【重力甜】[科幻穿越甜]《我阿妹係咸濕cafe女僕II 之 阿妹死左》: 第13回 - 小琪之死

「詩韻？」小彗正在查找電腦資料。所謂電腦，其實是機械人投射出來的投影。「哦，詩韻，係你既正室妻子，佢冷藏中，係冷藏銀行度。」

「咩冷藏銀行。」

小彗好像有點沒耐性：「呢樣野你個年代都有架喎..咪將自己冷藏囉！人體冷凍技術呀！」


人體冷凍技術（Cryonics），在2016年是一項天價的有錢人玩意。這一種醫學技術，是把人體或動物在極低溫（一般在攝氏零下196度以下 / 華氏零下320以下）的情況下深低溫保存，並希望可以在未來通過先進的醫療科技使他們解凍後復活及治療。

當年最大型的人體冷藏公司為美國的阿爾科生命延續基金（Alcor Life Extension Foundation）和人體冷凍機構（Cryonics Institute）。



小彗繼續說：「而小琪..林子琪呢...咦？」

「咦咩？」我問道。

「死於命案。」小彗沉重地說。「對唔住。我應該查定先。」

「咩命案？」我極度驚恐。

「家庭淪常慘案。兇手係...林子雪。」小彗說。「我發誓，爸爸媽媽任來都無講過比我知。」



「Oh my God...點解雪雪要殺左小琪呀？？雪雪而家係邊呀？」我問道。

「小雪姑婆已經過左身啦。」小彗說。

「噢..」我其實早應該預計到，很多我熟悉的人已經離世了。不過，我仍然有點不能接受。沒有親人的世界，我生存來做什麼呢？有什麼意義呢？

「不如我打電話比爸爸媽媽啦..」小彗說。

「唔洗！」我阻止了小彗。「唔好喇，我同佢地都唔熟。唔好麻煩佢地喇。」



「咁..不如我地傾下計啦？爺爺你點解穿越黎到2066年既？」小彗問。「你唔係係2016年死左架咩？」