是咁的，我嘅職業係ptbf: 395.自責

嗰個女仔帶我上到一棟大廈嘅天台

阿螢正一步步行緊向邊緣

「阿螢！」我叫住佢

佢嚇咗一跳，回頭見到我，大概係無諗到我會出現，一臉錯愕：「點解⋯⋯」

我起步衝刺



「唔好過⋯⋯」佢都未講完，我就跑到佢身前捉實佢

「做⋯⋯咩⋯⋯」

「點解要自殺？」

「你⋯⋯未睇封遺書？」

「未睇，你仲未死我係唔會睇。有咩要講要問就當面講清楚。」



阿螢開始喊：「因為我⋯⋯我害死世伯⋯⋯搞到你好似行屍走肉咁生存⋯⋯因爲我令你傷心⋯⋯我害死人，就應該填翻條命⋯⋯我諗咗好多好多日，諗得好清楚⋯⋯依個係我向你道歉嘅——」

啪！

我一巴車咗埋去：「邊個要你填命！我一早已經同你講過，我原諒咗你！」