~「歡迎乘搭xx航空,我地依家喺香港國際機場。」廣播中。
 「…小欣...返到香港啦。」一軍細細聲咁喺我耳邊講。

而我呢,就由熟睡中清醒過離,而家開一開眼,
望住坐喺我隔離,比我攬住嘅一軍。

 「…吓....到...到左拿…吖嗚?」我打左個喊露。

 一軍好快就幫我喺坐位上面拎左個背囊落離,
然後佢就企喺我後面雙手踏住我膊頭咁一齊排隊落機啦。



今次過關真係快到無論呀,估唔到堂姐做野效率又幾快喎,
唔洗五分鐘我同一軍已經行到出大堂等攞行李啦。

等所有人攞齊行李之後,卜sir循例幫我地點多次名,之後就解散啦。

一軍幫我推住個喼,而阿成呢就幫kimmy同表妹推住,
我地五個人慢慢行出機場巴士站搭返離機場果部巴士返去。

其實我地學校籃球隊嘅人都係住學校附近,


所以基本上而家所有人都係等同一部巴士。

好快巴士就離到,我地上左巴士之後,
我又攬住一軍繼續發我頭先未完嘅夢啦。

..吖...唔知點解攬住一軍真係特別好訓架喎,
差唔多一個鐘頭嘅車程好似幾分鐘就過咁。

~啪~~~



我再一次比一軍拍聲,而家一軍理所當然要送我返屋企啦,
於是我,表妹同一軍就落左車,而kimmy同阿成呢,
就搭到返總站kimmy屋企。

 落車之後表妹話唔阻我地二人世界喎,
自己一個閃左,而我同一軍呢,就去左屋企樓下商場食一哥火鍋。

入到大快樂我就照舊搵左個冇咁多人嘅位坐低左,
一軍就出左去買野食。

 好快,一軍又捧住一大盤野食返離啦。

 「…咦....又有蠔喎...又係過大昌買架啦...嘻嘻。」我望住盤食物笑笑口咁講。
 「...哈哈...又比小欣你發現添...,今次我買埋帶子添呀...,好抵架。」
一軍又試一邊講一邊好自豪咁笑啦,成個傻仔咁...嘻嘻。



 「…係啦,小欣牙...咁泳琳果度你諗住點呀?」食緊野果陣,一軍突然提起。

係喎....同一軍一齊開心左咁耐,都唔記得左泳琳添....。

 「...er......我會慢慢...搵機會同泳琳佢講清楚架啦....。」我諗一諗之後講。

 「...哦...。」一軍表情語氣冇咩唔同。

 「...對...對唔住呀一軍,我同你暫時都唔可以公開住啦,
等我一有機會,就會同泳琳講架啦。」我眼濕濕咁同一軍講。

 「…傻...傻啦,明架喎小欣,你都唔想傷害到泳琳,
我會等你架。」一軍好溫柔咁講。



 「...一軍...多謝你呀。」我錫左一軍一啖。

 食完之後一軍就送左我返屋企,一軍走果吓我真係有啲唔捨得,
有啲衝動想叫一軍留喺度訓添...,不過到最後我都冇咁做。

一軍走左之後,我就整理一下行李手信,
之後就沖涼洗面刷牙啦。

搞掂哂所有野都已經差唔多十二點啦,
我終於都可以招牌動作大字形咁攤落我果張最舒服嘅床度啦。

真係龍床都不及狗竇,此終都係自己屋企張床先至係最舒服,
如果一軍可以攬住我喺依度過一晚夜就真係更好啦....。

我訓喺張床度胡思亂想左一陣,好快我就進入左夢鄉啦,到第二朝訓醒,


我又要返返離現實世界,開始要諗吓...跟住落離...我到底要點同泳琳講。

 今日係十二月廿六日,我地繼續放緊聖誕假期,
朝早十點幾泳琳已經上左離我屋企撳鐘啦。


 ~叮噹......~

 「...早...早晨呀,小琳...,放假點解唔訓晏啲呀?」
我開左門比泳琳,之後泳琳就行左入屋。

 「...嘻嘻...掛住小欣你吖嘛,本來琴晚想搵你架啦,
但係你地又咁夜先返到離喎,咪唯有今朝早啲囉。」泳琳好開心咁講。

 「...哦...。」我hea左句哦。



 「...點呀,台灣好唔好玩呀?...」泳琳繼續問我。

 「…er...麻麻地啦,主要都係練波,都冇咩去玩過...哈哈。」
唔知點解講大話硬係唔多自然咁。

 「...係牙...慘慘豬啦,咁咪好辛苦囉。」我同泳琳而家坐左埋梳化度,
泳琳翹住我隻手挨左個頭落我度。

 「...er...都...都係架...。」唔知點解比泳琳挨住會有啲唔自然添...。

 之後我同泳琳就去左工展會行吓,其實之前幾年我都有同泳琳行工展會架,
每次離到我地都滿載已歸,零食呀...泳琳最鍾意飲嘅咖啡呀...
同埋我最愛嘅印尼撈麵,全部都係咁掃貨...,所以今次呢......嘻嘻...都唔會例外囉。

我地一入到場就食左杯鮮果乳酪,之後又食吓啲花膠鮑魚仔呀...,
食飽飽之後,我地就開始掃貨啦。

 「...咦...即食麻辣米線。」我講。

我地經過一間賣即食麵嘅舖頭。

 「...小欣...,想買牙?」泳琳望一望我。

 「…嗯....。」其實我係想買比一軍食,
因為我諗起一軍都好鍾意食麻辣架嘛。

 買完之後我地就繼續shopping,唔知點解我開始掛住一軍添...,
唔知佢喺度做緊咩呢?有冇掛住我呢?

 「…er...我想去一去洗手間呀。」我同泳琳講。

 「…我陪你吖。」泳琳講。

 「…唔...唔洗啦,你繼續行住先,一陣喺阿波羅等啦。」
我講完之後,就行左去廁所果邊啦。

...唉...而家同泳琳一樣都係女仔...,
下次唔可以再用去廁所做借口啦...。

嘻嘻...我行到去廁所附近,
即刻拎左個電話出離,打比一軍。

 ~do...do...~

 「...喂....小欣。」係一軍呀。

 「...一軍...,做緊咩呀你?」我好開心咁問。

 「...我牙...冇呀,同kimmy行緊工展會囉,小欣你呢。」一軍講。

 「…吓....,唔係咁橋吖嘛?」我大叫左出離。

 「...咩咁橋呀?...」一軍好疑惑咁問。

 「我同泳琳都行緊...。」我講。

 「…係....?」一軍好興奮咁。

 「...你地而家喺咩位置?」我講。

 「……er...小食店。」一軍諗一諗之後講。

 「...諗辦法撇甩kimmy過離中間廁所搵我。」我用命令嘅語氣講。

 「...哦....好吖...小欣你等我。」一軍講。

 一軍真係快手呀,唔洗三分鐘就撇甩左kimmy過左離廁所搵我。

 「...吖....。」我叫左出離,

一軍失驚無神喺我背脊一野攬左落離。

其他人見到仲以為一軍非禮我添。

 「...嚇死人咩...個心離一離呀。」我自然反應推開左一軍。

 「...哈哈...對唔住呀小欣,我太掛住你啦,
頭先聽到你喺度我開心到笑左出離呀...。」一軍笑笑口講。

 「……er....我都好掛住你。」我細細聲講,之後又攬返住一軍。

 「係呀....,依個...買比你食架。」一分鐘之後,我同一軍講。

 「…多謝你呀...小欣,咦...係麻辣米線牙....。」一軍好開心咁講。

 「…嗯...。」我點一點頭。

 纏綿左一陣,我地就好唔捨得咁分開左啦,我就返左去搵泳琳,
而一軍就返去搵kimmy,我已經講好左我同泳琳之後會行嘅路線,
叫一軍盡量帶kimmy避開我地,希望一軍搞得掂啦。

 同泳琳匯合返之後,我地就繼續我地嘅行程啦,計劃進展得好順利呀,
泳琳跟住我計劃好嘅路線行,沿途亦都冇遇到過一軍佢地,嘻嘻....總算又過一關啦。

 行到差唔多黃昏,我同泳琳就揪住我地嘅戰利品離場啦,
不過都真係買左好多野,而家嘅我都揪得好辛苦,
如果一軍喺度幫我拎就好啦....嗚嗚。

我同泳琳幾經辛苦先將啲野由維園揪到去巴士站等巴士。

 「...呼....,手都斷啦。」我透一透氣講。

 「...辛苦你啦...小欣,要你揪咁多野。」泳琳同我講。

 「...傻啦,我應該嘅...有好多都係我食嘅...嘻嘻。」我講。

 等左勁耐都冇車離囉...頂...,好嬲呀,次次第二條邨啲巴士離四五部車,
但係我地條邨就一部車都冇囉.....我同泳琳等左半個鐘都依然冇車,
等到我差唔多想爆粗啦。

 「…依....阿嫂...泳琳,咁啱嘅?」係kimmy。

頂...真係是福不是禍,是禍躲不過,
要撞到嘅此終都要撞到,希望kimmy唔好亂講野啦。
 「...係...係囉...哈哈。」我對住kimmy冷笑左一下。

其實諗諗吓撞到又真係一啲都唔奇喎,
大家都係喺果個巴士站等車,而且我地部衰車又等極都唔離喎。

 「…嘩...咁多野嘅...你地又係行完工展會牙...我地都係呀。」
kimmy望住我地嘅戰利品講。

 「...係咩係咩...。」我繼續hea答。

 「...喂...阿哥,仲唔幫阿嫂拎...,咁唔醒目架,
送埋阿嫂返屋企依啲唔洗我教架啦。」kimmy拍一拍企喺後面食緊花生嘅一軍講。

 「…吓...哦..小...小欣等我送你啦。」一軍好尷尬咁講。

死啦...比kimmy玩死...,而家泳琳個樣都好尷尬咁。

說時遲那時快,果部等極都唔到嘅巴士,偏偏就喺依個時候出現,
我同泳琳再加比kimmy推上車嘅一軍,而家行左上巴士上層。

點算好呢....應該同一軍坐定泳琳坐好呢?泳琳行頭已經坐左埋一個窗口位,
而一軍就行中間坐左喺泳琳後面嘅窗口位...,點算好呢?