《高登獵殺遊戲》(情景題變講故 ): 壽宴請柬 誤中機關

「但係點解…咁似用LEGO砌既？」我問。

「好硬淨架！」小羊兒回答。

「LEGO唔硬淨咩？你試過俾你爸爸罰跪LEGO未呀？」百變怪串嘴。

「唔好講廢話住喇！小羊兒，麻煩你帶一帶路丫。」我講。

「好！」小羊兒回應。





之後我地從骷髏口入去，裡面竟然唔係古堡型，而係LEGO內籠…

睇落去都幾夢幻，最少比出面既天色好丫。

我地一行五人，一路行，一路行…

好快就到左一個大廳，我仲見到…

「石屎主任！？」我大嗌。





佢坐住咁另過黎望左我一望，右手上面係一杯奶茶，之後講︰

「係石屎虧劃主任呀，或者你叫返我做堡主啦，哈哈。」

「骷髏叔叔，呢班人有野想搵你喎！」小羊兒。

「小羊囡囡乖，我識呢個後生仔，請佢地坐啦，你一陣自己去樓上玩LEGO啦。」

「哦！」





之後我地幾個都坐低左，而小羊兒就上左樓上。

「堡主，實不相暪，我想請問你有冇曾經寄邀請信俾方丈呀？」我問。

「寄！？我係放響佢信箱架喎。」堡主咁答。

「你親手放響佢信箱！？咁…封邀請信係講咩架？」惠那問。

「內容好緊要，係一個史無前例，前無古人，後無來者既盛會…」

「唔好賣關子啦唔該。」百變怪。

「咁係咪即係比賽，贏左有十粒膠呀？」我問。

「唔係，係我擺大壽呀，哈哈，點解你地會咁問既？」堡主。





「吓！？」

「我請佢黎飲咋嘛。」堡主再講。

「咁…嘿手黨D人又點解響邊境放陷阱呀？唔係想阻止人黎參賽咩？」我再問。

「我鬼知咩，你咪問佢地囉。不過我唔識D咩黑社會呀吓，我唔會請佢地飲。」

「放心啦，我地唔係反黑組。」百變怪。

之後我諗住再問野果陣…

個地下竟然突然震起黎…





「咩事呀？！」

「大鑊，衰女梗係噤錯制！」堡主。

「小羊兒！？噤錯咩制呀？」我問。

「機關呀！小心呀 ~！」堡主大叫。

點知我都黎唔切走，地下就出現左個地洞，而我仲跌左落去…

(哇 ~~~ 丫 ~~~)

(噗 ~)

得我一個跌左落去，而依家我身處既地方，距離響地面既佢地大約有…





最少幾百米高，好在呢度呢個位係淋既，所以我盡算係跌唔死…

「喂！聽唔聽到呀？」我向上大嗌。

但係完全聽唔到有人回應，淨係得自己既回音。

呢度好黑，四周圍似乎好空礦，我仲感覺到有D唔妥…

(哇歐 ~ 哇 ~ 歐 ~)

呢次睇黎PK喇，似係有猛獸既聲音…

而且，更PK既係…





響凌黑既環境度，我見到一對發光既雙眼…

呢次…

我係咪會俾野獸食左呢？個故係咪就咁就完呢？

(唔好睇得自己咁重要，你死左可以用第二個做主角。)

我驚起黎，求其就響地下執D野旁身…

結果我選擇左佢…

一條開晒叉既鋼筋…

十足十就係一把鋼掃把，岩晒我用跣九掃喇！

雖然我未練得好熟。

「你咩妖怪黎呀？我唔驚你架！夠膽你就出黎！丫，唔係！夠膽你就唔好出黎好D。」

我當時驚緊丫麻，梗係拋到佢唔敢出黎好D啦，但係佢冇回應。

「喂！唔好扮晒野呀！Eee…請問呢度點返上去地面架？」我再問。

佢又冇回應。

而且仲…

慢慢咁…

一對又一對眼慢慢標出黎…

而家成個地牢都…

滿佈眼睛。

你都咪話唔心寒。

但係點都好啦，我至少仲有生存既勇氣…

我揸實把鋼掃把，準備好佢地求其一隻衝埋黎就開戰架喇！

「我唔會怕你地架！我要生存！我要生存！我要生存呀！」

我就好似黐左線咁咆哮。

「喂！契弟！響唔響下面呀？」突然有把聲音響上面傳黎。

我認得係百變怪佢。

「響呀！你地終於搵到落黎喇！快D手喇！呢度好多妖怪！」我向上大嗌。

而堆眼睛就表示疑惑咁。

「扮咩疑惑呀？你係妖怪呀！唔通我係呀？」

(蹬 ~！) 上面突然搵左支射燈射落黎。

而家慢慢，地牢呢度都變光晒，亦即係…

我可以見到晒D妖怪既樣。

之不過…

結果竟然係…

只有一隻雞！？