~「…小欣...,你冇事吖嘛。」係一軍呀,可能佢見到我趷吓趷吓咁行啦,
所以佢喺自己張枱行左埋離我度。

因為我趷住行所以依家我同kimmy佢地係有一段距離嘅,
加上kimmy回頭望果陣見到一軍出左離,之後走得更加快。

 「...冇...冇事吖...肌肉酸痛咋嘛。」我口窒窒咁答佢。

 「…不如我扶你啦。」一軍好緊張咁講。



 「…吓...唔係咁好嘅。」我細細聲答佢。

 「…放心啦,泳琳唔係度呀,等我扶你啦....。」一軍都冇比我回應就已經一手捉住左我手臂啦。

 「.....喂.。」我喂得相當細聲..有小小緊張,
個身縮左一縮。之後一軍就扶住我慢慢行返宿舍啦。

 「...小欣牙...,今個星期六係我地d1男子組嘅決賽啦...,
唔知你...會唔會離睇我呢?」行緊嘅途中...一軍問我。



 「...係喎,你同肥恆單野....。」我終於都記得返肥恆同一軍果個約定啦。

 「 ...自動消失果單野...?...」一軍諗左一諗之後講。

 「…係...係呀。」諗返起又有小小嬲囉,一軍亂咁應承肥恆。

 「…佢地四強果陣已經輸左啦。」一軍講。

 「…吓...。」我叫左出離。



 「...係呀,果日我都在場,不過果個肥恆就好似冇去到喎。」一軍繼續講。

 「吓...。」肥恆點解會冇去架?...唔通上次打交單野未搞掂?...
或者比人拉左去坐監.....?諗諗吓我又有小小擔心肥恆佢地啦。

 「...唔洗擔心喎,咁我而家咪唔洗離開小欣你囉。」一軍以為我係擔心依樣野。

 終於行到宿舍啦,而家我同一軍企左喺我房門口。

 「...嘻嘻...阿哥送左阿嫂返離拿。做咩唔送耐啲呀...?」kimmy見到我地之後,笑淫淫咁同一軍講。

 「...er....咁星期六見架啦。」一軍冇理到kimmy繼續同我講野。

 「…er....ok嘅。」我答得唔係好肯定咁。



 「...咁好啦,㗑㗑小欣。」一軍講完之後就走左。

 「…wu...阿嫂,你地去約會牙....嘻嘻?」kimmy而家繼續笑淫淫。

 「...唔係呀,你阿哥叫我去睇佢比賽咋。」我講。

 「...係喎...星期六係男子決賽喎,我都唔記得左添。」kimmy個樣叮左一聲。

 之後我地就忙於執行李,因為泳琳去左傾野,所以我要幫佢執埋。

 ...咦...原來泳琳個袋都幾多野架喎,可能平時冇咩執袋啦佢,連飯盒都有個喺度。

 睇吓睇吓....咦....,有條咁特別嘅底褲喺度嘅....,前面好似有舊野鈎住咁。

 因為好奇,所以我成條喺泳琳個袋度拎左出離睇。



 吓....點會咁架...依條底褲....前面痴住條假陽具,咪係以前睇av啲女仔著住離同女仔搞野用嘅.....。

點....點解....泳琳會有架....。?

我即刻四圍望,睇吓有冇人見到先,然後驚到即刻塞返哂啲野落泳琳個袋度....。

 「...吁...呼...。」我驚到透氣都急速左,塊面又紅哂啦,變左女仔之後真係好易面紅囉。

點解泳琳會買啲咁嘅野架....唔通...佢想同我一齊用....?.

...咁佢諗住係佢著定我著架?....好核突呀.....真係接受唔到囉。

唔通泳琳真係les嘅?



 好彩身邊其他人冇發現姐...,冷靜過後我繼續執野,好快就搞掂哂啦。

之後泳琳亦都返左離。

 「...小欣...你...你幫我執左野牙....?」泳琳見到自己啲野執好哂之後口窒窒咁問我。

 「…係...係呀。」我扮冇野。

 「...有冇睇過裡面啲野呀?」泳琳講得好細聲,我諗得我聽到佢問咩。

 「...吓...冇喎,我求其張啲野塞哂入去就算啦...哈哈。」我笑笑口咁繼續扮唔知,
好彩都呃到泳琳,之後泳琳都冇繼續問我啦。

 大家執好哂野之後就落返樓下集合,miss wong帶住我地慢慢行返去停車場果邊等上旅遊車。



 等緊果陣一軍果班咁啱排左喺我地班隔離,我見到一軍全程都望住我同泳琳,
好似好羨慕泳琳咁嘅樣。

而泳琳喺我隔離我緊係望都唔敢望一軍啦。

等左冇幾耐旅遊巴終於都到啦,一軍唔係同我地一部車所以上車走左先,
而我地呢...,大家可能都有左共識啦,全部人都照舊坐返埋離果陣果個位,
我地五個亦都係一樣坐返埋車尾,上左車冇耐,大家都已經訓著哂,
而我呢....z...z...可能都真係好攰啦,一樣唔例外啦,由上車訓到落車,
泳琳叫醒我果陣仲好似流左兩滴口水添...。

 返到學校集完合,點完人數之後miss wong就示意可以解散返屋企啦。

 大家都好似散哂咁,因為個天都開始黑啦,都差唔多成五點幾,
我同泳琳返到去屋企樓下求其食啲野就返屋企啦。

 返到屋企緊係咩都唔理掉低左個背囊就即刻撻左落張梳化度啦。

我hea左一陣,之後都冇咩野特別野發生,我如常沖涼換衫玩一陣電腦之後就上床訓覺啦。

 第二日係星期五,原本應該係要返學嘅,但係因為我地中五中六去完宿營返離,
所以補左一日假比我地。

今日訓醒我嘅肌肉酸痛比琴日緊加勁,其實都正常嘅,通常都係隔左一日先係最痛嘅,
所以我今日繼續做傷殘人士,全日攤左喺張床度....,好彩泳琳上左離我屋企照顧我姐,
如果唔係實餓死都似....。

就係咁好快又到左星期六,因為琴日攤足一日嘅關係,今日訓醒終於都冇咁痛啦。
我訓到朝早十點幾起左身,之後如常刷牙...洗面.....換衫。我今日著左件紫色連身裙加件風褸,
下面就著左條LEGGING加對nike跑鞋。

 一軍嘅比賽呢...係兩點鐘開始,冠軍戰地點當然係修頓啦,。

我換好哂衫都差唔多十二點啦,之後我就出發搭巴士去灣仔啦。

琴日我同泳琳講左個大話,我話今日下午要去練波,所以今日泳琳冇搵到我...。

唔知點解好窒車呀,我去到灣仔已經一點鬆,因為起身之後都冇食過野,
而家都真係有小小肚餓,所以我去左修頓附近嘅kfc食左個下午茶,食完之後,
時間就差唔多夠鐘啦,到我行到入體育館果陣好似係一點四十五分鐘左右。

 嘩.....咁....咁多人嘅...,比起女子嘅決賽,男子嘅決賽多起馬成倍人睇,
我企左喺觀眾席望離望去都見唔到有比較空曠嘅位置,得返啲單丁位...點好呢。

 「…靚女....依邊有位喎。」有個大隻仔叫我,佢依家同個朋友坐左喺我前面。

 「...er....唔洗啦...唔該。」我禮貌地講。

之後就行開左啦,雖然其實個大隻仔都真係幾靚仔....但係比兩個三唔識七嘅大隻仔夾住離坐,實會好唔自在囉。

 「....點好呢....。」我繼續喺觀眾席附近行離行去。

 「…咦....阿嫂。」突然有個人叫我。

 「...吓....你。」我望一望果個人,咦....著住我地學校件波衫嘅,
原來係我地學校籃球隊員離架...但是我完全唔認得囉。

 「…軍哥熱緊身喎,就開波架啦,落離球員席坐啦阿嫂。」隊員好熱情咁講。

 「…er....好...好吖...唔該。」我口窒窒咁答佢,之後就跟住佢落左去啦。

落到下面有啲球員就喺場入面熱緊身,有啲就喺場邊拉緊筋。

而家我坐左喺球員席啲長櫈度。一軍同阿亮喺場入面射緊波,
而卜sir就企左喺一軍隔離唔知傾緊啲咩。

 「...阿嫂....離左牙。」又多個喺場邊拉緊筋唔知係邊個嘅人同我打招呼。

 「…er...hi。」我好尷尬咁打左個招呼。

 諗落...可以坐係依個咁近嘅(超等坐)其實都幾好嘅....又唔洗同人迫,
依家我坐喺度見到一軍咁認真嘅樣真係幾吸引。

 ~....咇.....~ 雞聲響起....,

比賽就快開始啦,而家所有球員都行返哂埋離。

 「...子欣...離左牙...。」卜sir行到埋離見到我之後講。

講完之後就冇理過我,好認真咁拎住塊戰術板望離望去。

 「…咦...阿嫂離左喎。」係阿亮。佢而家同一軍一齊行左埋離。

 「...嗯....。」我點點頭。

 「…小欣...。」一軍終於都行到埋離我身邊啦。

 「...全部埋離。」卜sir突然好大聲咁叫佢地,一軍都即刻望一望過去。

 「...er...唔洗理我啦...你埋去聽戰術先啦。」我推一推一軍手臂講。

 「...ng...咁好啦...小欣...。」一軍點一點頭之後就行左埋去卜sir果邊啦。

 而家嘅一軍變得非常認真,唔單止一軍...係所有人都好認真咁聽緊卜sir嘅部署....。

 ~....咇.....~

 一分鐘之後,球証嘅雞聲再次響起,而家卜sir示意五個正選球員出場,
一軍當然係其中一個啦。


佢地五個人好有霸氣咁行到出場中間,而對方球員亦都行到出離。

聽其他隊員講,今日依場決賽係上年決賽嘅翻版...對手(張振舉中學)上年輸左比我地之後今年要復仇咁話喎。

 球証入場之後,港島區d1甲組嘅決賽,正式開始。

 一開波,亮哥成功跳赢,個波落左喺我地後衛世邦手上,
世邦將個波慢慢帶到去三分線後幾步,依個時候亮哥已經喺籃底咩好哂位,
世邦即刻將個波交落低位比亮哥,接波後亮哥一野就爆開左對方中鋒之後一個近距離跳投命中,
成功幫我地打開紀錄。

之後連續幾球我地都用同樣嘅戰術得分。

對方終於變陣啦,而家改用二一二聯防,加強籃底嘅防守力,
比賽好快就打到去第二節,而家比分係二十比十九,我地領先緊一分,
之後大家都加強防守雙方開始拉鋸...,比分遲遲都拉唔開一直去到第四節,
而家嘅比分係三十六比三十五....,我地只係得一分嘅領先優勢。

 後衛世邦打左個眼色,亮哥即刻幫一軍做左個單擋,
世邦見一軍有空位就即刻將個波傳比啱啱跑到出三分線外嘅一軍手上,
一軍諗都唔諗就即刻轉身射左個三分波,個波竟然喺籃椢上轉左幾個圏,遲遲都未跌返落離,
籃底嘅亮哥已經咩好哂位,準備搶籃板,但係個波最後竟然入左。

 全靠一軍射入依球遲來嘅三分,我地將比分拉開到三十九至三十五,總算可以鬆一口氣。
 比賽進入白熱化階段,依家每一個攻勢都好似唔入唔得咁,大家都唔敢亂離,
如果唔係好有信心,都唔敢起手。

對方隊長接波,做左一個手勢示意隊員散開,而家對方隊長想單打亮哥,
佢做左一個左手Crossover再即刻帶波向右過左亮哥,亮哥咁高大嘅身形,
反應緊係慢啲架啦,但係都即係轉身死緊貼佢,可惜都比佢以速度壓過,
對方隊長準備上籃之際,世邦同一軍隨刻殺到,一齊跳起...

~啪.....~

最後一軍成功將對方隊長手上嘅(必入球)封左落離,
之後個波落左喺一軍手上。

一軍即刻帶住個波喪跑,打一個反擊快攻呀!!!

一軍跑到中場附近果陣對方嘅後衛已經回防到籃底附近等緊佢啦,
而家嘅情況係一打一快攻,一軍似乎冇咩著數喎。