天使原來是男生（舊名：魯莽天使）[小甜][變身][男變女][籃球]: 結局篇82
~結局篇
球証企左喺場中間拎住個籃球，而我地同對方球員就各就各位咁...
企左喺唔同嘅位置準備開波，意味住一場腥風血雨嘅撕殺將會展開啦。
檸檬同對方中鋒已經扎穩馬步，準備迎接球証嘅籃球
...大家都擺出一個互不相讓嘅姿勢....。
~…啪...。~
一開波...檸檬以驚人嘅反應成功跳赢，個波交到落小田手上，
小田諗都唔諗一個半車身單手彈地長傳...
一野交到落已經跑到去對方牛角位嘅我...成功快攻上籃得手...。
~...插....。~
清脆嘅籃網聲，為依場冠軍戰展開序幕。
估唔到咁易就得分呀...我仲以為會好難嘅添...
唔...唔通我真係高估左佢地?
協思球員好快就將個波開出，控衛帶住個波快速推進到三分線後幾步...
而家我地隊打出一個大三二，箭頭位置係防守唔錯嘅kimmy把關...。
~…啪....吱....吱....啪啪...。~
但係kimmy可能太心急啦，企得太出...比對方控衛一個左插花加右轉身一野fake開左...
快速殺入心臟地帶...，我即刻補上...但係對方控衛好醒目，
見我一上前就即刻將個波交落低位嘅mvp張華倩輕鬆攞兩分....。
~...插.....。~
進攻權再一次落入我地手上，小田將波帶到去半場位置，
今次協思已經企好哂位...擺出一個二一二大陣...，
睇離對我地隊嘅三分能力相當睇小...。
小田照卜sir指示...喺外圍不斷傳波，希望可以打開缺口，
但係對方補位真係好快...完全搵唔到起手空位，
到最後幾秒小田先格硬射左個波出去...但係射失...。
又到協思進攻啦...，今次對方喺外圍做左個單擋...
協思控衛再一次成功突破...情況同頭先果球幾乎一樣...，
今次檸檬上前補位...，協思控衛再一次將個波交落籃底...。
~…啪...。~
但係今次我已經估到啦...一早已經準備定成功偷波...，
之後保特上身九秒八二咁飛奔到協思嘅籃下，再一次快攻上籃成功得分....。
~...插....。~
雖然...好似好順利咁，但係之後我地嘅進攻...除左快攻之外...其他攻勢都完全攻唔入...，
相反協思嘅進攻變化多端，三分準...突破能力強...，我地完全招架唔住...，
到最後協思領先二十五比十六，以九分嘅優勢完上半場。
「...搞咩呀...防守完全鬆散...，個個都唔記得舉手咁...，比多啲壓力佢地啦，
仲有進攻方面完全搓唔散...一人走多步吖嘛...。」返到球員席之後，卜sir好嬲咁訓示我地...。
「...睇離下半場要變一變陣啦，一陣進攻全部人拉開哂一邊，
比子欣試吓單打佢地...。」卜sir好冷靜咁講。
「...子欣...。」之後卜sir叫一叫我。
「...係....。」我即刻緊張回應。
「...有冇信心?」卜sir望住我問。
「…嗯...。」我好堅定咁點一點頭。
「…咁下半場就交比你啦。」卜sir拍一拍我膊頭講。
~...咇...。~
休息左一陣之後球証嘅雞聲再一次響起。
「...子欣...。」卜sir再一次叫我，而行緊出場嘅我就回頭望一望卜sir。
「...盡情掃蕩啦。」卜sir比左個勝利手勢我，就好似將軍接過皇帝嘅帥印一樣...，
我而家帶住只許勝不許敗嘅決心重返球場。
下半場一開波，小田將波帶到上前場，之後將波交比已經企左喺右手邊三分線附近嘅我，
之後小田同其他隊友都即刻跑到去球場嘅左邊盡量拉開空位。
而家防守住我嘅正正就係mvp張華倩，
而佢依家企後左兩步好似完全唔放我喺眼內咁...。
豈有此理吖...居然睇小我...。
「…...。」我即時跳起準備射出一個三分波.....，喺騰空期間...我開始回想起三年前嘅我....，
三年前嘅美夢...進軍全港學界....，終於都走到學界最高殊榮嘅舞臺....，我...我唔可以輸架...。
我再諗起之前同我一齊練波嘅朋友...黑仔...肥恆...，
多謝你地...多謝你地...成就左今日嘅我...，
唔知點解果一秒嘅騰空原來可以諗到咁多野嘅.....。
~…發....。~
個波順利射出...拋物線近乎完美，
依家所有球員都望住左個波...到底入唔入呢?
~…插....。~
穿針呀...張華倩而家跌哂眼鏡呀...好唔忿氣咁望一望我。
比分終於都拉近啦...大家都定返小小...，之後到協思進攻...，
張華倩好似好唔忿氣咁示意控衛交個波比佢...然後所有人散開哂...
好似要還以顏色咁...，哼...即管離啦。
張華倩一接波，我就用十成防守招呼佢啦...絕對唔會好似佢咁自大囉...。
佢一個(三脅勢)左fake右fake...，但係又點會fake得開我吖...於是佢開始放波，
嘗試背打我...，佢嘅轉身速度真係相當之快，背脊頂一頂我就即刻高速轉身殺入籃底...，
失左半個身位嘅我...亦都隨即跟上...張華倩諗住用膊頭擔住我上籃啦...點算呢。
~…啪....。~
我快手嚫佢收波走兩步嘅時候一野拍落去成功將個波拍走...。
~咇....。~
球証雞聲一響，咩...咩事呢...唔通話我打手???
「…底線球...白衫波。」yeah...冇事呀...仲要係我地波添呀。
「…喂...搞錯呀...佢打我手喎，咁都唔吹?」而家張華倩相當激動呀...有小小沉唔住氣咁...，
掂啦...等佢繼續發卑氣咁佢出錯嘅機會就會大增，到時我再出奇不易咁煎佢嘅皮...拆佢嘅骨。
「…喂...算點先...。」嘻嘻...佢仲繼續追住球証投訴緊囉。
~…咇...。~
yeah...球証比左個t-foul佢啦...，佢啲隊友即刻捉開左佢，
而且順勢叫左個暫停...，形勢好似開始對我地有利啦。
「...啱啦...子欣，一陣繼續挑釁佢...，佢地而家對你束手無策呀...
應該係事前冇對我地隊做過任何資料搜集就坐定粒六諗住赢緊咁...，
所以依家對子欣你一無所知...，一陣繼續打亂佢地。」暫停期間卜sir同我地講。
~…咇...。~球証吹雞示意比賽繼續。
我地而家有一個罰球加開波...，於是罰球由我主射。
~...插 ...。~
籃球應聲入籃，我地又成功追近一分啦。
球權繼續落喺我地度，表妹開波比小田，
小田將個波帶過半場之後再一次將個波交左比我，
其他人全部散開又好似頭先咁...。
今次張華倩認真起離啦，雙手張開而且守得好近...，
但係咁就更加合我心意，因為佢越守得近就越易比我嘅插花過到。
好啦...唔好諗咁多啦...，我只係記得球場上四個隊友五個對手...，
踏住三分線我一個左手Crossover產入籃底再輕鬆上籃。
~...插...。~
依球入得清脆利樂，成隊協思球員都呆哂...。
張華倩比我成個人fake開左，我諗佢估都估唔到一個女仔竟然會識Crossover，
而家佢啞口無言咁...好似比我嘅個人技術徹底打爆咁。
之後佢地都開始打返穩個陣腳，我地相方互有攻守，去到最後三分鐘，
我地仲係以四十三比四十六落後緊三分，攻勢落喺我手上...，其他人照舊行開，
我望一望檸檬，檸檬即刻上前同我做個單擋...，我一個插花快速控球殺入，
對方中鋒見勢即刻衝上前補位，喺依一刻，因為我望到檸檬已經比張華倩mark到實一實，
於是我繼續強行殺入...上籃。
~...插...。~
~…啪....。~
「…吖...。」我大叫...，雖然個波係入左，
但係我上完籃落地嘅時候唔小心踩中對方中鋒腳面拗柴...
而家成個人訓左喺地下度囉...好拿痛呀!!!