啊...你會駕車嗎?不如由你來駕駛。」坐係司機位既女人用日式英文同我講。「其實我不會駕駛..」 

呢個女人雖然唔係話靚,不過叫做順眼果種日本女人。講野非常溫柔同有禮貌。 

我o走左嘴。明明你渣架車過黎你話你唔識渣車?  

不過anyway,著草要緊!我即刻坐上駕駛座! 

「唔...」我感受緊呢架車既「氣」。 



呢架係Toyota既prius,係第一款用汽油同電力混合動力車款,早係1997年就係日本本土出產。2000開始先出口去其它國家,所以係中學雞時期我已經有留意呢款車。 

到今時今日係香港,仍然非常受歡迎,好多賀駛學院、學車師父或者公司都用到呢款車。因為呢款車最大賣點係...慳油!!以我係香港用油計算,同級歐洲車每公里用油$2,Prius妹妹只需要用到$0.7   !!!絕對係代步好幫手!!但缺點係...1700cc 同埋係而家超載情況下,Prius妹妹既表現麻麻地。 

「Jen..Jennifer。 」我念出一句。 

「咩話? 」坐係副駕駛座既師姐話。 

「呢架車叫Jennifer。」 



「你又知?」 

「因為佢同我講。」我有個懷習慣,就係同車傾計。呢個唔係妄想症,而係每架車都有自己既脾氣同特性,你同佢傾多d計,佢鐘意你多d自然會順暢D。起碼我係咁相信。 

「好,出發啦Jennifer妹妹! 」我鬆開腳制,踩油,跟住田中架benz。 

「係咁...你是誰?」我問個渣車來既女人。 

後座明顯座4個人係好迫。女人話:「我是田中先生的...」 



「哦~」我回應。田中先生既老婆,睇個年紀都似。不過唔係話係外地架咩?唔通係..2奶?哎也Hi Hi喇,知道左d唔應該知道既野添  

田中說你這邊有危險,就叫我駕著車子來了,真緊張呢...」 

要一個無車牌既女人渣車,要比幾大覺悟?  就算撞唔到人,都難保會撞花架車。講起上黎,白色Jennifer妹妹既車頭的確有少少血跡。不過都係既...而家呢個時勢,馬路上都無規則可言了。諗到呢度,我不禁嘆氣。 

「鈴...........!」電話響起,係田中太太既電話,打黎既係田中先生。 

Chris!你在嗎?』田中太太開左speaker。 

「Yes sure, i am driving!」我話。 

我駕車回去途中看見太多怪物了,我知道你們將會有危險,就叫內子也駕駛車子來載你們,沒想到...』 

「你已經盡力了。」師姐話。「謝謝。」 



『...』田中沉默左一陣。『跟著我,我們現在去晴空塔,那邊還有人類。』