《高登獵殺遊戲》(情景題變講故 ): 邊境中伏 惠那被擄

離開左師父同方丈既寺院之後…

我同百變怪佢好快咁就行到去鬼域既邊境…

我地身處邊境係較高既地區，所以而家…

我地可以鳥瞰晒成個高登鬼域。

如果有玩過Warcraft或者Starcraft，我諗大家都想像得到鬼域係咩野樣…





呢個地區，有少少似瘟疫區或者腐爛既地方，周圍都暗黑一片…

即使而家係朝頭早同太陽正正響我地頭上面。

「救命呀！」「屌你丫，救命呀！」

突然，我地既附近傳黎D咁既聲音…

我仲隱約聽到係小日本兩條死佬把聲…





(其實係因為「屌你丫」三個字我先認得係佢地)

之後我地就向聲音方向走過去…

仲好快就見到有兩個地洞，立花_宗茂同歸藏就響裡面。

「喂，惠那呢？」我第一時間問。

「屌你丫，唔問下我地點先，走去問女人先！」歸藏。





「哦，咁BYEBYE！」

「喂！救命呀！」立花_宗茂。

「咁你兩條柒頭做乜響下面呀？」我返轉頭問。

「你估我地想架？我地中伏呀！」立花_宗茂。

「中伏！？」百變怪。

「係呀！有人響邊境呢度設晒陷阱，我同歸藏都中左伏。」

「咁…惠那呢？」

「屌你丫！又問？！」歸藏。





「等我答佢先啦，唔係有排問呀。」立花_宗茂。

「咁既，惠那同我地係一齊黎呢度，不過我地中左伏之後，佢亦同時間唔見左，估計都係中左伏囉。」立花_宗茂再講。

之後我四圍搵惠那，但係都冇任何線索…

「喂！呢邊呀！」結果俾百變怪搵到先。

「屌你丫！救左我地先啦。」

我同百變怪依舊冇理兩條日本佬。

我行左埋去百變怪度睇線索…





「吓，咩黎架？」我問。

而百變怪就以一對鄙視我地眼神啤住我，再講︰

「扮乜Q野呀？風間呀！」

「風間！？」

當時響我腦海度飄過既係《蠟筆小新》既人物之一。

而百變怪終於忍唔住手兜野打左落我個頭度…

「喂！屌你呀！」我鬧返佢轉頭。

「風間由美呀！呢條熟女你都唔識，唔好話俾人聽你有睇過JAV啦！」佢仲要屹我。





「黐線！我睇GAV都唔關你事啦！打我做乜九呀？」

其實我真係唔識邊個係風間由美。

(你估我地信唔信丫嗱？)

「吓！？乜你岩呢D架？」百變怪仲要串我句「GAV」。

「仆街啦你！」我之後一手搶左佢手上既線索…

其實係一隻豉油碟(即係鹹碟)，封面寫住︰「美人妻的3P肉宴」

「攪咩呀？呢個係鬼線索呀？」我講。





「唔係呀！係線索黎架！俾我地睇下！」立花_宗茂響陷阱度大嗌上黎。

「俾你都冇用啦，得隻碟咋，你唔係飢渴到咁呀！」我串佢。

「屌你丫！你黎得呢度時間短，你唔知咋，呢隻鹹碟好出名架！」歸藏。

「黐膠線，鹹碟出名關係線索咩事呀？」我串埋佢。

「你唔知就咪揸住人地對波啦！」百變怪佢搶返左我手上既豉油碟…

之後百變怪仲問我︰

「響呢高登獵殺森林出晒名架，你知唔知咩係嘿手黨呀？」

「嘿手黨！？外國黑社會？」我反問。

「無錯，就係外國強大組織，嘿手黨，佢裡面有三位成員活躍響我地附近，佢地分別係Medivh﹑Realize﹑SlyPlay，簡稱MRS.，係三個尤其喜愛熟女既外國人，所以呢隻碟，好可能係佢地留低既。」百變怪解釋。

「咁…我地有呢個線索又可以點呀？」我問。

「咁寶貴既鹹碟，冇理由會咁易唔小心跌左既，所以我估計佢地係刻意留低俾人知既。」

「即係點呀？想我地去搵佢地？」我再問。

「搵唔搵佢我就唔知，但係單憑碟上面既字，我估…」

「估咩呀？唔好屙唔出咁啦。」

「我估「美人妻的3P肉宴」，意思就係捉左惠那去玩3P，不過我有野諗唔明…」

「咁…咁大鑊，咁你仲有咩唔明呀？」

「我唔明點解三男加一女唔係4P。」

「仆街啦你！」之後我緊張度即刻去左救果兩條日本佬。

「喂！你地又知唔知呀？」我急不及待咁問佢地。

立花_宗茂另頭，之後我就推佢返落去陷阱…

「歸藏！咁你又知唔知呀？」

「屌你丫！梗係知啦！」

「知你就講啦！」

「我估計佢地去左果邊！」歸藏指左去山崖邊。

「你咁恐嚇佢，佢梗係亂指啦。」百變怪響我身邊講。

「咁…喂！你唔好呃我呀！你係咪真係見到佢地去左果邊呀？」我揈住歸藏條頸講。

「吾…吾…吾…」

「吾你老母！去死啦！」我又踢返佢落陷阱入面。

「百…小強，咁而家點算好呀？」我問。