媾女啫....唔洗咁呀: 改變？
2006年9月2號下午1點32分我重新返黎2006年已經係第2日，我感覺一切都好陌生，無論呀杰，呀曚定係其他人...同我所認識既佢地好似有一種講唔出既分別，只有一樣係永遠都無變既就係𠴱份真摯，純真既感情。
要係呢一刻形容我而家心情既話，我只係想講「假設可重遇，讓今天的我輕撫你」
係正在陶醉於自我世界期間，忽然醒起我仲要接呀曚放學㗎喎，仆街！差啲比最終幻想搞到唔記得一樣咁重要既事。
係呢刻我充份運用身體每一個部位用接近光速既速度整理儀容，係精心打扮之際發現衣櫃裡面啲衫不堪入目，真係屌你老鼠！
由於真係好趕時間，所以都唔理咁多全身黑色裝束就衝咗出門，我記得當初對呀曚係好冷淡，根本未試過著緊佢，更加唔好話接佢放學，己經滿腦空白的我不顧一切直奔車站搭車。
當我一落車即刻睇一睇時間，嗯......好彩仲有成半個鐘先放學，成個人即刻鬆哂，於是我係衫袋拎出一包𠴱時最多人爭峰搶購既冰藍萬寶路出黎，係手中輕輕一搖，一枝令眾生迷倒既冰藍香煙落係半空中，我帶有不羈咁將頭慢慢向上，緊閉既嘴唇亦自然灑脫地張開迎接。
噢！香煙同嘴唇完美結合期間，我不慌不忙咁再係褲袋掏出一個令mk仔非常迷戀既zippo火機，運用一啲華麗而又不失大體既花式去燃點我口中的一根充滿著唏噓既香煙行去藍球場
係我做出以上動作期間，我大膽保證除左一個掃地既呀嬸同一個呀伯之外係再無第三個人睇到我呢套型棍子動作
身處令人有種種回憶既藍球場入面，即刻四周尋覓柒頭杰的身影.....仲係到搵緊既時侯，見到有幾個自命不凡，輕佻浮燥既邨童一步一步咁行埋黎，再用一啲已經係2016比人拍到爛哂既古惑仔口吻黎𢭃我......
「喂𡃁仔你邊撚到㗎！知唔知呢個球場我睇㗎....」
「吓！咩邊撚到！？我唔係住呢頭喎…」
「我依家問你邊撚到呀柒頭！我屌你老母！」
「你戇鳩㗎！我老母幾時輪到你屌呀，毛都未生齊！我邊撚到又關唔關你事呀？」
「你老母呀！咁撚串你知唔知我係邊撚個呀柒頭！」
「吓！你係邊撚個關我撚事呀！我又唔撚識你、你問我咁撚多做乜撚野姐！」
「兄弟食柒佢！」
始終雙拳難敵四手，當我發覺唔夠打既時侯就緊係有咁快走咁快啦，唔知係我太黑定係生得太高，居然走走下失重心仆街，係呢個時候我已經比佢地圍住黎拳打腳踢，本能反應係用我僅餘既意識去保護自己，最後都係不知倒地暈咗。
我既記憶中係未試過係呢條邨比人打，唔通歷史改變左？
比人打完之後迷迷糊糊聽到電話響，係柒頭杰打比我
「你係邊呀柒頭？我等左你好撚耐喇！」
我只能有氣無力咁同佢講
「籃球場.....」
「做咩你把聲咁既、係咪發生左啲咩事呀？」
「啱啱比人打完.....」
「唔撚係呀！你係到等等唔好走開、我跑過黎！」
柒頭杰收線之後我就爬去籃球場旁邊既櫈到等佢黎…
「柏軒你無事呀嗎！做咩變左豬頭喇叭嘴咁既！」
「啱啱有班古惑仔行埋黎問我邊撚到又話個球場佢睇、屌！我都無跟人點撚樣答佢呀？更何況我又唔識佢，點知佢咁大壇生意睇哂成個球場啫，之後就成班人龍虎亂舞我喇」
「屌佢老母呀！係我地頭打我啲老朋冇撚野呀！屌你老母呀打我老朋、你等一陣呀柏軒呢獲野有撚排玩！」
見到呀柒頭杰面色沈重咁打電話！
「喂呀表、麻繩呀！我屌佢老母啱啱有人食柒我個老朋！吹雞呀、呢啲咁樣既野一定係呀肥暉個班做既、佢地班撚樣最撚鐘意恰鳩d Day仔（無跟人個d𡃁仔）呢獲野我唔會就咁算！今晚老地方見喇！」
我好奇怪麻繩呢個名係柒頭杰？我識左佢咁多年我都好似無聽過佢有個咁樣既名！
「喂柒頭杰、麻繩係咩人黎架？」
「麻繩係我個朵黎架！」
「你個朵叫麻繩呀？」
「係呀！大佬改既！佢話出黎行最緊要係個朵！所以我大佬就幫我改左呢個朵！點呀柏軒你無野呀？你放心喇個班人有撚緊呀！」
「吓！不如算喇…我唔想搞大件事佢！」
「屌你老尾呀！咩搞大啫我只不過係搵藉口食柒佢地、你同我定喇！」
「我仲要去接呀曚、咁我而家點去好呀？」
「屌！仲接乜撚野呀、你睇下你個樣！仲點接呀？上黎我屋企幫你整兩隻雞蛋喇！」
柒頭杰講完之後就上左佢屋企轆雞蛋、睇電視就睇得多喇、但係咁樣真係第一次！係呢個時候我有小小覺得歷史真係好似改變左！因為我真係無呢一段既記憶、究竟係歷史真係改變定抑或𠴱時我比人打到失咗憶？
「喂！柏軒今晚帶你去我地個老地方！貓狗公園！」
「下！貓狗公園？咩黎㗎…動物園黎㗎？」
「咩動物園呀、貓狗公園係我地古惑仔既天堂！」
「點解咁講呢？」
「挑！你唔好講咁多喇！今晚去到你就知咩叫古惑仔既天堂架喇！」
柒頭杰不停咁打電話係咁講老地方等、今晚好似有好多人咁！係到仲諗緊貓狗公園係一個咩地方黎既時候呀曚sms我
「呀！唔知送我返屋企既人係邊呢？」
係呢一刻我答又唔係我唔答又唔係、正當我煩惱緊既時候柒頭杰就開口講左一句令我驚惶失措既一句野
「你有福喇，轉頭我介紹我大佬比你識！」
「下、你大佬！」
「唔洗驚喎！老朋佢無野架喎！咪當識多個朋友囉！ok?」
「唔好喇！」
「得喇！唔洗講咁多喇、行喇！」
「行去邊呀？」
「緊係貓狗公園喇！」
估唔到我既歷史真係改變緊！係車上面柒頭杰不停咁講做古惑仔有幾咁好、幾咁型、幾咁威水、但係試問一個未經歷過古惑仔生涯既我又點會感受到佢做古感仔既生活呢？我地慢慢咁去到一個龍蛇混雜既公園、係公園入面見到好多紋滿成身都係公仔既古惑仔好尊敬咁圍住一個好斯文既一個中年男人、個中年男人好似教緊仔咁同佢地講緊野、因為太遠既關係我聽唔到佢地講既內容、係呢個時候有個凶神惡煞既人走埋黎
「繩哥咁遲既你、大佬同埋成班人係到等緊你喇！」