「好似…好似響邊度聽過咁既。」我。

「名單之列。」百變怪。

我地再閒話幾句之後,堡主去左休息…

而丁原同九鳥天天師就離開左,去執返呂阿布。

而小日本兩條仔都要離開,惠那身為佢地組織既人,都冇辦法唔跟住走。





「惠那,我地…幾時可以再見呀?」

「你用Call台搵我丫。我都係時候返去做D野先。」惠那回應我。

「我都要返賭場喇。」賭撚自己講。

「我可以陪吓你,還掂我都未有頭緒去邊好。」屎忽。

所以到最後,今晚淨返我地三條佬,我,屎忽同百變怪。







我見訓唔著,又捉住佢地傾計…

「喂,原來我有好多野唔記得問你。」我同百變怪講。

「咩呀?」

「究竟…高登獵殺森林係由幾多個地方構成架,有幾大呀?」





「哦,咁咋下話?高登獵殺森林呢,其實係一個…你當佢係四面環海既國家啦,由幾個重要地域組成,包括,鬼域﹑森林﹑賭城同城市,方丈既高登山係屬於森林裡面既地方,之前聽過既老虎城就係屬於賭城區。」講野既係插口既屎忽。

「咁…四個地域有冇咩關係咁?」我再問。

「森林比較大眾化,咩人都入得,城市係主幹,賭城受城市規管,鬼域係被城市遺棄既地方。」百變怪解釋。

「城市!?我黎到之後好似未去過,你咁講,我好似應該要去吓,但係…咩係遺棄既地方?」

「城市既設計較近似現實世界,好多野都好煩,咩係遺棄就更煩。」百變怪。

「咁…或者唔講果度住喇,講返…不如講吓丁原講過既高登女夜鬼丫。」

「冇咩好講。」百變怪。

「又唔係既,不如我介紹吓佢啦。」屎忽接口解釋我聽…





「佢叫高登女夜鬼,前高登討論區飲食台台主,前高登電台主持,佢既驚人膠力我就唔講喇,只係講一樣野,就係佢好鍾意食嫩草,仲自創左一套神功,叫做嫩草車輪劍。」

「嫩草車輪劍!?」

「即係咁。」屎忽佢揈吓揈條脷咁,我頂唔順,所以車左佢幾十巴。

「唔好意思,你繼續講。」我。

「我都話冇咩好講啦,你睇吓,屎忽一講你就打到佢口腫面腫。」百變怪。

「佢自己個死人樣衰喳嘛。」

「咁你仲有冇野問呀?個故解釋得太多,變到好悶喇。」百變怪問。





「車,我都唔想架,而家百無尿賴,根本都冇頭緒聽日去邊好。」我回應。

「你個小姬呢?講吓佢條愛情線囉。」

「咦,係噃,尋晚小姬黎過搵我,但係佢好似受左好多委屈同好忙咁,你地知唔知咩事呀?」我問。

「小姬係獵殺家族既人,本來就係要周圍殺人,忙係好正常,至於委屈就要問你喇。」屎忽。

「黐線,委屈關我差事呀?不過…殺人!?好在響我身邊暫時都好似冇死過人啫,唔係我肯定訓唔著,哈哈。」

「你而家都訓唔著搵著我地兩個黎攪啦。」百變怪。

「咁又點同呢?丫,問多樣野,假如每人有一粒膠既話,其實搶九粒膠又好似唔係幾難啫,因為都好似有幾多廢人。」

「問題係即使係D廢人都唔會個個放粒膠響自己身,加上廢人一句話俾人搶左,你都冇辦法唔認同,因為你都認定左佢係廢啦,而且膠唔係個個人有,係高 登會員先會有,呢個高登獵殺森林最少最少可以分成兩類人,第一類係會員,第二類係…你當係AI,人工智能啦,根本唔係現實世界既人,可能只係程式黎。」百變怪。





「原來係咁呀?」

「去訓啦,雖然暫時你既經歷都係白白痴痴咁,但係呢度始終係屬於獵殺者既世界,加上你仲係成十條友既獵殺對象,唔可能日日咁輕鬆架,休息好D去面對未來既挑戰好緊要。」

「但係真係訓唔著。」

「或者你學吓佢囉。」百變怪指住醉到訓左既屎忽。
已有 0 人追稿