是咁的,我嘅職業係ptbf: 結局二完415.你要幸福呀,金仔
我拖實阿螢離開天台
「miki,你唔走?」
miki望住夜空:「我留一陣先走。」
「其實,你由一開始就無諗過由得我死。」
miki抬頭嘅背影,好似背負緊某啲好重嘅野咁
「哈哈,唔好諗得我太好啦,如果唔係阿螢拜託我在先,我就由你死架喇。」
「至今搵你寫遺書嘅人,死咗幾多個?」
佢沈默
隔咗一陣再答:「死哂啦,一個都無淨。」
「你講大話仲叻過我。」我笑一笑
阿螢向miki鞠躬
我同佢一齊開口:「好多謝你!」
我唔知道miki留喺天台做乜,我淨係覺得,佢矮小嘅背影,好悲傷
「唔使客氣。」
miki望住夜空,同嗰一晚一樣,天空掛住星河
「你要幸福呀,金仔。」
結局二完