~好快就到左朝早,我戰戰兢兢咁返學,
泳琳冇再搵我,今日我同表妹一齊返。

返到學校課室kimmy已經坐左喺度啦。

 「...阿嫂....你返離啦。」kimmy行左埋離攬住我。

 「...kim...kimmy。」比kimmy攬到窒息咁濟呀。

 「...擔心死我啦...,同阿哥鬧交都唔洗自殺架嗎!!!」


kimmy喺我耳邊細細聲講,原來佢地以為我同一軍鬧交架?

 「...er...我唔會架啦。」我亦都細細聲回應,希望其他人聽唔到。

 上堂時間差唔多到啦,我同kimmy都返左埋位,kimmy繼續同我傾計,
阿成就間中喺前面擰個頭過離傾埋一份,而表妹呢...因為坐得遠小小所以傾唔到。

傾到咁上下...泳琳終於都返離啦,佢冇咩表情咁行返去自己個位度坐,
眼尾好似望一望我,但係又好唔自然咁迴避。




 https://youtu.be/dZhi-fKXtYk

 謝霆鋒   邊走邊愛

從指尖跨過亂髮到夢魂內 從枕邊走出世外
從沙丘穿過鬧市繼續期待 從車站步向月台

*懷著浪盪的心情 觀賞這牽手的旅程
 崎嶇得足以令你與我人事不省



每次我其實都想告訴你 好不好棲息在快樂園地
只可惜風太大你太快 還是我在路上遺留下自己

這一生這麼長趕上了你 偏不知終點時你在何地
感激這幾里路我與你纏在一起 到別離

蒲公英跟你共舞飛得再高 還可走幾多里路
從相識走到共處接近同步 下一站就變陌路

Repeat *

每次我其實都想告訴你 好不好棲息在快樂園地
只可惜風太大你太快 還是我在路上遺留下自己



這一生這麼長趕上了你 偏不知終點時你在何地
感激這幾里路我與你纏在一起

我怕我無論怎加倍愛你 都不可安居在快樂園地
一早知車太慢你太快 寧願我在路上遺留下自己

這一生多僥倖趕上過你 不想知終點時你在何地
不管幾多里路也試過纏在一起 未算別離




 結果全日泳琳都冇同過我講過野,
而且食飯果陣亦都冇join我地,就好似陌路人咁。



放學之後要練波,卜sir好緊張呀,因為之前果場輸左,
所以依家幫我地加操,個個都操到死死吓咁,表妹體能一向都唔好,
所以見佢操到死咁濟,雖然辛苦但係又可以同一軍一齊面對,真係好開心。

練完之後一軍如常送我返屋企,依家我地終於都唔洗偷偷模模啦,
我翹住一軍隻手,好自在咁慢慢行,周圍雖然好凍,但係一軍嘅身體依然係咁暖笠笠,
翹住佢離行真係好鬼死舒服嘅姐,返到屋企因為我仲係好依依不捨呀,所以叫左一軍入離坐一陣。
 入到屋之後我就叫一軍喺梳化坐陣,而我呢,因為練完波成身都係汗,
所以即刻走左入浴室沖返個涼先。

沖完沖出離,一軍依然係坐左喺梳化度。

 「...小欣牙...有個叫俊哥嘅人whatapp你喎。」一軍拎起左部電話遞比我,
死啦死啦....一軍會唔會誤會我架。



 「...er...唔該。」我單手接住左部電話。

 「…放心喎...我冇睇過內容架,只係見到俊哥兩個字彈左出離咋。」一軍講。

 「…er...你唔會想知係邊過離架咩?」我問一軍。

 「…er...依啲係小欣你嘅私隱離架嘛,如果小欣唔想比我知嘅,
我唔會過問架喎。」一軍一副若無其事嘅樣。

 「...我點會有野瞞你喎,其實依個俊哥係泳琳阿哥離架,
咁我之前呢...就應承左教佢整蛋糕,所以佢依家搵我姐。」我口窒窒咁講。

 「...哦....原來係咁,但係小欣你唔洗話比我知都得架喎。」一軍仲係戇居居咁冇咩表情。

 「…咩呀...我唔會有野隱瞞一軍你架,你都係一樣呀...咩都要比我知,


如果唔係我會亂諗野架...知唔知道?」我坐左落梳化攬住一軍條腰,挨左個頭落一軍落講。

 「…哈哈....嗯...明白啦,總之以後我有咩都同小欣你講....,
連食飯食左咩都講...好唔好?」一軍笑笑口咁答我。

 「...嗯...咁就乖啦。」我講。

 之後我同一軍就照舊落左商場大快樂食一哥火鍋,
而家大快樂已經變左我地嘅飯堂啦,去到之後...我照舊坐返去我地坐開果個位,
一軍就照舊自己行去買野食,已經唔洗再出聲,可能依啲就係檸檬所講嘅默契?

 一軍好快就買左野食返離,而家一軍已經完全掌握哂我嘅飲食喜好,
而我呢....嘻嘻...緊係都知一軍鍾意食咩啦。

我地兩個人享受完晚餐之後,一軍就送我返屋企,之後就自己走左啦,
我沖完涼吹完頭,就招牌動作攤左落床度撳電話啦。


...吖...睇吓俊哥個whatapp講咩先。

 「...小欣牙...,俊哥呀...唔知聽日星期六我上離你度學有冇問題呢?」俊6:30pm
 吓...聽日咁急,點解唔早啲講喎,雖然聽日係冇野做姐...
但係又要準備又要出去買料...都幾趕吓囉,
唉...但係為左俊哥嘅幸福....冇計啦,鬼叫我應承左佢咩。

 「...er....ok嘅,但係要預早小小時間出去買材料喎。」我10:45pm 唔知俊哥幾時覆呢。

 ~didi~咦...咁快覆嘅。

 「…ok呀,小欣你話事啦,幾點都ok架。」俊10:46pm

 「...咁牙...就朝早九點喺屋企樓下等啦,你ok嗎?」我10:50pm

 「…ok...到時見...萬分感謝。」俊哥打左個合實雙手嘅公仔比我。

 「...ok啦,咁唔講住啦,我都要上網搵吓啲食材資料同食譜。」我11:00pm

 「...okok...唔阻小欣你啦,遲啲一定請返你食飯....byebye。」俊11:02pm

 同俊哥傾完之後,我又要彈返起身啦,咁耐冇整過,
點都要上網睇吓啲材料舖仲喺唔喺度,仲要搵定幾款唔同嘅蛋糕食譜以備不時之需添...。

搞吓搞吓唔經唔覺搵到成點鐘,要訓啦要訓啦,
如果唔係,有黑眼圈就成隻熊貓咁架啦。


因為好眼訓嘅關係,一撻落床我就已經昏迷左啦。
 
~電話響起了 ~你要說話了 
~還以為你心裡對我又想念了~
~怎麼你聲音變得冷淡了 
~是你變了 ~是你變了~
 ....電話鈴聲響起。


 「...吖....好眼訓呀...。」我冇理到繼續訓。


 ...但係過左幾分鐘。


 ~電話響起了 你要說話了 ~
還以為你心裡對我又想念了
怎麼你聲音變得冷淡了 
是你變了 是你變了~


 「…救命呀...邊個姐,晨咁早打離。」
我好炆咁伸左隻手去拎起個電話,然後差啲想爆粗。

 「…喂...邊q個呀!!!」我望都冇望係邊個打離就接聽左。

 「…早...早晨呀...小欣。」吓...係俊哥...,
俊哥比我把惡聲嚇到口都窒埋,係喎...約左俊哥架喎。

 「...吓...早...早晨...俊哥。」我亦都口窒窒咁回應。

 「…我到左樓下啦。」俊哥講。

 「...吓...夠鐘啦咩?」我問。

 「...係呀...,已經九點半啦。」俊哥講。

 「…吓...九點半架啦,唔好意思呀...俊哥,要你等我咁耐,我...即到。」我講。

 收左線之後,我即刻彈左起身,保特上身咁跑左入廁所刷牙洗面,
之後再衝返入房極速換衫。

對唔住....我已經盡左力架啦,但係變左女仔之後實在太多野搞啦,
我用最快速度搞完落到樓下都已經成十點啦。

而俊哥就仲係好精神咁企左喺度。

 「...唔好意思呀...俊哥,要你等咁耐。」
我離遠見到俊哥已經合實雙手沙哂冧咁講。

 「…哦...唔緊要,女仔出門口係要耐啲架啦。」
俊哥若無其事,嘻嘻...好似平時受過嚴格訓練咁。

 「 ..咁...依家我地去邊先呢?」俊哥問我。

 「…er....首先呢,落左商場間烘焙店睇吓買唔買得齊野先。」我諗一諗之後講。

 之後俊哥就跟住我尾咁一齊行落去商場啦。

雖然依家先朝早十點,但係可能係星期六嘅關係啦,
周圍都好鬼死多人呀,我地好快就行到去烘焙店,
嘩....唔洗錢咩,間舖頭本身已經細架啦,而家啲人逼到出門口咁濟囉。

 「...嘩...擠提咩...。」我講。

我同俊哥而家企左喺門口。

 「…er...真係好多人吓。」俊哥都睇到呆左。

 「…唉...點好呢。」我嘆一嘆氣講。

 「…小欣你食左早餐未呀?」俊哥忽然問我。

 「…吓...未喎。」我答。

 「...不如我地食完早餐先落過離,
睇下到時會唔會小人啲吖。」俊哥講。

 「…咦...都好喎,講起都有小小肚餓添。」我摸一摸自己個肚講。

 之後俊哥就帶左我去一間茶記度食早餐啦。

 「…唔該...沙牛麵,凍檸茶小甜。」一坐低我就急不及待咁叫野食啦。

 「...er...腿蛋治,熱檸蜜吖...唔該。」之後就到俊哥叫。

 過左一陣之後,野食已經到齊啦。

正呀...好耐冇食過沙牛麵啦。

 「…小欣牙...咁凍你仲飲凍野嘅?」食緊果陣俊哥問我。

 「...吓...er...慣左囉。」我答。

 「...哦...但係女仔呢...飲得多凍野唔好架。」俊哥用心良苦咁講。

 「…哦...乜係架咩?」我一路飲住杯檸茶一路講。

 「…係呀...,我以前做藥房果陣,啲師父講我聽架。」原來俊哥以前做過藥房架咩?

 「…有啲咩唔好呀?」我繼續戇居居咁問。

 「...吓....對...果度唔好囉。」俊哥口窒窒好尷尬咁講。

 「...吓...唔明喎,果度即係邊度呀?」見到俊哥咁嘅樣,我更加好奇咁問。

 「...er....子...子宮呀。」俊哥面都紅埋,口窒窒細細聲咁講。

 「...吓...哦...原來係咁。」我亦都好尷尬咁答,唉...依啲女人野我識條鐵咩...。

 「...係呢...俊哥牙,泳...泳琳佢依排...點呀?」我問俊哥。

 「...原來你地真係鬧左交牙?」俊哥恍然大悟咁嘅樣講。

 「...er......。」我dead air左。

 「…早幾日呢,佢有一晚返到離之後,就企左喺房入面嘅窗邊不停咁喊,
我問佢咩事佢又話冇事喎,果晚之後呢...就冇再喊啦,但係就好似心事重重咁囉。」俊哥憶述。

 「...係咁牙...。」唉...對唔住呀...泳琳。

 傾吓傾吓就食完個早餐啦,我同俊哥行返落去烘焙舖,
咦....雖然都仲係好多人,但係起馬唔洗排到出門口先囉。


於是我就叫俊哥喺門口等我,之後我就自己行左入去尋寶啦。