《高登獵殺遊戲》(情景題變講故 ): 千金殺手 夜會小姬

「我…我…咁我講啦，咁樣既，自從內地遊客過度膨漲之後，賭城訂左好多老虎機，點知黨一話收緊政策啫，賭場生意當堂少左，攪到老虎城D老虎機滯銷…」唉我屌咩講。

「點解我覺得你好似屈緊黨咁既？」屎忽。

「你係黨人咩？唔係就咪理啦。」百變怪。

「但係…」我講。

「但係咩呀？」佢地問。





「呢度唔係高登獵殺森林咩？點解會有內地遊客呢請問？」我問。

「咦，係噃，對唔住，我講錯，總之因為賭客少左，攪到老虎機滯銷啦…」屌咩回應。

「嗱，我都話佢屈人地啦。」屎忽。

「唔好廢話住，俾屌咩講埋先。」百變怪講。

「因為滯銷，老虎城既生活變得困難，所以好有可能，雪花糕佢就係因為呢個原因而變成左跨地域殺手，目標就係振興經濟。」屌咩再講。





「屌你咩！我咁白痴都唔信你講啦。」歸藏。

「咪臭係，一時又滯銷又生活艱難，一時又話跨地殺手振興經濟，完全風馬牛不相及。」立花_宗茂。

「可能佢講得唔好，但係我諗我明白晒。」堡主咁講。

「咁你都明？」賭撚懶驚奇咁問。

「可能扮明架啫。」屎忽細細聲響我耳邊講。





「唔係扮明…」

點知咁都係俾堡主聽到，佢仲再講︰

「雪花糕就係老虎城城主既千金，老虎城城主由頭到尾都冇出現過，響獵殺森林呢度，佢就好似一個被詛咒既年青女仔一樣，一黎到呢度就要背負住整個老虎城，所以佢被逼只好利用殺人黎賺錢並唔係冇可能，總好過做雞丫。」堡主解釋。

「我覺得做雞好D，起碼唔會傷害人丫。」屎忽講。

「恕在下不能認同，一滴精，三滴血，慢慢陰乾你，我覺得比殺手殘忍。」堡主說。

「堡主所言甚是。」賭撚回應道。

「玩撚夠未呀？講返口語啦唔該。」我講。

「OK。」佢地回應。





「但係…咪住先，佢做乜Q野要留低張咁白痴既簡體字謎先？」我問。

「你有冇睇過黑玫瑰？從來唔會有人問點解黑玫瑰要留低黑玫瑰既。」堡主回應。

「咁佢應該留低D雪花糕丫，有得食都好丫嘛！」屎忽講。

「屌你丫！雪花膏係用黎搽架。」歸藏。

「真係難分真與假喔。」惠那又一幅賣萌樣搭口。

… (我專注睇緊惠那既可愛樣，班撚樣就一副無奈樣。)

呢件事本黎都已經好白痴，我地攪左成晚都係得個吉，但係更白痴既係…





堡主僕人話俾我地聽，張謎語圖其實係…

係堡主近排自己買既，根本唔係咩雪花糕留低，睇黎係佢自己都唔記得左。

咁究竟件事同雪花神針雪花糕呢位女殺手有冇關呢？

呢個問題，好快就得以解決…

因為…

我地班人攪完大龍鳳之後，我自己一個人返左去房…

… (返房途中)

當我返到自己房果陣…





「子銘，其他人呢？」

房頂既窗口突然傳黎一把熟悉既聲音。

「小…小姬？」當時既角度，我淨係認得佢條底褲。

(個故之前冇講過你偷窺，你做乜Q野衝出黎柒呢？)

Eee…之後小姬佢跳左落黎我面前…

(而家仲學人炸唔知添 =_=)

「佢地點呀？」小姬再問。





「孤男寡女共處一室，男仔實有損失…」我講得有D怕醜。

「損失D咩呀？」小姬問。

「精子。」我咁回應。

之後小姬冇回應，淨係唔知響邊拎左把交剪出黎…

「哦！我意思係好似唔係幾好咁啫。」我驚起黎急急回應。

「咁！答！得！我！未！呢？」小姬港女上身。

「十分平安！」我急回應。

「哼，咁就好喇，我聽講雪花神針黎左，佢想要殺幾個人。」小姬冷靜返落黎。

「幾個！？知唔知係邊幾個呀？」我問。

「唔係個個都知，但係最主要既目標人物，應該係石屎虧劃主任。」

「即係堡主！？」

「無錯，就係呢度既主人。」

「咁…咁點算呀？使唔使即刻搵堡主傾吓呀？」

「自己生命緊要D，我怕殺手唔止雪花神針一個人，佢地仲可能會聲東擊西。」

「擊邊個個西呢你估？」

小姬蹬大對眼怒啤我。

「我意思係…係小姬你點可以咁自私架，大是大非既時候，你竟然只係顧自己？」

「我…傻瓜！我係顧住你咋！」小姬咁講。

佢講呢句既時候，顯得好激動，仲無啦啦眼泛淚光添…

就好似經歷左好多野先可以響我面前講到呢番話一樣。

我唔知佢呢十日發生左咩事，所以…

我咩反應都冇做。

「或者係我傻啦，算喇，你自己小心D啦，我仲有事要做！」

之後小姬一下就從天窗跳左出去。

究竟…

究竟發生咩事呢？

當時我望住小姬離開既窗口響度諗。