圍住企鵝池的確有唔少人,但絕對唔叫得做多,我諗只有十幾個,大部分仲係呢度既工作人員。一個皮膚黑黑地既男人見到我呢個外人,就知道我係水族館外面黎。佢問我:「館外面的情況怎樣?」 

十幾個人即刻聚集埋黎。當然對話要由Angel翻譯。 

「外面情況..絕對唔好,我見唔到任何救援活動。」我話。「不過在呢度附近相對少喪屍,叫做比較幸運。」 

呢一班日本人,聽到由Angel轉述既情況之後,當然又係好失望既表情。 

黑黑地呢個應該係呢度既領導,佢話我知,佢地大部分人都係呢度既職員,因為有電力供應,職員仍然維持日常工作,包括餵動物,打掃等等。而且食物本身有點貯備,就算無哂都可以食動物食糧,而最差情況..當然係要殺哂呢度既水生物黎食。 



「食物問題真係最麻煩...」我望住係水度遊黎遊去既企鵝,開始覺得做隻動物仲好。 

後來我同一開始接送應我地既日本仔去左接埋詩音、虧佬同田中佢地過黎,而家水族館一下子變成二十七人既群體!!  

呢度既人本身好有自己既社會功能,或者叫做社會本位。佢地會做日常工作,例如照顧動物、餵食、潛水清楚魚缸,幫水生動種檢查、醫病、點數等等。有幾個女仔會煮野食,有部分會幫手羅D衫去洗咁。呢度可以話係烏托邦。 

突然進入左呢個小社區既我地,當然亦都要有自己既工作。 

田中識得幫手做一D電子既維修、檢查工作。女人全部去洗衫煮飯,虧佬唔洗講,佢係唯一一個醫生(我指人類醫生,獸醫呢度都有兩個,海洋生物學博士都有個係度  )。就係咁樣我地安全咁過左一晚。 



我?我唔知點解會加入左生存戰略小隊   。但第朝,發生左一件小插曲。 

我要女!!」日文講出黎既說話,原來出自一個小朋友口中。呢個小朋友就係結城!!同我地同行,無乜點出聲果個細路。 

這裡好多女生不是嗎?既然政府都死了,我未成年也可以要女生吧?」結城話。 

突然間呢度既氣氛進入緊張狀況。 

你要女生來做什麼呢?」Angel走埋去好溫柔地問。 



做.....」結城口窒窒。「做..h的事情!!」 

日本人會用h當做扑野既代號。而家點用h,睇得甜故既你我相信都唔洗我多講啦。