飽餐過後,我們四人也不願動起來幹活,只懂得望住吊燈的發呆,舔住嘴角回味著腹中美食的滋味。

「唉…食飽之後!又要面對煩惱啦……」夏林苦惱地嘆氣,說:「都係訓埋今晚先算……」

「夏林,你覺得鳳凰點?」我問。

「佢…」夏林稍為認真起來:「我估唔到佢…會救我。」

「照道理,佢俾蛇皇帶返去組織之後應該唔會好受…?」





「咁就當然…」夏林輕力拍一拍自己的前額,咬牙地說:「其實我都唔應該咁快放鬆,朱雀仔為咗我……背叛咗蛇皇,佢唔會俾人即刻殺死…但係,會受到好嚴重嘅折磨作為懲罰。」

「之後落嚟,我覺得死靈飛盜團佢哋會主動出擊……自動搵上門。」

「因為你百毒嘅身體?」

「嗯…蛇皇窺視我嘅個雙眼就同霉差唔多,只不過前者係為咗我百毒嘅巨大價值,而後者係嫉妒我百毒嘅能力,我估佢哋唔會放過我。」

「咁之後落嚟,你要小心啲。」夏林提醒我。





「不過話說……」我托住後腦,回憶起碼頭一戰終結時蛇皇的說話:「蛇皇佢個次臨離開之前…有提及過『怪物』,佢指嘅係……」

「唔知呢。」夏林果斷地回避這個問題,打個呵欠、伸個懶腰就起身回房:「返房訓先。」
已有 0 人追稿