是咁的，我嘅職業係ptbf: 393.幫助人嘅心

隨後我又去見翻阿文，將發生嘅事一一講哂佢知

「接受失去唔係一件易事，但我見到你逐少逐少咁接受緊。你知唔知，自己已經好叻？」

我笑咗出嚟：「一啲都唔叻。心仍然好痛。」

「我唔係講依樣。」

我聽到滿頭問號



「而係你將視線由失去乜野，轉為你仲有乜野，依種角度嘅轉換。我以前，如果唔係有我老公提我，都察覺唔到。」

阿文托住頭向我微笑：「你憑自己嘅力量就察覺得到。叻，係叻在你整咗兩碗餐蛋飯比朋友，叻在你多謝佢地。」

臨走，佢摸一摸我個頭

「你一定會愈嚟愈堅強。心幾時痛，就幾時搵我啦。」

幫助人嘅心，幾時都好似天使一樣咁耀眼



唔理係社工定ptgbf，同職業無關

係奇奇同阿文，救人嘅心令佢地成為天使