~到我有返知覺嘅時候,我已經訓左喺醫院度....。

 「...子欣...你醒啦。」表妹而家坐左係我隔離。

 「…er....吖。」我想坐起身,但係個頭仲有小小痛。

 「...喂...表姐,唔好亂郁啦。」表妹扶左我坐起身。

 「…吖...唔該,表...表妹,到底...到底發生咩事呀?...」我問表妹,而家我已經清醒返好多。



 「…er....聽返當時喺籃球場d人講,中午果陣突然見到alice拎住枝木棍喺你背脊打左落去,
之後你仆低左,alice仲不停係咁摙住你條頸, 一路喺度講,話要殺死你阻止你同一軍一齊喎。」表妹講。

 「..其實之前果d我都大概知道嘅...咁之後呢,我聽到把男仔聲叫我架喎?」我再問表妹。

 「...之後...,係一軍。」

 「...佢當時咁啱同卜sir一齊行緊返離球場,見到咁嘅情況,即刻衝左埋離你度,
一手推開左alice,...之後見你冇左呼吸...同心跳,一軍當時好驚,不停咁叫...
「…子欣唔好…」...一軍仲...同你...做左人工呼吸添,所以你先有返呼吸咋,真係嚇死人啦,表姐。」表妹講。



 「...人工呼吸....!!!」我有d驚訝。

 「…係...係呀,仲做埋心肺復甦添。」表妹講。

 「…即...即係...用雙手...撳...撳落我個胸度...果d...?...」我口震震面紅紅咁問表妹。

 「...係呀,...~且~...其實學校好多人都知道一軍同表姐你係一齊架啦,所以覺得好正常姐。」表妹大條道理咁講。

 「…但...但係,表妹你知唔係架。」我講。



 「…er...乜唔係架咩,之前你唔係同一軍佢...咩野左咩?...」表妹戇居居咁問。

 「...你...你咪聽kimmy亂嗡吖...根本就冇...我同泳琳先係一對架嗎。」我好激動咁答。

 「…不過咁喎表姐,其實我feel到你係對一軍有意思架喎...。」表妹瞇起對眼講。

 「...邊...邊有喎。」我塊面又紅左啦。

 「...我明白,你同泳琳一齊左好耐,但係自己嘅感覺係冇得呃架,雖然泳琳係我好朋友,
但係作為你嘅親表妹,我緊係關心表姐你多d啦,經過依兩個月,我覺得表姐你...心態已經唔同哂,
感覺就係一個完完全全嘅女仔咁,所以我都已經習慣左叫你做表姐,而唔叫表哥。」表妹好認真咁講。

 「…真...真係咩...?...」我口窒窒咁問。



 「…係...可能表姐你自己冇留意啦。」表妹講。

 「......」

 「其實我都睇得出一軍真係好鍾意表姐你架,kimmy成日同我講,佢阿哥自從識左表姐你之後,
成個人變哂,以前一軍性格好孤僻,又成日同人打交,但係而家同d同學,隊友都多左好多交流,
已經好小聽到佢再同人打交啦。」表妹好認真講。

 「......。」我繼續無言。

 「...無論你最後係點㨂都好啦,我都一定會支持表姐你架。」表妹捉住我雙手,好誠懇咁講。

 「...係喎...,咁...alice呢?…」我突然醒起想殺我嘅人。

 「…個衰人..?...卜sir入左體育室報完警之後,就即刻出返離,一手撳左佢落地下啦,


之後警察同救護車都離左,警察就拉左alice,救護車就送左你離依度啦,因為我係你親人,
所以跟左車離,再同你搞入院手續囉。」表妹繼續憶述比我聽。

 「...原來喺咁....,唔知佢...之後會點呢?」我發住呆咁自言自語。

 「...你講alice?...聽講應該會入精神病院。」表妹以為我問緊佢。

 「...放心休息吓啦表姐,alice唔會再騷擾到你架啦。」表妹拍一拍我膊頭。

 唔知點解,我覺得好似係我搞到alice依家咁,有啲內疚。


過左一陣之後,kimmy,一軍同泳琳放左學都離左探我。

泳琳見到我醒返,直頭喊左出離,喺床邊攬住我,kimmy同一軍就企左喺佢後面,


佢地見到泳琳咁激動,個樣都覺得好疑惑。

 「…小...小欣...你好啲嗎?」一軍喺泳琳喊完之後行左埋離床邊。

 「...er...好..好多啦,多...多謝你...一軍。」我用微弱嘅聲線多謝一軍。

 「都...都係我唔好,...如果...如果唔係我,小欣你唔會搞成咁...。」一軍越講越激動,直頭想喊咁。

 「…阿哥....唔好咁啦。」kimmy喺隔離安慰緊一軍。

 「...一軍。」我繼續用微弱嘅聲線叫佢。

 「...小...小欣。」一軍望住左我。

 「...唔關你事...唔好怪自已啦。」我講。



 「...小欣...!!!」一軍又再一次攬埋我度...,今次我根本就冇能力反抗佢,但係我心入面...亦都...冇再...反抗佢啦。
我眼尾見到泳琳佢冇黑到面,只係流露住,擔心我嘅眼神。

之後過左探病時間,佢地都陸陸續續離開,而我亦都打左電話比堂姐報平安,本來堂姐死都話要離睇我,
但係我話真係冇事,堅持叫佢唔洗離,所以堂姐先冇離咋。


之後因為食左藥嘅關係,成晚我都係處於迷迷糊糊嘅狀態。

 「~子欣...子欣...唔好呀...嗚~。」

 點解把聲咁熟嘅?....係...係咪一軍呀?

應...應吓我啦!!!你到底係邊個呀。 

「~人潮像繁星~火星只可似火星~空氣未允許任性~模糊面目裝飾佈景~遺忘問做夢那份天性~」  

 電話鬧鐘再一次將我叫醒。只不過係朝早嘅六點,但係病房已經熱鬧起離,姑娘忙於派餐。

 「…一軍?....我發緊夢?...」我仲訓緊喺張床度,回想緊頭先嘅夢。

 「周子欣,夠鐘做檢查啦。」有個後生護士行左入離我度。

 「...哦...。」我答。

 護士拉埋左度簾,之後幫我,量血壓,抽血,探熱...等,都係果d野啦。

 「...搞掂,拿...記住準時食藥,依家食左飯先食藥啦。」護士姐姐,用左廿分鐘左右就幫我檢查完,
途中有姐姐放低左個飯喺枱度。


話時話都真係幾肚餓,可能琴晚都好早食完晚飯,之後就一直訓....,訓.....,同埋訓囉。

 「…我唔客氣啦!!! 」我而家坐左起身。

 「...睇吓今日食乜餸先....。」我打開緊個飯盒。

 搞錯呀,又係冬瓜瘦肉.....琴晚已經係冬瓜瘦肉啦喎.....想悶死人咩,
啲餸仲要咩味都冇囉...點食喎....,真係好想落街買其他野食呀!!!

咪住先....,護士姐姐又冇話過唔落得樓下...又冇話過唔食得其他野...嘻嘻,一於落下面快餐店食先。
 於是我就著返件風褸,鬼鬼鼠鼠咁鼠左落去一樓嘅快餐店,...好野呀,我最愛嘅沙嗲牛肉麵呀....。

 「歡迎光臨,買野食依邊吖。」收銀姐姐問我。

 「…er...沙嗲牛肉麵,凍檸茶小甜吖,唔該。」我講。

 「...請問有冇職員証呢...。」收銀姐姐問。

 「...吓...冇喎。」大姐,點睇我都係病人啦,邊度似職員呀。

 「…多謝,二十八個半。」收銀姐姐好似機械人咁答我。

 我排完隊領取左我個最愛早餐之後,就搵左個冇咩人嘅位坐低,慢慢享受我嘅早餐啦。
 ..咦...,福麵離嘅...,頂...福麵唔好食架嘛...,唔係一丁都起馬係大光麵或者超力麵先ok架嘛...。

算啦算啦...好又一餐唔好又一餐....起馬唔洗食冬瓜瘦肉先....。

食緊果陣,我百無聊賴咁四圍望,...雖然而家先至係朝早七點幾,但係快餐店已經好多人,
可能冇選擇嘅關係啦,所有人都要逼住喺依度食。

 吖...原來依間醫院都幾多後生醫生架喎,有幾過食緊早餐嘅都幾靚仔,
有個仲要...成個小豬羅志祥咁...真...真係好靚仔呀...嘻嘻。

咪住...咪住先....周子仁,點解你會䏜仔...而唔係䏜女架?????....痴...痴左線....,我要望吓其他人...,

咦...依間醫院原來連外國醫生都有...咁勁架咩....,但係個醫生...神情好似咁緊張咁嘅?...睇吓睇吓....好似有d熟口面喎,
外國人,一個中年男人攣攣地嘅短白頭髮.....,我...諗左一分鐘...終於...我記得啦.....,
無...無錯係佢....相入面果個人....點解....點解....會係度出現...唔...唔通我就離要死....?

我面色一沉,然後成個人企左起身...望住左個外國人...,我準備行過去啦。