天比機會我重新返轉頭,我係咪應該好好咁重新享受多一次呢種快樂呢?我就坐在電腦前面拎住隻有線滑鼠、係到諗緊個時既我電腦入面會有d咩呢?一打開電腦我見到好多好經典online game。勁舞團,魔獸,童話…同埋唔知有無人玩過既三少俠、仲有曾經風靡萬千mk仔女既icq 同埋msn 、我cick 左入msn個到我好奇個時既我有咩人會上線我會有啲咩朋友呢?係呢個時候問題就黎喇!密碼呢?我個時係用咩密碼架、我諗左好幾個可能會用既密碼、生日、身份證、一啲值得記念既日子!幾經辛苦終於比我撞到喇!原來係我依家用緊既電話號碼、一上線見到好多火星文,唔知係咩人既人!事關msn係可以隨意打好長好長既名既一個溝女工具!突然「登登燈」一聲、嘩好耐冇聽過msn既「登登燈」聲、有一個叫做「︿%&醉愛杰少***」既男仔叫我、屌!乜撚野醉愛杰少呀、邊撚個黎架?
「喂柏軒你咁快送左呀曚返去喇?」
「你係呀杰?」
「屌!?你係咪玩呀?我唔係呀杰唔通係你老豆咩柒頭!?」
「點呀有無打車輪呀?」
「我先無你咁狼呀!」
「屌!咁你做左啲咩呀,坐咁撚耐車!你唔好同我講你連牌都無抄呀?比哂機會你上架喇喎!唉…如果真係無抄,洗唔洗我比你呀」
「有拎電話、sd左兩個sms囉!仲可以做d咩姐?」
「我仲以為你條柒碌咩都無做添!」
「做咩無喇喇話我柒碌呢?」




「屌!你睇下你個樣真係成條柒碌咁呀嗎!」
「喂仲講咁撚多做咩呀?開左場喇入黎喇!
「又開咩左咩場呀?」
「屌你仲唔撚認你係一條柒碌!信長呀仆街!kyo呀場名lovekit1314!快d入喇、唔講喇!」
Kyo呢個名都唔知幾多年無聽過、識打信長一定係個度打既、仲要一定係打11.2b圖、入到場我諗到唔諗就簡左究極秒死王淺井、好彩我都寶刀未老、完場都有19殺2死、完成歷時1小時30分鐘既戰爭簡直係爽呀!
不經不覺已經到10點幾,去沖返個熱水涼先、係我就黎沖完涼既時候msn再次發出信號、但係今次既信號有d古怪因為唔係平時既「登登燈」咁既聲而係「咚」一聲跟住電話又播住
「人人親近我~無人爭奪我....」既鈴聲
原來係呀杰打比我
「喂!黃柏軒你做乜鳩唔撚應msn呀!」
「岩岩沖緊涼呀嗎大佬!點應呀?做咩事呢?」




「呀你個柒碌又柒唔撚哂喎!啱啱呀曚問我攞你個msn呀!」
「吓?!」
「吓乜撚野呀!我比左喇!佢都應該加撚左你個柒碌架喇!」
「哦!?」
「屌!哦乜撚野姐你!呀曚加你、你執撚到喇柒碌!窈窕淑女,下句係咩呀?」
「君子好求!?」
「供不應求呀柒碌!唔撚同你傾喇,紫螢打黎喇!」
卡一聲連講88既時間都無就收左線!原來岩岩「咚」一聲係呀曚加我既時候發出黎既音效!我係到諗加左呀曚第一句同佢講咩好呢?hi?哈佬?定係喂呀曚?係我仲諗緊既時候有個叫做梓君既女仔同我say hi  梓君咪就係呀曚個真名!呢個時候我又要繼續再扮傻
「你係?」
「我係呀曚呀!^_^ 」




「吓!原來你叫梓君呀?」
「係呀!係咪好驚喜呢!你估下點解我會有你msn呢?」
就算呀杰唔打黎同我講,樓下掃地個呀姐都知剩係得柒頭杰會比我msn你㗎啦,唉…硬係要逼人扮傻仔
「係咯、點解你會有我msn 既?」
「哈!我岩岩問呀杰攞架!諗住同你傾msn方便過sms姐!Y(^_^)Y  」
「係呢你仲有無事呀?食左野未?」
「無事喇!暈車浪係坐車先會咁啫、岩岩自己去食左d野、依家同小虎玩緊!」
「小虎係邊個呢?」
「小虎係我屋企既一隻貓!」
「你有養貓架咩?」
「唔只一隻添、我屋企有8隻貓!小虎係其中最細個隻!」
「下!你做咩養咁多貓呀?」
係街到成日見到d流浪貓個樣好慘無人理我就忍唔住帶佢地返屋企!
「原來你咁有愛心架!」
「唔係你估!點呀你食咗野未呀?」




「係喎!我都唔記得我係未食野添!我食完野再搵你喇!」
「嗯」
事關呀曚媽咪都係一個好有愛心既人所以係我同佢拍緊拖既時候、佢最多係養到13隻貓!兩母女都係一個貓痴黎!突然「咔嚓」開門既聲音、一把男人聲
「黃柏軒、你係到做緊咩呀?」
呢個男人係我呀媽個男朋友,對我同我呀媽都好好既男人!
我已經好耐無再聽到呢把聲喇、聽到呢把聲有小小眼淚在心裏流既感覺,因為佢係我生命中既好多波折難關無論錯又好啱都好佢都會義無反顧咁幫我解決同埋教我點樣去面。
對係我人生中有兩個咁樣既人、佢係其中既一個、但係因為發生左一件連我自己都無方法去原諒自己既事所以就失去左!係呢刻我真心忍唔住跑左出廳好大力咁攬住佢
「對唔住呀、對唔住呀!」
「做咩事講對唔住呀傻仔!你係咪又做錯咩呀講黎聽下、睇下我幫唔幫到你?」
好耐無試過有人用咁溫柔同關心既語氣去同我講野!因為係呢個世界上係無人要應份去對一個人好㗎、更何況我唔係佢個仔!佢都仲要對我咁好!個刻我真係咩都講唔到只係好想好想攬住佢、但係回到過去既我又點可能咁樣呢?所以我講左句!
「我唔覺意打爛你隻柸呀!你唔會嬲我架可!」
「咁小事渣係咪呀、仲以為你搞大左人地個肚叫我執手尾添!」
「你都傻既!緊係唔會喇!我連女都無!」
「都知你仲係青頭仔黎㗎喇!你入房自己打下飛機喇,需要片過黎問我借啦…哈哈!」
「挑!」




我係講完呢句挑之後就返左入房繼續同呀曚傾計仔!
已有 0 人追稿