《米米蓮的100個揭尾故合集》: 《旅程》謎面

《旅程》

謎面：

今晚我去過好多地方 成個人都已經好攰好攰

真係邊度都唔想去 淨係想返屋企

但係好無奈 始終都仲要搭呢架車 架車係滿座架



我坐到最前 一直就望住外面 夜媽媽 出面都黑媽媽

好在我嚇大既 咩都唔驚

架車一開車就行得好快好快

行左冇幾耐 我就見到出面有隻個頭好大好大既野

有D毛係度飛下飛下 好似日本鬼怪片d鬼頭咁



「超 使咩好驚啫」

再行一陣 我又見到隻又似牛又似馬既野

佢對住我笑 佢既笑容好可怕 好令人心寒

「超 使咩好驚呀」

我望去後面 見到其他乘客個樣 佢地好似睇唔到既咁



之後我冇再望右邊 我望去左邊

黑色 白色 黑色 白色 唔係人類既膚色

「超 有咩好驚喎」

好在到而家「佢地」都冇上車攪我

再行左一陣 有一隻條頸....好長 仲要郁來郁去

「妖 唔好驚 唔好驚」

好在佢個頭太高 應該見唔到我

我合埋雙眼深呼吸 我聽到其他乘客係度嗌 嗌得好恐怖



我已經唔敢再另轉頭望佢地

我一擘大眼 一對黃色發光既眼同我對望

呢下我嚇到標左尿出黎 我貶下眼佢就唔見左

當我仲驚緊 心神未定之際

前面突然落起大雨 好似倒水咁倒

之後架車向下跌左落去 個感覺好似跌落懸崖咁

我以為乜野都完喇



突然一隻鬼爪爪住我

我已經再唔識驚 我企左起身 行左一步

望返轉頭 我眼淚流左出黎

我只感覺到一世都未試過咁後悔

(完)