「.......。」我冇出到聲...而家雙眼通紅咁呆望住一軍....
淚水喺眼眶入面朗下朗下咁,只要我個頭稍為移動,
淚水就會氾濫出離...,我只係等一軍嘅一句說話...一句解釋。

 「…小欣....。」一軍隻手稍為撥開左alice,而家向住我慢慢行緊過離。

 「……嗚.....嗚.....。」聽到一軍溫柔嘅聲線,我嘅眼淚已經準備好山洪暴發啦。

 「...小...小欣呀。」一軍繼續一邊叫我一邊向我行近...。



 「…嗚...你唔好埋離呀....我唔知你到底諗緊咩呀...,
你講吖....你...你...係咪已經唔鍾意我啦?」我縮後左幾步好激動咁喊住講。

 「…講啦...話比佢知你淨係愛我一個啦。」alice喺一軍後面好招搖咁講。

 「…夠啦....alice!!!」一軍擰一擰頭大叫左一聲。

 「…小欣...我...由此至終都係愛你一個架咋....!!!」一軍鬧完alice之後,即刻好緊張咁同我講...。

 「...嗚...咁...點解你要同alice上床吖....,而且....而且仲send啲相過離....,


你知唔知我好難受架???」我繼續喊住講....。

 「...吓....我冇send過喎。」一軍好驚訝咁講,之後擰一擰頭望向alice。

 「…嗚....咁你即係認有同alice上床啦。」我講。

 「…唔係你諗緊架....我地咩都冇做過,係...alice佢偷偷地比安眠藥我食咋。」
一軍已經行到埋離我身邊啦,而家繼續解釋。

 「…喂...倪一軍,你記唔記得你應承過我咩架...快啲同佢講分手啦。」


alice見到一軍係咁同我解釋,而家個樣緊張起離,不斷喺後面呼喝一軍。

 「…喂...汪敏賢,我只係應承陪你一晚咋喎,而家都已經朝早啦...
我諗你都玩夠啦...唔好再搞咁多野得唔得呀???」一軍一手拖住左我,一邊好惡咁向住alice講。

 「...你敢鬧我...你信唔信我將你小欣嘅秘密公諸於世吖拿!!!」alice好嬲咁講。

 「…吓...。」alice...點會知架???唔...唔通一軍就係因為咁...所...所以,應承陪alice???

 「…一...一軍。」而家我望一望一軍,而一軍嘅表情好似相當無奈咁...。

 「…你...係...為左我?」我繼續細細聲咁問一軍。

 「…嗯...。」一軍點一點頭。



 「…嗚....嗚....一軍。」我忍唔住攬住左一軍感動到喊左出離。

 「…死八婆吖...,放開一軍佢!!」但係alice見到我同一軍攬住之後,
好似癲左咁衝左埋離係咁扯住我啲頭髮。

 「…吖....好痛呀...,你老x!!!」今次我忍屎忍尿都唔會再忍架啦!!!

 「…吖……!!!」我不甘示弱,一個反手扣住左alice手臂,雙手順勢捉實左alice個頭,
一下484膝撞...狠狠地...毫無憐憫地...批落去。

大家可能唔記得啦alice亦都係一個空手道高手,所以反應好快咁用雙手擋住我嘅膝頭,
但係雙手又點擋得住個膝頭吖...就算alice雙掌擋住,衝力一樣係順勢撞左落佢塊面度。

「...吖.....。」alice叫左出離。



 「…死八婆吖...係你逼我打女人架!!!」我大叫咁繼續衝埋去,
之後我冇再比機會佢還擊啦,嚫佢黯住塊面退後幾步果陣,
我凌空飛起雙腳撐牆,180度轉身,夾落去。

 「…哎呀呀呀…。」alice慘叫一聲,但係我而家好似失去左理性咁,
繼續用雙腳夾住佢個頭,再雙手摙住alice隻手...。

 「…吖...好嬲呀...點解你要咁做...點解???」原來我發起惡上離,
連我自己都驚呀...而家終於知道女人打交真係可以好狠架。

 「...喂....小欣....,算啦...打死佢啦。」一軍見到我好似痴左線咁,即刻衝左埋離拉開我。

 「…呼....呼....嗄....呼...。」比一軍拉開之後,我情緒冷靜返啲咁喺度透大氣。
 
而alice依家就訓左喺地下度,同樣都係透哂大氣咁。



 「...喀喀...吁...呼...吁...你...你好野...周子欣...我依家就將你嘅秘密放上網。」
alice咳左幾聲,之後好嬲咁大叫。

 「...講飽佢囉...,你做咩都分開唔到一軍同我架啦...你...你....收皮啦!!!」
我好嬲咁講...,而家嘅我已經咩儀態都冇哂架啦...講咩都冇所謂啦...。

 「…好...好呀...,你個死基婆...我而家就將你同張泳琳搞基件事放上facebook,
等所有人都知你,外表扮哂靚咁...內裡原來係個淫賤大塊田。」alice一邊講一邊拎部電話出離揸到實一實。

 「...吓....。」

 「………吓....。」我同一軍都同時吓左出離,乜...原來alice所講嘅秘密...,就係依樣野牙?

 「…哈哈...哈哈,知驚啦咩...死基婆,仲唔快啲同我道歉,


然後交返一軍比我。」alice一邊講一邊喺度奸笑。

 「...哦...㗑㗑。」我冇理到alice,一手就拖住左一軍跑走左啦。

 「…喂...喂....你兩個企喺度呀!!!」alice把聲由近到遠咁慢慢消失於空氣當中,
而我就繼續拖住一軍不停咁跑,就好似當初我第一次拖住一軍避開果啲飛仔咁...,
我不斷跑...不斷跑...直至跑到我屋企嘅後樓梯,一個百感交集嘅地方。

 「…呼...吁 ...呼...。」停落離之後,我繼續笑住咁望住一軍透大氣,
而一軍呢...嘻嘻,就好似第一次同我喺依度邂逅果陣咁,成個人呆哂咁望住我。

 「…呼...嘻嘻...做咩呀,覺得我好恐怖牙?」我傻笑住咁問一軍。

 「......。」一軍冇出到聲,只係好感慨咁擰一擰頭...。

 ~看 看著你的臉 


 「…小欣...。」

 躺在我枕邊   是你令時光蔓延


 「...經歷左咁多野,我發覺我真係唔可以冇左你...。」


 你 折射了光線 刷亮我眼邊
午後陽光彷彿給你加冕


 「...一軍...。」


 不管身邊多改變 只顧這日誓言
一聲不發在你身邊


 「.....。」我地再一次喺後樓梯擁吻...,一軍嘅雙脣,
彷彿就好似空氣咁...,冇左佢...我連呼吸都有困難咁...。


 不許你註定一人 永遠共你去抱緊
一生中百樣可能 愛上你是種緣份

簡單的一吻 手心的抖震
示意我再不必孤單寄生

只想會有日可能 與你共姓的身份
要回望這生 也有你陪襯

不作陌生人 只做你情人 不枉此生


 終於都解決啦...,經歷過今次之後,
我同一軍彼此之間嘅信任已經昇華到另一個境界啦。

 「...一軍...我應承你以後無論再發生咩事都好,
我都會絕對信任你...。」擁吻完之後,我繼續攬住一軍講。

 「...小欣...,對唔住呀...我唔應該粒聲唔出,諗住自己可以解決哂所有問題...,
經過今次之後,我學識左一樣野...我唔會再獨行獨斷,我會咩都同小欣你商量,
以後無論再發生咩事都好,我地一齊面對...一齊解決問題...好唔好呀?」
一軍好認真...雖然之前每一次佢都好認真,但係今次佢嘅眼神話比我知...,佢...的確係...改變左。