【特工】《虔誠者》: ──黎明騎士團篇──(205)

「睇嚟我唔錄低你夜晚嘅樣，你都唔會知發生咩事。」典型的人格症狀。

「驚你呀。」


於是乎，我們決這幾天解決好霞的自我認知問題才出發去營救鬼匠。治癒她的方法好簡單：

一，進食精神藥物。






二，對自身擁有兩個人格的認知。


第一天，我用手機把霞在晚上的一舉一動都拍下來。一般來說‧‧‧‧‧‧我是絕對不會用智能電話，因為要被香港特工情報處追蹤到行蹤是很簡單的事。


不過我把電話卡拆了，只用它的錄影功能就不同說法。


「三、二、一，開始！」我拍一下手掌。






晚上重返正常主人格的霞便開始照我所說，望住手機鏡頭解釋：


「日霞啊日霞，你唔信小時都信下我啊嘛？雖然我唔識你，不過你唔好再霸住我個身體呀！！！」霞對住鏡頭越說越激動。


「日霞」即是早上的霞，「晚霞」即是晚上原本的霞。





「冷靜啲‧‧‧」我說。


「重嚟。」霞對我哈哈一笑。


「三、二、一！」


「霞！何解你咁唔乖呢？古家大少爺衰人嚟嫁，你細個明明見到佢打死過三隻狗架？相反‧‧‧‧‧‧」霞突然握起手機，把鏡頭轉向我：「見唔見到依個人！雖然佢用繃帶包到自己恐怖份子咁！但佢絕對係個好人嚟！！當日佢都不顧一切衝入嚟傲家同我諸位哥哥對抗啦！你有冇睇到啊！你喺世間上有冇見過咁英勇嘅男子先！！！冇嘅話就咪再用我身體啊‧‧‧‧‧‧！！！！！」霞又激動起來，對住鏡頭狂罵。

「霞‧‧‧！」我不禁嘆笑，制止住過份激動的她。

第四、五、六、七、八、九‧‧‧‧‧‧






無數次的重錄，我和霞整個晚上就是費在這件事情上，好像怎麼解釋也不夠動人，說服不到「日霞」的相信。


「呼‧‧‧‧‧‧真係麻煩。」霞靠在牆上休息，仰望著天花板：「仲有幾個鐘‧‧‧？我又要返去沉睡。」

「三個字。」一同靠在牆上的我答。


「真係幾好笑～」霞低頭苦淺地微笑，說：「又會要同自己解釋。」

「你覺得佢會唔會信？」


「比起佢會唔信‧‧‧‧‧‧」霞轉頭望住我，說：「我覺得，我又好似接近咗你。」





「？」

「我哋終於‧‧‧都一齊見唔到太陽，見唔到日頭。」霞情深義重地說：「可以陪你分擔依個『詛咒』。」




「詛咒‧‧‧？」我伸一伸展身體，抬頭仰天花板：「或者，見唔到太陽，我哋會更幸福。」


在我說完的同時，只見霞沒有把頭轉向，而是繼續情深地凝視住我，令我有點愣然。


然後‧‧‧‧‧‧她竟想把頭靠過來！






「霞！」我立即縮開自己。


「吓？」她吻個空了。


「你啱啱‧‧‧‧‧‧啱啱個下係死亡之吻，好彩我避得快‧‧‧」要是她吻過來，真的玩完了。

「‧‧‧」霞苦惱地低頭沉思一陣，然後緊眉的轉望向我：「你根本唔鐘意我！」

「What the‧‧‧‧‧‧」

「一係就俾我感受下你個心！」說畢，她便一掌打在我右胸上！






「砰」沉悶的一下聲音，我硬吃了一掌。

「‧‧‧‧‧‧」我望住思疑的她。

「你個金剛圈呢，仲有冇戴住？」她又轉望我額頭。

「我放低咗喺房‧‧‧」

「我咪叫咗你對住！」

「但係‧‧‧‧‧‧」

「走！唔想見你。」霞又會無緣無故的對我發脾氣？不明所以的我只好帶著無奈離開。差不多晨曦之時，我經過霞的房間時便聽到了她用那部手機播著首歌，是《甘心替代你》。

經得起憂傷與悲

只因心中有著你

路遙長夜記憶從不捨棄

「估唔到‧‧‧佢都會聽咁舊嘅歌‧‧‧。」我心下默然。


長街的身影穿過風雨有傲氣


曾一起出走不怕闖進了絕地


「佢呢，自細就俾人困喺屋企唔准出街，《古惑仔》依啲電視台成日重播嘅戲冇睇過百次都有十次嫁啦，霞係個傻女，對愛情保有純真。」是夏林。


「所以‧‧‧」


「所以，下次唔好咁直接拒絕女仔啊嘛！人哋覺得你厭棄佢嫁。」

「‧‧‧我唔識依啲嘢。」

「唉～你兩個對「愛情」依樣嘢嘅思想都真係純過蒸餾水，你哋到底點樣生存得到？」夏林笑呵呵的回房去。


 回房之後，我望住霞她之前送予我的金剛圈，某程度上，雖然是順手牽羊，但她卻好像把它當是訂情信物一樣。


是意味住要像孫悟空一樣，我一戴住就會緊扣住自己的頭，那麼這種緊迫的感覺便會使我一輩子都記住了她。


霞的想像力也太‧‧‧‧‧‧


我握住手上堅韌無比，大小好像專為我而訂造的金剛圈猶豫良久，最後還是選擇放下、收起，因為戴起上來好像真是怪怪的。


如常地，一到早上霞就變回那個憎恨我的人，不斷用著不同的粗口狂罵著我，由我世代古老的祖宗到未來的孫子都無一倖免。


「我出到嚟一定一劍斬死你呀！」


「你留啖氣休息下。」我在走廊經過該房間時，順便回應。


「我一劍刺穿你條橫丫腸啊！！！！！」


「鳳凰，忍蛋，你哋兩個邊個想跟我去救鬼匠？」我亦是時候要去營救鬼匠，解開赤兵隊內部的秘密了。

「我。」二人齊聲回應。


「你哋其中一個留喺到，保護夏林同霞。」


「⋯」可能忍蛋鳳凰二人都不太熟悉，都決定讓對方選擇。


「你哋決定成點⋯？」


「咁，不如搵對方屋個位前朝特工幫手。」鳳凰提議。


「白牙大叔？」


「嗯。」

「都可以試下問。」


於是乎，我便請了白牙孤城過來，略略跟他交代了一下霞的情況，要看顧保護她倆的事情。

「一場鄰居，唔洗比返錢我。」白牙大叔拍拍我的膊：「就當還返，當初你救我嘅人情⋯」


「咁麻煩你。」


白牙孤城大叔把我說的都開始背誦出來：「已經記住，個位叫霞嘅女仔⋯早、午、晚三餐都要食清淡嘅，夜晚先可以放佢出房，朝早唔準開門⋯⋯係咁上下？」


「等陣⋯」鳳凰慎重地說：「另一個叫林，唔好俾佢飲多過三杯酒，因為佢會發酒癲。訓教個陣佢總會踢開張被，半夜入去幫佢蓋番好，唔好令佢凍親。佢朝早可能好爽朗，但一到深夜就變頹，可以嘅話鼓勵下佢，咁佢會易啲訓著。」


鳳凰跟夏林到底什麼關係，聽得我們都呆住了⋯⋯


「咁⋯大概係咁多？」白牙孤城問最後一次。


「仲有隻馬，可以嘅話幫佢刷埋毛。」忍蛋半信半疑地補充。


「好⋯」

「出發。」我一句說出，鳳凰忍蛋二人便跟在我後離開。


前去東龍洲期間，我們三人稍為討論了一下營救的戰略。我略略講解過地形，我認為赤兵隊把鬼匠監禁住在當時赤曲死去的工廠，因為唯獨那裡是封閉的空間。


到達東龍洲時，雖然還早，但我再一次走到那所廢工廠的入口，望住入口漆黑的走廊，都總是隱約感覺到一股不祥之感⋯⋯


越望越深⋯


就好像，某人跟著我招手一樣。


「夜晚入去有冇問題？」我問。


忍蛋伏了在地上，耳貼地面聽著工廠內部有否傳出聲音：「微細嘅腳步回音⋯機器反覆嘅運作聲。」


「正常入面應該已經冇人⋯⋯果然⋯」我握緊拳頭，望住深不可測的走廊。


「你個心震顫緊。」鳳凰為魯格手槍上膛：「但作為男子漢，就應該無懼一切去戰鬥，面對過去嘅悲痛⋯⋯」

「⋯」


「夏林將你嘅事講過比我聽。」鳳凰把槍頭對準走廊，說：「今晚，就當係同過去嘅自己嚟個了斷。」

晚上，十時半。


一直潛伏於東龍洲草林中的我們，都覺得行動要開始了。月色正圓正皎，就像那一晚的月圓。


面對赤曲的死，至今已經過了半年。


到頭來，解鈴還須繫鈴人，在這裡種下的因，今晚就要在這裡摘下果。我答應過他要好好保護赤兵隊每位，所以⋯⋯我要知道赤兵隊變成如此的原因。


「行動。」我首先步入那深長的走廊中。


鳳凰帶上了夜視鏡，忍蛋則擦乾淨雙眼，就跟我徐徐步入裡頭。


我靠著赤灼之眼為著眾人領路，一路上沒遇到太多的問題，沒有任何機關或是人類。直到我們進入到一處必須通過的地帶，終於發現到一點詭異。


「前路有紅外線感應，唔好觸發到⋯」我說。


花了好一點時間逐步講解，才令二人都通過感應器。不過這裡守衛極寬，似乎是赤兵隊預計根本沒人會來營救鬼匠一樣。

也是，要不是海鯊告知我，我都不知道鬼匠被人關在此等遠離城市的鬼地方了。