~「...而且咩呀!!!」我好緊張咁問。

 「...而且係全身赤裸咁....。」一軍面紅紅咁講。

 「…咁你呢???」我最關心係一軍囉!!!

 「…er....。」一軍面有難色。

 「…講呀!!!」我有小小激動咁叫。



 「...我...都係囉。」一軍好無奈咁講左出離,
之後我就將個人擰返轉面背對住一軍啦。

 「…嗚....。」雖然有啲唔開心,但係都唔關一軍事嘅,
我而家扮哂喊咁搵個背脊得住一軍。

 「…小欣...對...對唔住呀...唔好嬲我啦!!!」一軍好驚咁輕輕力係咁拍我膊頭...口震震咁講。

 「...嘻嘻...玩你咋...哈哈...。」我黯住個肚係咁傻笑...。



 「...吓...小欣...你唔嬲咩?」一軍問。

 「…嬲架...但係唔係嬲你囉...。」我講。

 「...真嘅???」一軍問。

 「…係呀...又唔係你想嘅...,係alice條八婆咋嘛...諗起就嬲啦,
頭先如果唔係一軍你拉住我呢,我真係驚我會摙死佢囉。」我越講就越嬲。

 「...哈哈...點得架,到時你要坐監咁我咪一個人孤伶伶囉。」一軍笑笑口講。



 「...多謝你呀...一軍。」我細細聲講,
講完之後我就喺一軍嘅懷抱入面,好快咁...訓著左啦。


 ~原來她不夠愛我 原來我坐後備座
原來相愛並非講求 付出過有幾多~


 唔知訓左幾耐之後,一軍嘅電話鈴聲嘈醒左我。

我望一望自己部電話,原來已經係夜晚七點幾啦。


 「...哦...就返離啦...。」一軍接聽左電話,應該係kimmy打比佢。



 「…咁牙...好...好吖...我問吓佢啦...係咁。」一軍講完之後就收左線啦。

 「...吖....。」我伸左個懶腰。

 「...訓醒拿...小欣?」一軍問我。

 「…吖...嗯...天氣咁凍有一軍你攬住離訓真係好正...。」我打住喊露講。

 「…kimmy搵你牙?」我問。

 「…嗯...老豆返左離啦,而家等緊我返去食團年飯喎。」一軍講。

 「…吓...你老豆...,㖿...咁即係冇得陪我啦。」我有啲唔捨得咁講。



 「...er...kimmy叫我叫埋你去喎,佢話阿成都去...。」一軍有小小緊張咁講。

 「...吓...!!!」我吓左一聲,唔係掛...咁快就要去到見家長依個階段拿...。

 「...小欣你...唔想去??」一軍望住我講。

 「…er...唔係...不過有啲驚姐。」我答。

 「...放心喎,我老豆份人好nice架喎。」一軍摸一摸我個頭講。

 「...er....咁牙...。」我猶豫緊。

 「...而且阿成都去喎...。」一軍繼續講。

 「...er...咁...好啦。」死就死啦,遲早都要見uncle架啦...係咪先。



 於是我就起身梳洗吓,換完衫就跟住一軍返佢屋企見家長啦。

我同一軍坐巴士好快就已經返到去一軍屋企門口啦。

 ~…嚓....。~一軍用鎖匙開門,

之後我就跟住一軍尾行左入屋啦。

 「...返離拿....阿哥...阿嫂。」一入門口kimmy已經好興奮咁衝左埋離我地度啦。

 「...嗯...老豆呢?」一軍嗯左一聲,之後就問kimmy啦。

 「...喺廁所梳洗緊,佢話出街食飯著靚啲喎。」kimmy指一指廁所講。



 「...阿哥...阿嫂。」坐喺梳化嘅阿成企左起身同我地打招呼。

 「...嗯...。」一軍繼續好cool咁應一應阿成,
吖...唔知點解一軍對住我同對住其他人嘅態度真係幾唔同架喎。

 「…hi...阿成,咁早呀。」我好似好廢話咁添...嘻嘻。

 「...係呀,今日本來同kimmy去睇戲架,但係uncle忽然間打比kimmy話下午返離,
咁所以咪唔睇是但喺kimmy屋企附近行吓算囉。」阿成講。

 「...哦...。」我答。

 「...小欣...你坐吓先,我入房換一換衫。」一軍同我講。

 「…哦...。」之後一軍就行左入房啦,
而我就坐左埋梳化度...戰戰兢兢咁等...等.....等.....。

 ~嚓....。~

 說時遲那時快,喺一軍行左入房冇耐,廁所就傳離開門聲啦。

 死啦...好緊張添...唔知一軍老豆係點嘅樣架呢...?

 「……。」我金睛火眼咁...䏜到個門口實一實,
...終於...一軍老豆就拉開度門行左出離啦。

嘩...好高呀...唔怪得一軍同kimmy都咁高啦,就咁望落去一軍老豆雖然冇一軍咁高,
但係都真係差唔多有米八囉。

 「…搞掂...行得,咦....阿軍係咪返左離呀?.?」一軍老豆望一望kimmy講,
睇離佢仲未留意到坐喺阿成隔離嘅我喎。

 「...嘻嘻...係呀,仲有驚喜比你添。」kimmy望一望坐喺梳化嘅我,]
之後笑笑口咁同佢老豆講。

 「...驚喜??」一軍老豆下意識望一望梳化位置,我即時成個人彈左起身,
直頭好似立正咁...望住一軍老豆。

 「...un...uncle你好。」我口窒窒咁同一軍老豆打招呼。

 「...你好..你好...佢係...?」uncle笑笑口咁一邊同我打招呼一邊望住kimmy問。

 「...嘻嘻...老豆,佢就好阿哥女朋友子欣啦...,係我同班同學離架。」kimmy搭住我膊頭講。

 「...吓...阿軍有女朋友...。」uncle個樣好驚訝囉...成個傅園慧咁...。

 「...嘻嘻...點呀...老豆,阿哥有眼光掛。」kimmy繼續搭住我講,喂...大佬呀...好尷尬囉...。

 「…揼...揼...揼...揼...揼。」uncle望到我實一實,唔知喺度講咩揼???

 「…揼...?」而家kimmy同阿成都呆左咁你眼望我眼...,
完全唔知uncle講緊咩囉,就連我都係一樣,拗哂頭咁。

 「...哈哈...靚到揼一聲呀!!!」原來一軍啲爛gag係遺傳佢老豆架囉...咁爛都講得出嘅...。

 「…哈哈...哈哈,原來老豆想話靚到揼一聲牙...,哈哈...估你唔到囉。」
kimmy笑到收唔到聲,乜kimmy笑點咁低架...。

 ~…嚓....。~

 依個時候一軍啱啱換完衫喺房行返出離啦。

 「…傾緊咩咁好笑呀??」一軍一路行埋離一路問。

 「…阿軍...叻仔,你女朋友掂呀。」uncle而家好興奮咁...拍一軍膊頭講。

 「…嘻嘻...唔好笑我啦...老豆。」估唔到一軍對住佢老豆會咁怕醜喎,而家嘴角含春咁...。

 傾完一輪之後,我地就出發去食倪家嘅團年飯啦...yeah。