天使原來是男生（舊名：魯莽天使）[小甜][變身][男變女][籃球]: 93大結局
大結局
~一年後。
「...老婆豬...起身啦。」一軍溫柔咁叫我，我由甜夢中醒過來。
「…吖...嗚...早呀...老公。」我打住喊露伸住懶腰咁回應。
「...煮左早餐啦，快啲出離食啦。」一軍繼續微笑咁講。
「…嘻嘻...比多三分鐘我吖...，轉頭出離。」我對眼仍然係合埋，笑笑口咁答一軍。
「…嗯...咁好啦，要快啲出離啦，如果唔係啲早餐凍哂架啦。」一軍講完之後就行返出廳啦。
而我都好快起左身，嘻嘻...十分鐘左右啦...就行到出聽出面啦。
一出到去就見到一軍坐左喺飯枱度，享受緊佢嘅豐富早餐。
「…醒左拿...老婆，快啲過離食啦。」一軍望一望我講。
「…嘻嘻...等多陣啦。」而我呢...望一望之後，就慢慢咁行左去廁所度刷牙洗面啦。
搞完一輪之後返出離，一軍依然係坐左喺度，一邊食早餐一邊睇緊香港早晨，
而我呢就坐左埋去一軍隔離，好野呀...終於可以享用我嘅早餐啦。
睇吓先...嘩...係all-day breakfast呀，咩都有...腸仔呀...火腿呀...煙肉呀...蛋呀...焗豆呀...
真係講都講唔哂呀。...嘻嘻...真係好呀有個咁好嘅老公煮埋早餐我食，但係大家唔好覺得我好懶喎，
其實平時係我煮架，不過因為琴晚我帶隊去比賽之後去慶功搞夜左，所以今朝先輪到一軍煮比我食架咋。
無錯...我又再一次帶領住母校嘅女子籃球隊喺今年嘅學界精英賽旗開得勝啦。
成功創造左一個新嘅傳奇，而家我地就係新嘅(神之隊)，依個傳奇希望可以一直延續落去啦。
我同一軍享受完咁豐富嘅早餐，再休息一陣傾吓計咁之後...，我就同一軍一齊落樓下跑步啦。
「...倪生倪太早晨，咁早就跑步拿。」喺𨋢度撞到一軍嘅同事同佢太太。
「...倪sir...今日off牙?」一軍同事問。
「...係呀...張sir。」一軍禮貌回應，部𨋢好快就落到地下，
同一軍同事吹左幾句之後呢，我地就出發啦。
唔記得同大家講添，我同一軍結左婚之後呢，
可能一軍係隊長嘅關係，所以好快就申請到宿舍啦。
而家我地住喺薄扶林消防官員已婚宿舍，出左門口喺(華翠街休憩處)拉完筋熱完身之後呢，
我地就出發啦...。我地好鍾意一齊沿住域多利道跑去堅尼地城再折返，
一個鐘頭多啲嘅路程轉眼就過，係一個可以同老公一齊相處，
同一個鍛鍊身體嘅好機會，所以我好珍惜我地一齊跑步嘅時間。
「...呼...呼....。」跑完之後我透緊大氣，而一軍呢...嘻嘻...本身消防訓練有數，
而且頭先一直都係就住我速度離跑，所以依家呢...氣都冇喘過一下。
「...呼...老公你體能真係幾時都keep住咁好架...，我就唔得啦...冇打甲組之後體能真係差左好多呀...
得閒真係要操返fit啲先。」喺屋企樓下嘅(華翠街休憩處)cool down緊嘅時候，我同一軍講。
「…唔係呀...老婆你仲係好fit呀。」一軍笑笑口咁答我。
「...係咪架...。」我好開心咁問。
「…係呀...不過如果第時生左bb呢，就要keep吓啦。」一軍繼續笑淫淫咁講。
「...吖...邊個話同你生呀!!!」我扮哂野咁回應...。
「...嘻嘻...好啦...老婆，記唔記得當年我地話要生隊籃球隊架嘛，不如...今晚再開工囉。」
一軍個死野呀...又諗埋啲鹹濕野...嘻嘻...不過我鍾意...。
「…吖…你當我係豬乸牙…籃球隊!!!」我大叫。
「…嘻嘻…好啦…好啦!!!!」一軍拖住我隻手扭扭擰擰…成個細路仔咁。
「…哼...睇你表現啦，快啲返去沖涼換衫先啦，約左kimmy佢地架...。」我講。
「...yes...madam，不如一齊沖囉。」一軍做左個敬禮手勢，之後又再笑淫淫咁啦...救命呀!!!
返到去沖完涼換完衫之後呢，kimmy同阿成就揸左部車過離接我地啦，途中仲接埋表妹添。
至於我地要去邊度呢...咪就係要去探泳琳囉。個衰妹鬼馬啦...原來結婚果陣已經有左三個月身紀架啦，
而今日呢...就係泳琳仔仔亦即係我侄仔俊浩bb嘅百日聚會呀，所以我地而家就出發去泳琳屋企啦。
泳琳同聰哥結左婚之後呢，就搬左去石奧啲村屋度住，你知聰哥係藝術家離架啦，
日日可以對住個海游水喎，簡直就係夢幻嘅外國生活啦，但係比我就...咪搞啦。
我地坐住阿成部車，經過深水灣...淺水灣...赤柱...再過埋大潭水霸，
到最後用左大半個鐘時間，我地終於都到左石奧啦...yeah。
聰哥行左出離車場接我地，等阿成泊好部車之後呢，
我地就跟住聰哥慢慢咁行入去聰哥間村屋度啦。
堂哥係住喺頂樓連天台，我地一個跟一個咁沿住樓梯行到上三樓，
一入門口就見到堂姐同泳琳兩個手忙腳亂咁喺度幫俊浩bb換緊片啦...嘻嘻。
「…子欣你仲笑喎，快啲過離幫手同你侄仔換片啦。」堂姐一見到我就即刻向我求救。
「…喂...倪sir...，好耐冇見。」咦...小有喎，連姐夫都離埋。
「...唔好玩我啦...姐夫。」一軍好尷尬咁回應，
之後佢兩個紀律部隊人員就行開左密密傾啦，
而我呢...唯有幫手換片啦。
其實幫一個bb換片真係需要三個人咩，
而家嘅感覺就好似三英戰呂布咁...。
「...喂...子欣...你快手啲啦。」堂姐突然大叫。
「…吓...吖....。」我大叫。
「…哈哈...浩浩豬請姑姐飲茶喎。」堂姐笑住講，救命呀...成面係啦。
我即刻衝左入廁所洗面，之後返出離，泳琳同堂姐已經成功換完片啦。
而家兩條友仔坐左喺梳化度，仲用恥笑嘅眼神望住我囉...。
「...喂...唔準笑呀!!!」我怒睥住佢兩個。
「...冇呀...邊有笑你姐...我諗緊啲開心野咋嘛...。」堂姐黯住半邊咀講。
「…咩開心野呀!!!」我嬲嬲地咁問。
「...er...我弟婦生左個仔囉。」堂姐繼續黯咀。
「...咁泳琳你呢...?」我繼續問。
「…嘻嘻...都係諗緊啲開心野囉...，因為我生左個仔吖嘛...。」泳琳同堂姐夾埋架。
「...你地分明就係笑我。」我大叫。
「…算啦表姐，人誰無籮呢...聖人都有籮啦...一次半次比人笑完就冇事架啦。」吖...連表妹都係咁...。
「…你呢...表妹，做咩今日唔帶埋你個ivan離呀...比我地見吓吖嘛，
一齊左咁耐都唔肯帶出離比我地識。」我轉移視線到表妹身上。
「…er...咦...喂...我上天台幫手透爐先。」嘻嘻...表妹走都走唔切囉。
無錯...我地今日嘅節目就係...燒野食啦，嘻嘻...
話哂都係大結局吖嘛...冇返個燒野食場景點得架。
「...喂喂喂...燒得啦...快啲上離啦咁多位靚女。」話口未完...阿成已經行左落離叫我地上去啦。
一上到去就見到成枱都係野食，睇吓先...嘩...又花甲又聖子...仲有龍蝦添...，
依啲野好似係頭先阿成帶離嘅...，啲野食多到食三日都應該食唔哂囉，
頭先我立眼睇到雞翼都有百幾隻...到底係邊個負責準備食物架...。
燒緊嘅途中...突然有兩個男人走左上離，
揸哂相機同腳架咁...咩人離架。
「…大家唔洗緊張，依兩件我朋友離嘅，係攝影師離...專登叫佢地離幫我地同仔仔影啲靚相嘅。」
聰哥大聲解釋，之後果兩個男人就喺我地左右隔住不停影相啦。
「...好啦...咁多位，我地離張大合照好唔好呀。」
兩個男人而家行左去一個正中間位，之後揮手示意我地坐埋啲咁。
「…好啦...大家做個v字手勢離睇吓啦。」其中一個男人大叫，之後我地都好配合咁做出動作。
「…喂...我朋友部機拍緊movie架，我數三聲大家一齊yeah啦。」
「…好啦...準備...」
「...一。」
「…二。」
「…三。」
「....yeah....!!!」
完。
特別鳴謝:
靈感啟發:
有心無默 功夫婆婆 西森博之
人物模板:
角色:
倪金兒 kimmy ngai
倪一軍 虛構
周子欣 虛構
周文琪 cherie tsang
周文聰 brian tsang
冼志輝 jerry wong /david sin
伍家蔚 helen ng
張泳琳 doris w l cheng
張家敏 carki chu
張家俊 ka chun cheng
芝姐 tiffany tse
黃家成 fu shing lee
alice alice wong
anna ann wong
肥恆 hung iverson
黑仔 evan black
歐陽若冰 虛構
歐陽若玉 虛構
周華安 wah on tsang
占比利 虛構
籃球隊成員
卜sir 卜sir
程sir 程sir
檸檬 lemon pian
孔亮 虛構
小田 錦田
小美 虛構
世邦 世邦
.
.
.
.
..
...
....
.....
......
.........
..............
影完相之後，我諗住行落樓下士多買杯雪糕食...，當我行到去村屋後花園果陣..............。
突然有個好高大嘅西裝男喺我面前出現。
「...周...子....欣。」係一個黑人...好高大...用兇狠嘅眼神望住我，
而且用唔流利嘅廣東話叫住我個名。
「...你...到底係咩人呀?」我好緊張咁問。
「...你根本唔屬於依個世界...跟我走。」
「……吓......。」
............
..........
........
......
.....
....
...
..
.
.
.
魯莽天使全劇完。
https://youtu.be/9xUbahjaFhM