天使原來是男生（舊名：魯莽天使）[小甜][變身][男變女][籃球]: 第三章19
~第三章
日子一日一日咁過....眨吓眼已經十月中啦...學界嘅比賽終於都開始左，我地學校女子隊，被編左喺港島區，
第d1組。真係好彩呀，同我地同組嘅學校水平都好一般，咁即係話我地學校要出線，就相對容易啦。今日係星期六，
第一場比賽，今日就要開打啦，地點係修頓....，一大早，我同kimmy，表妹就約左喺灣仔大快樂食早餐，
之後我地女子隊就去左附近嘅小童群益會籃球場做一d簡便嘅練習...
卜sir講解吓基本戰術咁啦，由於知道對手係魚腩球隊，所以過程都比較輕鬆，
練完之後卜sir就帶住我地成班女仔,行過去修頓。
由於只係初賽，現場除左球隊人員，球員朋友之外，基本上係冇觀眾嘅....比賽準時早上十點鐘開始....
不出所料...賽果並唔意外...我地係以65比35嘅比數，大炒對手30分嘅，
而我第一場學界比賽嘅表現呢，相當唔錯呀....攻入18分，12個籃板，交出5個助攻
，以double double嘅數據冠絕全場。
「...打得好好呀，欣欣豬。」 係一軍..佢而家同阿亮兩個喺觀眾席行左落離..
佢到底幾時離左架，點解我完全留意唔到佢嘅。
「....洗你講....，哼....隻手冇事啦咩。」我同一軍講。
「...無咩啦，皮外傷離架姐,估唔到欣欣你咁關心我喎。」一軍有d得意忘形。
「....吖...關你條命呀，...睇 ...睇吓你死得未咋。」我扮哂嬲咁。
「...哈哈...好啦，你兩個唔好再耍花槍啦，我地去邊度食野慶祝吓呀?」檸檬行左埋離我地度。
「……er....冇所謂啦，隊長你話事吖。」我好開心咁答檸檬。
「…ar...阿亮...你地都去架呵?」檸檬口窒窒咁問阿亮師兄。
「…好...你地贏波喎，緊係要慶功啦。」阿亮大大聲咁答檸檬。
「...我同一軍緊係要去啦，哈哈。」阿亮繼續講。
「...咁...就好啦，我地不如去酒店食lunch自助餐吖，我有openrice coupon喎，有5折。」檸檬手震震咁拎左張coupon出離。
「....好呀，好呀，我好耐冇食過自助餐啦，隊長好野....。」kimmy彈左出離講。
「好...好吖。」我講。其實我都好耐冇食過自助餐啦，對上一次係三月泳琳生日果陣去食嘅，都成半年冇食過啦。
「…其他人都冇異議，咁好啦，大家返返入更衣室沖涼換衫先，一陣喺門口集合啦。」檸檬同我地所有人講。
咁我地就返入更衣室沖涼啦，沖完涼之後，我換上一件白色t恤，同一條黑色短裙....咩住個側咩袋，
行返出門口等，到等齊人之後，我地就出發啦。卜sir同程sir話有野做，所以走先，而家得返我地十幾個學生係度。
檸檬話間酒店就係附近，所以我地而家一齊跟住檸檬行過去。
因為我就跟住檸檬後面，所以沿途我都見到佢同阿亮師兄係度打情罵俏...佢地d對話真係好曖昧囉...
但係有好似未係情侶咁。而一軍就跟左喺我隔離，沿途都冇出過聲，唔知點解見到佢唔出聲，反而覺得...唔係幾自在咁。
好快我地就行到去海旁附近嘅酒店。
「…嘩...好靚呀...個大堂。」kimmy爆左句出離。
「…咪咁大鄉里啦，倪金兒。」表妹挖苦kimmy。
「…咩...咩喎，咁係靚吖嗎...死人伍家蔚。」kimmy反擊表妹。好快，企左喺接待處嘅檸檬就已經攞到枱，
揮手叫我地過去，於是我地十幾人就跟住帶位員行入去，
沿途見到好多野食呀...，正呀，仲有我最鍾意食嘅生蠔添呀....發達啦。
帶位員帶左我地去一張長枱度，我放低左個袋落張櫈度，就即刻急不及待咁，衝左出去。
生蠔呀....生蠔呀...。
望住d生蠔，我對眼就好似發光咁，不過可惜依度嘅生蠔係要排隊即開嘅，
而且每人一次最多攞3隻架姐....，點好呢，我望住長長嘅人龍....，得3隻...好冇引姐...，
我一邊排，一邊四圍望，又唔見kimmy同表妹喎....好衰架。咦....咪住先。
「…喂...一軍...。」我見到一軍喺度拎緊魚生。而家佢聽到我叫佢，望左過離。
「...過離呀...。」我有小小命令咁，叫佢過離。
「. .咩事呀bb。」一軍，依句bb真係好難頂...但係有求於佢，冇計啦。
「..er...幫我排生蠔吖...嘻嘻。」我係咁喺度奸笑。
「..ok...冇問題，你想要幾多吖bb。」一軍做一個ok手勢，好有自信咁。終於排到我地啦，
我同一軍各自拎左3隻生蠔之後，一軍即刻將佢果3隻倒落我個牒度，之後叫我返去先，佢繼續幫我排喎。
...就係咁，我就拎住6隻好肥美嘅生蠔返左去啦。一坐低，我即係將果d汁呀， 檸檬呀，加哂落去，
....我開動啦。......嘩...真係好鮮甜呀，濃郁嘅海水味....，我三兩吓手勢就已經ko哂6隻。
....喺我意猶未盡，準備再出去排過之際。
「…bb...即開生蠔，生鮮送到呀。」一軍已經拎住一碟滿哂嘅生蠔，放左喺我面前。
「..嘩....。」我對眼又發光啦，一軍拎左12隻返離呀。
「…點...點解你...拎到咁多架?」我有d疑惑咁問佢。
「...ar...係秘密...hehe。」一軍懶神秘咁。唔理咁多啦...有得食就得啦...
~12隻生蠔去野餐~唔係唔係...傻左添...嘻嘻...12隻我都係用左幾分鐘就消滅哂。
「...呼...正...。」而家我用濕紙巾抺返乾淨對手，之後坐左喺度休息一陣先。
「..其實..真係咁好食咩，表姐...。」表妹睇我食生蠔睇到呆左....。
「..超...正，表妹你唔明架啦...嘻嘻，好補架。」我笑笑口咁同表妹講。
「…補...咩呀?」表妹對眼打左個問號。
「…er....。」死啦，衰多口添，食生蠔增加性慾依d咁尷尬嘅野，點講喎。
「...食生蠔可以壯陽，女人食左都可以真加性慾...，我曾經喺網上睇過篇文章，係咁講嘅。」
小田無啦啦搶答左，仲單手拓一拓副眼鏡懶有型咁。
「...原...原來係咁...架..表...表姐乜你好需要補咩...嘻嘻.。」聽完小田講，表妹好似恍然大悟咁，之後就笑淫淫咁望住我囉。
「....冇...冇....呀...。」我而家面都紅埋，口窒窒咁，拎住杯水離飲，但係依個時候。
「....24小時麥麥送...生鮮生蠔為你送到。」一軍又拎左十隻生蠔返離...放左係我面前。
「…bu......!!!」飲緊水嘅我，見到d生蠔，即刻噴返哂d水出離，噴到一軍成身濕哂。
「...咦...表姐你好核凸呀。」表妹鄙視緊我。
「...唔...唔好意思..。」我拎起紙巾幫一軍抺緊件衫。但係因為係紙巾嘅關係，越抺就越爛...搞到一軍依家成身都係紙巾碎...。
「...er.....er....越搞越喎添...。」我伸左條脷出離，整左個唔好意思嘅q樣。
「...欣欣,唔緊要架，你幫我抺，我已經好開心架啦。」一軍條友又乘機攬埋離。
「…喂....死變態...放手呀。」點解條友又發作架....明明對佢印象好返d架啦，而家又變返做變態佬囉...唉。終於...我大大力咁踩左佢隻腳一野，佢先笑笑口咁鬆返開我....最後我都好唔好意思咁，食埋d生蠔...。
食完自助餐之後，我地就各散東西....，一軍條死仔點會肯放過我吖....，又係死都要送我，
話我頭先整到佢成身都係紙巾，依家要我比佢送喎....，都打橫離講架....。
所以呢...我地去左搭港鐵，灣仔站真係人頭湧湧，交收嘅交收，放工嘅放工，
真係逼到無論....幾經辛苦...終於逼到上車啦，簡直好似夾三文治咁，
逼到手都郁唔到....，一軍就逼左去第二邊，同我相隔五六個身位。
唉...唔緊要啦，搭幾個站姐。因為今朝都算幾早起身吓，加上啱啱食左個咁豐富嘅午餐，
依家開始有d飯氣攻心添....我企喺度都恰著左陣.....喺半睡半醒嘅情況下........，
突然.....feel到背脊....好似有個人....開始用個身貼左埋離，我醒左一醒，因為實在太逼，我根本都轉唔到身回頭望。
有...有d唔妥喎..我開始....feel到...有...有隻手...慢慢咁..放左喺我大脾後面...patpat落小小，
點....點...算好呢....會唔會係一軍個死變態呢.....，但係..佢頭先明明...喺好遠架喎....。
我好驚....係咁諗....但係諗吓...諗吓....，果隻手...開始有所動作啦.....而家...開始...
慢慢喺我大脾同patpat之間摸離摸去....，唔...唔通....真係...有痴漢嘅。
...，嘜...日本d三級片唔係呃人架咩....嘜....原來真..真係有痴漢架....。
我個腦依家一片空白，都唔知可以做d咩....，就係依一刻...果個人...再進一步行動啦....
佢將本來已經喺我patpat同大脾之間遊走嘅手...慢慢咁伸緊入去我條裙入面，
就喺我兩腿之間....不斷嘗試向上移動.....，點...點算呢.....再係咁落去....我...私處....就離比佢...掂到啦.....，
我真係好想喊....我覺得好無助，原來當自己遇到痴漢果陣，真係會唔敢出聲....怕...尷尬....唔知其他人會唔會唔信我.，
我....我...嘗試擰頭....睇下....望唔望到一軍.....，喺邊呢....喺邊呢.....，
終於...我見到佢啦，而家佢喺我右前方三個身位外.....企喺度dup低左個頭，.......快d.....快d望過離呀....衰人.....救我呀.....嗚.....。
唔知一軍係咪一真同我心靈相通呢....幾秒之後佢真係望左過離喎，.....我用好無助嘅眼神望住佢....仲眼發唳光咁.....，
一軍佢開始feel到我有唔妥....依家....嘗試慢慢行埋離我度....，佢一邊攝....一邊左擰右擰希望可以望到發生咩事....，
但係...說時遲那時快...隻手已經去到我底褲邊啦....唔好呀...我求你唔好再伸入去啦....到架啦...............終於.....。
~…嘭...~ 一聲...。
我睇唔清楚到底發生咩事....依家車廂一片混亂，有個中年男人訓左喺地下....一軍企左喺佢前面，
其他人就散開哂....我覺得應該係....一軍打左個中年男人一拳.....唔通頭先....就...就...係佢非禮我。
「...死仆街.....斬你隻手落離吖啦。」一軍好惡呀...個樣都變到凶左好多。
有幾個男人分開左一軍同個阿叔…..一軍繼續鬧個阿叔，終於…列車而家啱啱到站。
「...咩事呀。」咦....原來有人報左警...而家有兩個警察行左上離。
「…果個飛仔....打人呀。」有個女人指住左一軍。
「...得啦，返差館先講。」警察a而家夾住左一軍走，警察b就同中年阿叔緊隨其後....，點算好呀。
「...阿sir....佢非禮我，所...所以我朋友先出手架咋....。」我追左前去指住個阿叔同阿sir講。
「...咁牙....跟埋我地返去先講啦，小姐。」警察a講。
喺警車上面，我望住一粒聲都唔出嘅一軍...我開始擔心....擔心一軍佢.....，對...對唔住呀....係我連累左佢...，
如果佢唔係為左救我，...佢就唔會打人....。
我成隻眼紅哂....眼淚...已經慢慢湧出....
「…嗚....。」終於我忍唔住喊左出聲。
「冇...事嘅，小欣。」一軍見到我喊之後，伸左隻手埋離摸住我個頭。
「...嗚...對唔住呀，係我累左你。」我樸左埋一軍度繼續喊。
警車終於都去到差館，我地三個比人帶到去一間好大嘅房度，間房好多張枱，
有好多人喺度落緊口供咁，即係好似睇電視見到果d呢。
帶我地離果位阿sir將我地交左比另一個便衣阿sir之後就走左。