「咁我哋主動去搵出鳳凰佢下落?蛇皇佢就算要主動搵出我哋‧‧‧‧‧‧都應該要上一段時間。」夏林提出。

她說得沒錯,現在我們其實都處於雙方不知彼此身在哪裡的階段。不過要是能主動找出對方,先下手為強,當然來得被別人找上的好。

不過......

「夏林,你有方法搵得出死靈飛盜團佢哋...?」這才是重點吧。

「有。」夏林吃了一口炒滑蛋:「有冇聽過「暗網」?」





恰好此時,天空下起一場突然的驟雨。

「以前略略聽聞過...特工部情報人員追捕某啲殺手同人肉販子嘅目標時,會上「暗網」追查佢哋下落。」那時我還是特工部新加入的一員,被派去了解情報人員部門的運作。

暗網(Dark Web),又叫做深層網路,指的是一般搜尋引擎找不到的網站。在暗網的網站全都隱藏了伺服器的IP位址,讓人沒辦法知道是誰在經營網站,暗網不會出現在Google一類的搜尋引擎,所以除非你知道怎麼找到暗網,暗網可以說是隱形的。

也因此,那裡可以說是最適合恐怖份子、非法行動進行的地方,例如:買兇殺人、軍火交易、毒品轉售、人口販賣,總之你能想出的變態事情也有,所以特工部有必要時都會進入那些網站追查目標人物的線索。

「死靈飛盜團佢哋有時都會喺「暗網」裡面行動,佢哋為咗保密性,有一部分成員一般都會喺個到溝通同活動,而我識得其中一個人......佢正正係最鐘意喺「暗網」逗留。或者可以透過佢,搵出鳳凰下落。」





「但係佢會唔會信得過你?好似蛇皇咁,就算你未俾人踢出組織......佢都已經唔當你係成員,仲毫無顧忌咁對你落殺手...。」夏林能不能得到其信任才是重點吧?

「個嗰人啊......」夏林一說起他,就顯得有點苦惱:「係個咸蟲。」

「......」

「以前我仲喺組織個時,佢經常性拎部手提電腦喺我面前向我提起,自己喺「暗網」邊個性奴交易買賣網站買咗條女返嚟,仲問我正唔正...之後又問我想唔想試下俾佢用粗繩綁住、又或者戴狗圈、戴口塞咁俾佢影副相......總之就係個變態。」

「有冇報警?告佢性騷擾你?」我問。這完全是性騷擾啊。





「黎明,你講緊笑?」夏林愕然地問。

「哈...」我低頭笑笑,說:「得閒一、兩句笑話冇乜事嘅,好過你講個條友。」

「我認真啊...!」夏林激動得握住拳頭,聲色皆震:「有一次我留低件褸十分鐘姐...!!我返去基地拎返個陣已經多咗啲不明嘅白色液體喺到......!」

「外賣奶茶。」一名伙記把奶茶放下。

「諗起都嬲啊...!」夏林咬一咬牙,側住眼惡狠狠地說:「伙記,一件炒蛋!」

「呃...小姐,唔好意思,因為落雨我哋整唔到炒蛋。」伙記回答。

「咩話...!?落雨會炒唔到蛋嫁咩!!?」夏林激昂地反問。

我也勸說:「落雨的確炒唔到蛋,夏林,你冷靜啲。」我這樣說,只是想夏林冷靜一下。
已有 0 人追稿