~「…哈哈...歡迎你們...(國)。」有個好似係老師咁嘅人講國語歡迎我地,
頭先喺車上面已經見到佢一早已經企左喺度,而家同卜sir握緊手。

 「…吖...你們好...大家好像很精神呢。(國)」
佢而家笑口噬噬咁同我地講。

 「.....。」但係我地就冇咩反應比到佢啦,可能我地香港嘅文化係咁啦,
又或者其他人唔識國語根本就聽唔明佢講咩。

 「...那....我先帶你們逛逛我們的校園吧。(國)」佢講完之後卜sir幫我地翻譯多次,


之後我地就跟住佢慢慢遊覽依間南山高中啦。

我地跟住佢圍住間學校行左一圈,途中佢不停講解,
到最後佢終於帶我地去到佢地個體育館啦。

依度有兩個籃球場,而家體育館入面企左一男一女喺度,
我諗應該係南山高中嘅教練。

 「…那...接下來,就交給我們的籃球教練跟你們了解一下啦。(國)」個老師講完之後就轉頭走左。



 「大家好吖,我們是南山高中的教練,我的名字叫做許時清,
你們可以叫我做許教練,而我身邊的是負責女子隊的楊教練。(國)」許教練講。

 「那麼...我們現在先分開男女子隊,男的跟我,
女的就跟楊教練到旁邊的球場。(國)」許教練講。

 之後我地女仔就跟住楊教練過左過隔離嘅球場。

楊教練先介紹一下自己,然後叫我地逐個介紹返自己比佢認識,
我地傾左一陣計,佢又講左一啲帶隊比賽嘅野比我地聽。



原來楊教練而家係職業隊電信女籃球員離架,過去曾代表國家出戰世大運,
擔任過台灣師大女籃助理教練,今年係第一次教高中籃球隊。

我地傾完一輪之後,楊教練就叫我地去食飯啦。

我望望隻錶原來已經成六點架啦,但係其實六點都仲好早姐,
咁早食飯嘅....。

我地所有人就跟住佢行到去一個好似飯堂咁嘅地方食飯啦。

 食完之後休息一陣,佢又帶返我地去頭先果個球場度啦,應該係正式嘅訓練。

 我地一行到入球場已經見到好多人喺度熱緊身同射緊波,
應該就係南山嘅球員。



佢地見到我地行入離都即刻擰哂過離好興奮咁望。

 睇吓先,....好失望囉...睇台劇果陣啲仔好似小豬果啲好有型架嘛,
但係點解.....真係見到台仔都唔係咁嘅.....,雖然佢地真係個個都好高大,
但係就有一種好土嘅感覺囉,至於啲女仔呢.....嘻嘻....冇咩興趣望喎。

 楊教練叫我地入更衣室換衫先,之後出返離就熱吓身拉吓筋先。

好快我就換好左衫行返出離,而家我同表妹,kimmy一齊喺場邊拉緊筋。

睇真啲南山啲男隊員真係好拿高囉,我見最矮果個後衛都起馬有180cm以上,
個中鋒就更加離譜囉,直頭有兩米高添....,阿亮企埋去都仲矮佢半個頭囉....,
後衛世邦本身都有177cm高啦,行到埋去南山個中鋒度直頭變左小朋友咁....打條鐵咩....。



 我地拉完筋之後都行左出場出面同南山女隊一齊射波。

 「..你好呀...我叫溫思涵呀,是南山隊隊長,多多指教。(國)」
有個著六號波衫嘅女仔行左埋離好有禮貌咁同我講。

 「...你...你好,我叫做周子欣。(國)」好彩我細細個就成日返大陸國語都有返咁上下姐。

 女隊長之後粗略介紹吓佢地啲隊員,而檸檬亦都介紹一下我地之後,
楊教練就叫哂所有人埋去開始進行訓練啦,楊教練首先講解一次佢地平時嘅訓練流程,
之後就叫我地跟埋一齊開始訓練啦。

 開頭都係一啲好普通嘅上籃,但係之後就開始離料啦,好多嘅體能訓練,
來回跑呀,碎步一分鐘,一啲橫移步嘅訓練,練到一半表妹已經開始頂唔順跟唔到啦,
而我地五個正選雖然仲跟得住,但係都已經好吃力,我見到kimmy而家喘哂氣...,
而我呢...都唔差幾多架啦,到最後我地五個都可以順利跟到尾,而其他人呢....就唔好提啦。



 「...很好呀...你們五個先發球員體能還不錯呀...,其他人要努力努力啦。(國)」
訓練完之後楊教練對住我地講。

休息一陣之後,楊教練就示意叫我地兩間學校離一場友誼賽啦,
楊教練當然係負責南山女隊果邊啦,而我地學校呢,就由檸檬暫時負責。

其實望落去呢,南山女隊嘅球員對比起我地,又唔係話真係特別高,
頭先同我打招呼嘅隊長溫思涵都只不過得163左右,而最高果個中鋒都係180左右,
唔係高檸檬好多姐,應該有得打掛...。

 一開波,檸檬反應相當快,成功跳赢,個波落喺小田手上....,小田將個波帶到三分線附近,
檸檬已經落好左位,小田即刻釣個波落去比檸檬背打,檸檬一攞波,一個運球後轉身,
即刻jump shot。



「...啪...」但係竟然比對方中鋒一手封左落離,個波落左喺對方中鋒手上,
之後對方一個長傳交左比喺中場嘅溫思涵隊長,之後輕鬆上籃得分。

第二球...小田繼續控球帶到三分線,今次我已經落好位,我示意小田將個波交比我,
小田亦都順利做到,我拎波之後就嘗試單打佢地嘅大前鋒,我左手頂住佢心口泵左兩下,
嘗試用力量爆開佢,但係佢紮到個馬行一行...死頂難頂,我見佢一出力,我就順勢一個轉身,
再食埋佢腳位,完美咁將一軍教我嘅野運用返出離...再上籃得分。

之後幾球檸檬都頂唔住佢地中鋒,而佢地大前亦都mark唔住我....大家互爆,
但係我係咁單打體力實在負荷唔到,好快我就要落後備席休息啦。

我休息之後,形勢變得一面倒....,因為我地完全冇一個得分點.....比對手瘋狂飆分...,
到我出返離之後已經為時已晚啦,雖然我繼續爆分,但係對方亦都一樣,
所以到最後我地係以40比55大敗嘅。

之後楊教練同我地賽後檢討,講出左我地嘅唔小錯處,亦都話返比檸檬聽,
邊啲位應該叫暫停,邊啲位應該換人等等。

講完一輪之後就解散啦,我地入返更衣室沖完涼換返好哂衫之後就行返出離。

出到離男子隊果邊啱啱都訓練完,而家佢地亦都行緊埋離更衣室依邊。

 「…hi....你好呀...可以...知道你的名字嗎....,我....我想跟你...做個朋友...。(國)」
有個南山男隊員行左埋離我身邊口窒窒咁講。

 我頭先見到佢應該係打後衛嘅,都有成180左右高,但係就產左個陸軍頭成個薯仔咁囉.....。

 「…吓....er.....我叫做周子欣....你...你好。(國)」我亦都口窒窒咁用國語答返佢。

 「…er....子欣吖...很好聽的名字,不知道你...有男朋友嗎...?(國)」薯仔單刀直入。點算好呢.....。

 「…一....一軍。」我叫一軍,我見到一軍見到我地而家好緊張咁行緊埋離。

 「...咩...事呀,小欣.?」一軍問我。

 「…對不起....他就是我男朋友。(國)」我一手翹住左一軍,之後同個薯仔講。

 「…明白....是我自作多情了...對不起。(國)」薯仔睥左一軍一眼之後就好冇引咁行開左。

 「...唔...唔好意思呀...搵你過橋。」薯仔走左之後我放返開一軍隻手講。

 「...唔...唔緊要...。」一軍面紅紅咁講。

 「…係呢...你地嘅友誼賽...輸左牙?」我見到佢地個個頭dupdup咁,都唔方好野啦。

 「...係....輸成十八分...,完全唔同級數,睇離真係要加緊練習先得啦。」一軍好失望咁講。

 「…唔緊要啦,我知道一軍你掂架。」我拍一拍一軍膊頭講。

 其實依家都差唔多成十一點架啦,等佢地男仔沖完涼換完衫之後,
我地就返酒店啦。

因為今日練波嘅強度比起平時真係強好多呀,我同kimmy都練到散哂,
返到酒店之後都好快上床訓到成隻死豬咁啦。

 到第二朝一早我地就落左酒店下面食早餐buffet,
阿成終於都出現返啦,一早幫我同kimmy霸好哂位。

 「…阿成琴晚去左邊呀?」kimmy行左出去拎野食果陣我問阿成。

 「...冇呀,咪自己一個喺西門町附近行吓囉。」阿成答我。

 「...有冇偷偷地走去夜店玩?」我瞇起對眼同阿成講。

 「...冇呀冇呀,欣姐...而家kimmy同左我一齊我會安份守己架啦。」
阿成又驚到瀨屎咁濟,我隨口問吓咋嘛。

 「…ng...算你啦。」我講。

 「…傾緊咩呀你地。」kimmy啱啱拎完野食返離。

 「…冇呀....我問欣姐你地幾時得閒唔洗練波咋嘛..哈哈。」阿成好緊張咁答kimmy。

 「…ng...好似今晚唔洗練,卜sir會帶我地去行士林夜市。」kimmy諗一諗之後答阿成。

 「…咁...咁就好啦...,我可以離join你地啦。」阿成好興奮咁講。

 食完之後我地就出發去南山高中啦,今日卜sir冇book到旅遊巴啦,
而係南山高中果邊搵校巴離接我地。我地未到九點就已經去到,
今日成日我地都會喺度過,兩位教練同我地做左個簡報之後,
我地又要返落球場進行訓練啦。

今日除左基本訓練之外,楊教練仲教左我地一啲新嘅戰術,大家都練得比琴日投入,
我地同對方球員亦都開始熟絡,大家都開始有講有笑咁啦。

好快我地就完成上午嘅訓練,到中午嘅時候,我地都係好似琴日咁喺學校食午餐,
食完之後呢...原來佢地興訓晏覺架....佢地求其搵個空位就全部人訓哂,
咁我地都唯有入鄉隨族啦,我同表妹,kimmy佢地搵左個梳化位就攤左喺度眠一眠啦。

 到訓醒已經係下午兩點幾,我地再次去到籃球場,熱吓身之後,我地又開始第二次嘅友誼賽啦。
今次楊教練轉移做我地隊嘅教練,而南山隊長溫思涵就暫代教練。

今次楊教練想我地運用返今朝教我地嘅戰術,有楊教練帶住真係唔同啲喎,
雖然到最後我地都係以40比48輸左,但係今次嘅比賽緊湊好多,
楊教練嘅戰術亦都令我地打得變化多左,更容易突破對手。

比賽完之後我地就留喺學校食晚飯,食完學校就安排校巴送返我地返酒店啦。

大家都知其實佢地係好早食晚飯架啦,所以依家返到酒店都只係夜晚七點半左右。

我地放低所有行李衣物之後,就出發去士林夜市啦....yeah。