務?」

佢呆左一陣,之後回應我︰

「其實…咁啦,我諗你要清楚多D高登獵殺森林究竟係咩一回事先,所謂大家有唔同任務,其實只係大同小異,實際係…丫,我俾D野你睇。」

佢突然響肶罅抆左張紙出黎。
已有 0 人追稿