~其實呢,我屋企離海洋公園又唔算話好遠,我地搭巴士二十分鐘左右就到左香港仔隧道口巴士站啦。

「…嘩...都真係幾多人喎。」表妹講。

其實我地落車之後,已經見到唔小應該都係去公園嘅人,
有啲仲打扮到好似隻鬼咁添,見到都覺得恐怖呀...。

 我地一路跟住人群,越接近公園,人就越多,我地行左十五分鐘左右,
終於都見到公園門口啦。嘩...周圍人山人海呀。



 「…點好呀?...」泳琳問。

 「...等我打比kimmy先。」表妹答泳琳。之後就拎左電話出離打。

 「…kimmy話阿成喺的士站喎,我地行過去join佢啦。」收左線之後表妹同我地講。

 我地三個人就慢慢行過去的士站果邊,轉左個彎之後就見到的士站,
我地離遠已經見到阿成同anna兩個企左喺度,於是我地就行埋去啦。

 「…咁準時呀你兩個。」表妹同阿成講。



 「…ok啦,搭的士係快啲嘅。」阿成答表妹。

 雖然依句說話有啲扮野,但係阿成講出離果吓,又唔會覺得佢好造作喎,
睇得出佢個人好真,又有愛心,做朋友一流。

今日阿成佢仲鬼死咁認真,著哂全套吸血彊屍造型,變左隻縮水吸血彊屍咁,
而anna呢,就繼續keep住佢果個好似十年都冇洗頭嘅髮型,再加一件美國隊長t恤,
牛仔褲,都係奇奇怪怪咁啦。



而我呢,今日就著左件白色小背心加條鬚鬚牛仔短褲,自從遇到痴漢果次之後我都唔係好敢再著短裙啦。
我地等左二十分鐘左右,kimmy終於都出現啦。

 「...喂....倪金兒,你當你自己係主角呀,遲到。」表妹向住kimmy大叫。

而家kimmy行緊過離....,依...點解....一軍都離左嘅....,而家行左喺kimmy後面。

 「...sor囉,真係好塞車呀...嘻嘻。」kimmy笑笑口講。

 「...唔信囉,一軍哥你講。」表妹瞇起對眼望住kimmy,之後再問一軍。

 「...er....其實係佢試衫試耐左。」一軍有啲尷尬咁講。

 「…喂...呀,阿哥出賣我。」kimmy向住一軍大叫。



 「…哈哈...一軍哥係唔會講大話嘅...呵呵。」表妹講。

 「...雖然欣姐生日,一軍哥應該早到嘅,但係...等kimmy冇辦法啦...嘻嘻...唯有將就吓啦...欣姐。」阿成笑笑口同我講。

原來係因為阿成以為我同一軍一齊,所以遇埋佢。

 「…好啦好啦,再唔入場玩唔哂咁多間鬼屋架啦,行啦行啦。」kimmy打斷阿成,而家帶頭行緊去門口。


一入門口呢,職員就幫我地每個人都帶上一條手帶,我望到我地果條帶同其他人係唔同架,
我地果條應該係買貴飛先有嘅手帶。 

一入到去,周圍已經籠罩住恐怖嘅氣氛啦....,而家左右隔離都打扮到鬼五馬六咁....,
原來kimmy一入門口已經極速拎左份地圖,之後話要跟返路線由下面玩返上山喎,
而家帶住我地去最近公園門口果間鬼屋。



 ~噼里啪啦~「……嘩.....。」

 「...吖.....。」有個打扮成小丑嘅人衝左埋泳琳度大叫...嚇到泳琳叫左出離。

 其實我都好驚架....但係我唔可以表露出離架,因為果啲演員見到你越驚....佢地就會越搞你....,
我跟左係一軍後面,利用一軍嘅健碩身軀做擋箭牌。點知...。

 「~....嘩.....~.。」

 「....吖......。」估唔到有另一隻喪屍...喺我後面偷襲我....,嚇到我成個人攬左落一軍度....。

 「...幫...幫我,頂住佢吖....。」我僕左喺一軍背脊望都唔敢望。

 「...冇...冇事啦,走左啦。」一軍細細聲講。



 之後我慢慢伸返個頭出離裝吓隻喪屍走左未....,睇...睇清楚先...,咦..好...好似真係走左啦喎。

 「...小欣....。」泳琳叫我。我而家仲係驚到攬住左一軍。

 「...唔...唔好意思。」我同一軍講。我聽到泳琳叫我之後,即刻縮返開小小。

 「...乜家姐你,咁細膽架咩...?」kimmy問我。

 「...嘻嘻...,你唔知啦,表姐佢唔驚飛仔,但係就最驚鬼嘅...。」表妹篤爆左我。

 好快我地就行到第一間鬼屋,條龍好鬼死長囉,不過唔知好彩定唔好彩啦,
因為我地係快証,所以排左十五分體左右就入到去,其實我真係冇咩閑情逸致去了解邊間鬼屋打邊間鬼屋囉...,
我浄係知道一入到去,我就攬實泳琳咪埋眼死衝爛衝...,如是者,我連續幾間鬼屋都用依個策略成功過關,
玩哂山下面啲鬼屋都差唔多九點啦,大家都有啲肚餓,所以我地決定食埋野先上山繼續探險。




阿成話請我地入公園餐廳食飯喎,有阿成喺度真係唔驚餓親,
我地跟住阿成行到去海洋奇觀果邊嘅一間餐廳度。

 「...嘩....好正呀依度。」kimmy講。

今次連表妹都冇出到聲反駁,因為連我都覺得真係幾靚,
啲枱側邊就係水族館玻璃,基本上啲魚就係我地身邊游離游去。


服務員安排左一張八人枱比我地,之後每人派左個餐牌比我地。

 「...想食咩呢...kimmy。」問得kimmy就緊係阿成啦。

 「…睇...睇睇先。」kimmy望住個餐牌答阿成。

 嘩...我望一望個餐牌,一個人要成四百幾蚊一個晚餐...簡直係搶錢架...雖然話係阿成請姐,
但係食咁貴都真係唔好意思囉,啲飛已經係佢請架啦喎。


我真係好想行返出去當冇入過離呀,但係而家先走又好樣衰喎...點算呀。

 「...大家唔洗客氣喎,我話得請就隨便叫啦你地,欣姐生日最緊要大家開心,係咪先...。」阿成見我地唔郁之後講。

 「…er...阿成不如你幫我地發板啦...。」我決定交返個波比阿成。

 「...咁好啦,我是但咩都叫啲啦。」阿成講完之後就叫左個侍應埋離,好快就點好哂野食啦。


阿成真係爽手,如果比我叫我都唔知要諗到幾時啦,
我懷疑自己有(選擇困難症)架,成日揀野都要諗好耐先揀到嘅。

 話咁快美食就送到啦,侍應放低哂啲前菜同主菜,
我地決定share食,咁就可以每人每樣野食都試吓啦...。

啲野食又真架幾好食喎,而且啲食物造型仲好鬼死靚添架,
我又食到飽飽,食埋甜品雪糕之後我地又再次起程啦。

 因為anna畏高所以我地就坐海洋列車上山。

 「...嘩...跳樓機呀...玩返轉先。」kimmy同表妹一上到山,即刻衝左去跳樓機度,
我就冇佢地咁好氣啦,幾大都唔上呀,容乜易嘔返哂頭先食果啲野出離架。


於是我地其他人喺附近嘅遊戲灘位度行吓等佢地兩個。

 「...咦,小欣射籃球喎。」泳琳指住個射籃球灘位。

 「...靚女,玩返局啦,廿蚊有五個波。」職員同我講。

 「...好....好呀,玩一局吖...唔該。」我答。其實我都好手痕想玩吓。

 「...ok...,籃球即到。」職員好快手拎左五個波埋我前面。
 好啦...,話哂我都係籃球校隊,唔可以失威嘅...。

 「...唏...。」第一球就大針。好樣衰呀...啲力度好難控制囉。

 「...唏...。」第二球大力左啲揼釘添...。

 最後我係入左兩球,咩獎都冇囉,好唔開心添。

 「...我又玩一局吖。」一軍行左埋離,比左廿蚊個職員。又睇吓一軍到底入到幾多球先。

 「...插....。」第一球就穿針囉...。


「....插....插.....插.....插......。」痴線架佢,好快手就入哂五球,全中呀。

 ~叮叮.....噹噹~ 職員係咁搖鐘。

 「...恭喜哂呀,大獎呀。」職員喺度大叫。而家周圍嘅人都圍住睇。

 「...小欣...想要邊隻呀。?」一軍望住我講。

 「…吓....唔洗啦...。」我係手痕想玩吓架咋...。

 「...我專登掉比你架,快啲揀啦,唔要益左人架咋。」一軍繼續講。


而家職員望住左我.,好鬼死大壓力囉...搞到我唔揀都唔得啦。

 「...咁....果個啦。」我指住左隻多啦a夢。

 「...ok,拿...拎住啦靚女。」職員係上面拎左落離比我。


其實睇真啲隻多啦a夢都幾靚嘅...,而我本身又幾鍾意多啦a夢。


之後我就攬住隻多啦a夢成個小學生咁繼續行啦。

 表妹同kimmy玩完跳樓機落到離之後,繼續狂掃過山車同海盜船...,
佢兩個係咪痴線架...,我地其他人都係喺附近行下,
到佢地玩完海盜船終於肯歸隊,繼續我地嘅鬼屋之旅。

 我緊係繼續用我嘅瞇埋眼策略啦,又成功通過兩間鬼屋,哈哈...yo...鬼屋咋嗎...洗乜驚呀。

而家排到去山上最後一間鬼屋啦,其他人已經行哂啦,我照舊攬住泳琳準備行...,點知....。

 「...泳琳...,過離啦...嘻嘻,比啲機會阿哥同阿嫂先得架嗎。」kimmy突然推左一軍埋離我度,之後拉走左泳琳。

 「…喂...喂...搞錯呀。」我叫住kimmy都冇用,已經見唔到佢同泳琳背影啦。

 「...不如行啦...小欣。」一軍細細聲問我。


唉...都冇計啦,都要繼續行架啦,我開頭拉住一軍衫尾行...但係轉左第一個彎之後,
我頂唔順啦...真係好驚囉....我成個人僕左喺一軍背脊攬實左佢,成對連體人咁,

我越叫啲鬼就越要埋離嚇我...我拉住一軍,行一步又退返兩步咁...,
仲驚到拉住佢u turn掉左頭都唔知...,最尾唔知搞左幾耐先走得返出去。

 「……吖....終於出到離啦。」我鬆返一口氣啦。

 「...哈哈...。」一軍對住我傻笑。出到離先睇到,原來一軍件衫比我扯到wear
哂。 ....真係唔好意思啦....... 咦...咪住先。


 「其他人呢,唔見哂嘅?」我問。

 「...我試吓打比佢地。」一軍拎左部電話出離。

 「…一格都收唔到添。」一軍望住個電話講。之後我再望望我部s5...咦...係喎,我都係一格都收唔到。 

「...可能依個位訊號比較差d,不如我地行去第二度再試試?」一軍揸住部電話同我講。

 「...哦....。」我點一點頭答佢。

 我地兩個人慢慢行,一軍就拎住部電話好似睇羅庚咁,唔知仲以為佢睇緊風水添。

 「…都...都係收唔到。」一軍望住個電話講。

 「…咁一係等一陣先再試啦。」我講。

 「…好...好吖。」一軍答我。

 「...er...小欣牙...,不如我地坐果個囉。」一軍指一指我後面。


我另轉頭一望原...原來係摩天輪...,其...其實我咁大個仔都未坐過,都想試吓。

 「...是...是但啦。」我答佢。

 因為摩天輪係比較冷門嘅野,基本上唔洗排隊就已經可以行得入去,
我同一軍面對面咁坐左上其中一卡。摩天輪慢慢升起,依一刻我有種好奇妙嘅感覺,
望住下面嘅大海,咁靚嘅夜空,我覺得...好浪漫,再望望一軍,...佢原來...一直都望住左我...。


我而家面紅紅咁dup低左頭。

 「...小欣...,可...可唔可以...比次機會我做你男朋友呀...。」一軍個樣突然變得好認真...好情深咁望住我講...。


我...我望住一軍,我啞口無聲...一粒字都講唔出口,我而家合埋雙眼,腦海入面突然響起一首歌。

 

王菀之   巴黎沒有 摩天輪

大家闔起雙眼 幻想在凱旋門吃早餐 也許雪花四綻 然後你驚鐵塔很冷

聽講花都是情人必經之地   真跡的畢加索看到我想飛

參觀畫展後二人相擁滋味   羅浮宮都不可以比

然後登上摩天輪   迎著細雪轉動 我笑你超重

凝望北歐的晚空    美得我怕轉面你會失蹤

為何竟有摩天輪    全為要我感動 何必不去相信

一直聽你亂說    逼真到 連頭髮亦冰凍

花都的聲浪突然歸於肅靜  你說你很想娶我叫我清醒

真跡雖真實未如假想豐盛   憑言語你我已曾經

為何想到摩天輪    然後更會轉動 替你我相送

停在思想的半空    這可算作快樂我也不懂

如能擁有摩天輪   寧願永遠不動 隨風宣佈婚訊

哭著講我願意   多得你 成全快樂的痛

如何拖你手旅行  從沒有這好運 我故作興奮
然而虛構的旅行太真
https://youtu.be/OMcNKLkmQUw

http://godonme.mysinablog.com/index.php?op=ViewArticle&articleId=467372