【特工】《虔誠者》: ──黎明騎士團篇──(211)

「話時話⋯個陣我留低咗百鬼夜行傘喺總部，鬼匠，依家喺邊？」我轉問。


「都話比撚左第二個師團長用囉！！！！！！」


「居然⋯⋯」


「你哋決定下七日之後嘅事仲好啦！」鬼匠收起脾氣，說：「到時你哋要阻止赤兵隊發射導彈，又要拖延到特工部趕嚟。」






「冇錯⋯唔可以預早通知特工部，否則赤兵隊知道走漏風聲，一定會轉設喺第二個位置安裝導彈，唔可以打草驚蛇。」我事不宜遲，開始做一份戰前報告。


以前赤曲在每次行動前，都會這樣指導我、赤瞳還有赤牙。如今望住坐在沙發前望住我的夏林忍蛋鳳凰，感覺⋯⋯就像回到以前的自己。

「我要去迪士尼！」夏林舉起手。

「林，唔係叫你去玩。」鳳凰拉住她耳朵。






「⋯啊⋯⋯啊⋯啊⋯！」夏林痛得發出陣陣叫聲，苦苦地說：「我去迪士尼阻止佢哋渣嘛！！！！！」


「咁我去天壇大佛。」忍蛋點頭。


「機場交俾我。」鳳凰說。






「咁我就去國際金融中心。」我心下默然：「蜘蛛仔就去大帽山⋯」


「記住，確實發射位置你哋要自己搵出嚟！到時候準時十點鐘，VX神經毒素導彈就會正式發射，你哋每成阻止到佢哋發射一枝，都相等於救咗二百萬人。」

「過埋依日，就得番六日。」我微微閉上雙眼，再明亮地望住各位：「你哋有咩想做，有咩想同親人交代，就即管去。」

「‧‧‧‧‧‧」大家一片沉靜。

「霞，你要唔要返‧‧‧‧‧‧」

「唔要，你去邊，我去邊！」霞自信有神地望住我。

「咁你哋呢？」我回頭望向他們三人。





「我諗‧‧‧我會返一返古家。」夏林望住地板，傻傻地僵硬笑笑，又收起了笑容：「始終‧‧‧‧‧‧都係我家人，七日後係生係死，都想同佢哋有個交代‧‧‧」

「咁我都返去忍部屋同兄長請辭，雖然關係都仲係冰塊咁‧‧‧但始終係親兄弟。」

「鳳凰？」我望住餘下的他。


「我有分數。」他答。

「咁‧‧‧‧‧‧」我準備來個總結。

「仆街！你未問我呀！」鬼匠跳上桌子，向我怒罵。

「咁‧‧‧鬼匠你又點‧‧‧？」我無奈地問。





「我會去旺角一樓一，一邊飲酒一邊叫雞！！！！！！」

「得，你唔好再講‧‧‧」我不想小霞的思想被他污染了。

「咁各位，最後一日，我哋就返嚟依到見番大家，開始行動。」我說。


「你哋團隊叫你咩名？」鬼匠突然問。

「名？」

「冇撚嘢啊！一個團隊冇團名點叫團隊呀！！快啲起個！！！」

「呃‧‧‧呃呃‧‧‧‧‧‧黎‧‧‧黎明‧‧‧‧‧‧？」夏林斜斜望住我。





「騎‧‧‧士‧‧‧？」忍蛋又望住FristLove。

「團。」我點頭：「黎明騎士團。」

「唔‧‧‧七日之後香港嘅黎明仲會唔會升起，就睇你哋。」鬼匠滿意地道。



「好！暫時解散！六日後再聚！」