~第二章

第二日好快就到左,我起身之後,就刷牙洗面,梳洗完之後,我戰戰兢兢咁拎起套新嘅校服。
泳琳間學校套女生校服係上身一件恤衫,下身係一條寶綠色格仔短裙。
我著左上身之後,行左去鏡前面。
估唔到我都有著女生校服嘅一日,以前睇av成日都對住d女子校生片去打j,但係而家自己竟然要成為比人j嘅對象。
不過講真,我著起套女生校服真係幾靚,唔知係咪冇遇到我咁高呢,而家條裙好似好短咁,連膝頭都唔過。

我一早約左泳琳同我一齊返學,真係好開心呀,
依家開始我每日都可以同泳琳度過,諗起都sweet呀。我地喺m記食完早餐,之後就返學校。


途中都見到唔小同校嘅學生。

「...喂...果兩條女都好正呀,仲有波有蘿添喎....。」有個男學生講。

「...做我條女就好啦..我鍾意高果個多d囉,
你睇下佢對腳...對腳都玩幾日啦。」有幾個男學生係咁望住我同泳琳講。

頂...依家著住條裙,下面空蕩蕩咁咩都冇,真係好冇安全感囉。
仲要比人拎離做性幻想對象,真係好嘔心呀....成班都變態架。 真係想走過去中佢地兩鎚...。



 「……慢慢你就慣架啦,子仁...hehe...」泳琳見到我個樣咁嬲,覺得好好笑,
仲笑我洗唔洗咁緊張添。...而家我女友比人望呀,點會唔嬲架。

「...唔好嬲啦...子仁。」泳琳微笑咁翹住我隻手,所有唔開心,即時冇哂。
返到學校就要同泳琳分道揚鑣啦,因為我係轉校生,所以要去校務處報到。
有個叫燕姐嘅校嬸,叫我坐喺校務處門口等一陣。...過左大約十分鐘左右,就有個自稱miss wong嘅人離左,之後帶左我上教員室。

「唔好意思呀,同學,依度比較亂,唔好介意喎...哈哈....係呢…你叫周子欣呀呵.?」miss wong 盡量清空佢果張凌亂嘅書檯。

「...係...係呀。」我有d怕醜咁點頭。



「...ok...睇下先,文件依度話你喺台灣讀完書返離架喎,廣東話都講得唔錯喎,香港同台灣都係用繁體字,應該唔會有問題丫。喺果邊讀得唔好唔緊要架,返離香港讀就要比啲心機啦。」miss wong向我笑一笑。

「...我...我會努力架啦。」堂姐乜咁 大整蠱呀,話我台灣返離,我根本就冇去過台灣...。

之後miss wong就帶左我去一個課室門口叫我企喺度等等,一陣佢會叫我入去喎...。
 企喺門口依幾分鐘真係好似等緊行死刑咁緊張,對腳都開始有小小震...唔知會同啲咩人一班呢....會唔會係泳琳呢?

「...子欣,可以入離啦。」就喺我合實雙手準備禱告果陣,miss wong叫左我入去。 

而家我行緊入班房,雙眼不忘搜索,…..好野呀,泳琳喺度呀,可以同泳琳同班啦,再望望,而且表妹都喺度,咁我個心都定啲。

「~喎~索女呀。」 班房入面而家起鬨緊...。

「...好啦,好啦!....靜小小先。」miss wong拍一拍檯,全場即刻靜返落離。



「...依位係周子欣同學,係我地班嘅插班生,子欣啱啱喺台灣讀完書返離,有d咩學習上嘅問題,希望各位同學幫一幫佢,明唔明白呀,各位同學?」miss wong好認真咁講。

「miss wong 我地會好好照顧子欣同學架啦....哈哈哈哈!」其中一個四眼仔笑住咁大叫。

「...嘩...台妹喎,識唔識講廣東話架佢?。」 唔知邊個係度問,我想講我係香港人離囉....。

「好啦,好啦,廢話小說,子欣你就坐喺倪金兒隔離先啦。」miss wong 指住其中一個空位。 之後我就坐左過去。

「…表姐,點解你會離左我間學校度讀架?...伍家蔚...做咩唔一早講我知喎,你好野呀。」
原來坐我隔離果個叫倪金兒嘅女仔就係之前喺商場撞到,表妹個朋友kimmy,我真係唔係好認得佢囉...。

「...er...其實我都係依家先知...」表妹瞇起眼望住我,表情有小小仇視我咁。

我見到泳琳而家個樣有小小疑惑,緊係啦,我都冇講過見過kimmy依見事比佢知,死啦...唔知泳琳會唔會嬲我添。



「好野...表姐坐我隔離,我可以同表姐成日傾啦...hehe...係啦,原來表姐你係台妹離架咩? 台灣美微?...哈哈」kimmy而家翹住我隻手,喺度十萬個為什麼,泳琳見到kimmy係咁翹我,好似有小小黑面添....。

「…我係香港人離架,哈哈,唔好叫我做台灣美微啦kimmy...。」我苦笑咁答kimmy。

因為都係開左學幾日,所以唔洗教書住,都係講吓d分社安排呀,班會呀,選班長果d野。

因為我係新離,所以全程都係食花生,經一輪投票之後。

「好啦,經點票後結果出左離啦,正班長係 黃家城,副班長係張泳琳。」miss wong讀出賽果。

估唔到原來泳琳會係班長,都係嘅泳琳成績一向都咁好。

好快就到左lunch時間啦,我諗住去搵泳琳同佢一齊食啦…點知。



「表姐,表姐,一齊食啦。」又係kimmy,佢同表妹行緊離我同泳琳果邊。

「...但係...我約左泳琳食...哈哈。」我唯有咁答佢啦。

「泳琳....原來你又係一早識得表姐架啦???……哎呀...原來得我一個咁遲先識表姐....嗚。」kimmy扮哂喊咁講。

「...既然大家都識,咁就一齊食啦。」kimmy繼續翹住我隻手。

「...泳琳應該都唔會介意嘅...係咪?」kimmy對住泳琳講。

「...是...是但啦。」泳琳細細聲講,,其實泳琳係一個唔係好識表達自己嘅人離,有咩唔鍾意佢都唔係咁識出聲,當然,對住我例外啦。

所以,我地而家一行四人就去左一間茶餐廳度。

「...hello,幾位小姐,食d咩呢?」侍應行左過離。



「芝士海鮮焗飯吖,唔該。」我講。

「表姐,焗飯好肥架喎,你唔驚咩?雖然我見表姐你而家仲係好fit,但係唔keep嘅話,好易變肥妹架。」kimmy講。

「...吓...應該唔會掛,我一向都係食極唔肥嘅,更何況我間中都有做運動架嗎...哈哈...。」我笑笑口講。

「...吓...好羨慕呀,我食多小小野都會肥囉,你就好啦。」kimmy講。

其實kimmy一啲都唔肥,我覺得仲係偏瘦添,都唔知佢地女仔對肥嘅準則到底係點架...。
最後kimmy只係叫左個腿蛋米食。但係講開又講,變左女仔之後真係細食左,個飯食左一半已經食唔落,仲有啲飽飽濟濟咁,所以我同佢地講我出去出面行吓消化吓先。

就喺我行到出茶餐廳門口果陣,竟然比我見到佢,...係...果日商場個金毛仔....雖然依家佢d頭髮染返黑,
但係佢咁高大嘅身形,我認得一定係佢。

「...係你...!」個衰人而家企左喺我前面講,表情有啲驚雅咁...睇離佢認得我。

「....係...係又點呀,係咪上次我打完你而家想報仇吖....!」我而家怒睥緊佢。

而家佢地幾個啱啱食完野,行左出離。

「...想打我...我隨時奉獻,你啲咁嘅人渣都成日打女人架啦。」依家我好嬲繼續鬧爆個衰人。

「...做咩事呀你地?...」表妹開聲問我。

「吓...」我回一回頭望向表妹,就係依個時候,我眼尾望到個衰人有所動作!我即刻半車身,一個Side kick踢向個衰人。 依一腳正中衰人個肚,但係今次佢冇訓低,只係向後退左幾步。

「....吖...表姐...唔好打啦。」kimmy拉住我。

「…你同我阿哥係咪有啲咩誤會呀?」kimmy好緊張咁繼續講。

「...阿哥....?」我好驚訝咁望向kimmy。

「果個衰人係你阿哥?...」我再講。

「喂....你唔好開口埋口叫人做衰人喎,你女仔人家咁粗魯,成日喐手喐腳。」個衰人個樣有小小嬲。

「...我...係咁粗魯架啦,關你咩事姐,衰人,廢事理你。」我嬲爆爆咁走左。

「...表姐....子欣.....」佢地幾個喺後面叫住我。
 
點解我要咁嬲呢?....唔知點解一見到個衰人個樣,我就無名火起。但係個衰人,竟然係kimmy阿哥,有咩可能呀,kimmy份人咁和藹可親,佢阿哥點會係個玩弄感情,仲要打女人嘅古惑仔架...?諗極都諗唔明。