簡介



拎起手機果刻,我無諗過會見返Miss嘅頭像⋯⋯有用開whatsapp嘅朋友,相信都知道給果對方封鎖左你,你係會睇唔到對方嘅頭像,從2012年開始直到而家足足有四年嘅時間,阿進每日都去whatsapp睇下同miss嘅對話,miss最後sent比阿進嘅信息,係四年前嘅2月14日下午3點,miss講咗句「我地都係唔好再見」,阿進好後悔當日點解要同miss表白,當阿進知道miss封鎖左佢之後,有一段時期不停咁傷害自己,界手、用火燒自己隻手,有一次仲想用菜刀殺死自己,不過果次好彩比個好親密嘅女性朋友制止,個女性朋友同阿進講「點解你要咁做,為左個唔鐘意你嘅miss值得咩?你身邊一直有一個好鐘意你嘅人係度等緊你嫁,點解你唔試下同佢發展下?唔通個miss可以令到你連命都唔要?你仲有屋企人嫁,如果你死左,佢地會好傷心嫁,你知唔知道喔?」阿進聽完呢番說話之後,只係對女性朋友講左句「我真係好愛miss喔」⋯⋯電話傳黎叮一聲,手機上出現一則信息,信息內容係「今晚8點,尖沙咀碼頭等,10分鐘後唔見人,我地以後都唔好見」,呢段信息係miss發比阿進,阿進見到miss嘅信息之後就非常興奮,可以再一次見到miss,係阿進發夢都無諗到,阿進好好咁整理自己一番,用最好嘅一面去見miss⋯⋯好快就黎到7點59分,阿進已經係碼頭等左差唔多一個鐘,因為阿進唔想錯過同miss見面,所以7點鐘已經到達⋯⋯尖沙咀鐘樓嘅鐘聲響起,阿進拎出手機,時間係8點鐘,阿進將電話放好之後,係遠處見到一個穿著白色連身長裙嘅女性正向住阿進嘅方向行近,阿進一眼就認出,佢就係miss,好快miss已經行到阿進面前,阿進好緊張,緊張到個腦一片空白,唔知第一句應該同miss講咩好,miss見到阿進嘅緊張表情,就講左句「我地去文化中心嘅星巴克」,一路上,阿進望實miss嘅背面,好快佢地就到左,一坐低,miss就開聲問「你要唔要飲杯野?」,阿進就同miss講「要杯熱茶」,係miss出去買飲品嘅時候,阿進係度諗miss點解會約自己出黎,唔通miss諗通左?過左一陣,miss就拎住兩杯飲品返黎,一坐低之後就同阿進講「知唔知我點解約你出黎?」,阿進就答「係咪想傾關於我同你表白嘅事?」,miss雙眼即時放大「你點知嫁」,阿進就一五一十咁將呢四年所發生嘅事講比miss知,miss聽完之後就對阿進講「其實呢四年裡面,我每一日都係度諗係咪因為同你太過親近你先會同我表白,但係我聽到你頭先講你呢四年所發生嘅事就知道唔關我同你親唔親近嘅事,而係你真真正正咁愛上左我,呢兩日我不停咁問自己應唔應該比個機會大家試一試,我會諗如果同你係埋一齊,我地會唔會因為年紀嘅問題而會有好多問題出現,我好驚如果同你係埋一齊,你有一日會唔要我⋯⋯」,阿進呢個時候想開口同miss講,但比miss制止,miss繼續講「但係我又係度諗,如果唔比大家一個機會,我覺得你唔會死心,所以⋯⋯」,miss正想再講嘅時候,阿進就開口講「所以你想比個機會我?」,miss繼續講「我唔想你咁快就咁開心住,我係有條件,我會比三個月時間,係呢三個月裡面,你要證明比我睇,你係真心真意愛我,我唔會要求你而家比我見到有將來,因為我知道呢一刻嘅你一定做唔到,另外我要話你知,係呢三個月裡面,你只係能夠拖我隻手,到你真係證明到之後,我地先再進一步,你可以考慮一下,唔需要而家即刻答我,我想你認真咁諗⋯⋯」,阿進開口對miss講「我唔需要考慮,我而家就答你,我願意接受你嘅條件,我唔想再等啦,我地已經錯失左好多時間,我想追返我地失去左嘅時間⋯⋯」,miss聽到之後,雙眼流下淚水「我聽到你話想追返時間,我好感動,係我決定要約你出黎講呢件事比你知果時,我好驚你會變心,你會唔接受我嘅提議,但而家聽到你咁講,我真係好開心」,阿進拎起張紙巾交比miss「咁我而家開始係咪可以叫你做女朋友?」,miss聽到之後,伸手捉住阿進嘅手,然後拖實「你而家開始就叫我做淇淇⋯⋯」好快佢地就離開左咖啡店,行出文化中心,係行出文化中心果刻,佢地已經由師生關係轉變為情侶關係,佢地十指緊扣咁拖實對方,唔想比對方離開自己⋯⋯「淇淇,你知唔知道我一直有一個夢想好想實現」阿進開口對淇淇講
淇淇問「個夢想係咩喔?」
阿進答「個夢想就係想同著長裙嘅你十指緊扣咁一齊行尖沙咀海旁」
淇淇答「我而家咩著住長裙同你十指緊扣咁行尖沙咀海旁啦,你實現到你嘅夢想啦」
阿進望住淇淇,笑住咁回應係呢一刻,雖然大家都唔知道將來會發生咩事,但係大家都用一個快樂嘅心情去面對黎緊將會係佢地身上所發生嘅事⋯⋯《完》