1.


嗯...發左一場奇怪既夢…

老實講,我進入幻想世界既時候,
唔小心訓著係一件好平常既事…但今次…真係特別離奇…

而且…特別真實…



不過,回想起真係想笑...上世既我係美女?唔好玩啦…
如果係咁,點解我今世要做男仔?仲要做一個毒撚?

根本就錯哂…

「啊呀呀…」我打一個哈欠…

或者係太平常既一個動作,所以呢一刻我唔覺得有任何唔妥…

直到…



「咦?」從椅子上面起身個一刻…我幾乎失去平衡坐返低…

因為,身體唔同部位個感覺都變得好唔同…
而當中最明顯既…係…胸部?

「點…點解我件T-shirt…會…會漲起左?」

而且…



「啊!?點…點解我把聲…咦…會變成咁既?」

仲有…

「頭…頭髮…咦…咦!?點解會…長左咁多既…」

好頭暈…我…我係咪未訓醒…而家其實仲係一場夢?

我試過不停合埋開再張返開,又試過捏自己既臉頰…
但周圍環境都無變過,都如舊係我屋企既大廳…

哈…哈哈…?

終於…我慢慢開始移動起黎,帶住呢副難以控制平衡既身軀,
搖搖晃晃咁行入浴室…望向浴室洗手盤上面既鏡子…



鏡入面既我…

正正就係夢入面見到既,個個如天使一樣既美女…
長頭髮…瓜子臉…大眼晴…櫻桃小嘴…

仲有…

我緩緩向下望…凝視住T-shirt所漲起既部份,

「哈…哈哈…」

我邊笑邊用手輕輕力揉一揉…好柔軟…仲有種異樣既感覺傳上黎…

「嗯…明白哂。」我滿意咁點點頭...



如無意外,亦又好明顯…就係胸部黎…而且...好豐滿...

「啊!!!點…點解我變左做女仔嫁!?!??!?!?!?!?」


就係咁,有關於陳家蔚既故事,由呢到正式開始。 
*
 
無辦法冷靜落黎…

「依個係夢…依個係夢…」

無錯…只係難醒好多,又特別真實既夢…



但係…咁樣上世既我又點解釋?
既然佢係美女…要我幫佢完成心願…咁樣…

將我變成同佢一樣既美女都好正常姐?

「唔會既…痴線。」

而家科幻故仔咩…男變成女依d咁唔科學既野…
無可能會發生,而家一定仲係夢入面…仲係我既幻想世界…

「嗯…咁就解釋到啦?依到只係我另一個幻想世界…係我潛意識渴望既世界…」

嗯…雖然係有少少奇怪,

但靚女喎…有邊個唔想試下做?


由其係毒撚…既然溝唔到女神…就乾脆試下自己做女神…

咁諗法都好正路姐…

「無錯啦…」我就好似得出結論咁彈起身,胸前兩個玉兔上下晃動
「當我…享受夠之後,就一定會回復原狀,無錯。」



「但係…幻想世界…真係會肚餓嫁咩?」我懷疑咁自問…

正路就唔會…但進化都有可能既,係咪?

「如果要醫肚既話…」

因為我係自己一個住既關係,所以煮飯都算幾拿手,
但好多時因為懶既關係,我都會選擇落樓下買野食…

唔...突然有個瘋狂既念頭傳上黎…

出街…
毒撚既天敵…

無錯…既然我而家變左做美女…
就唔應該再怕呢d野…買飯之餘...順便可以感受下個效果…

「無錯…」

我行入去原本係屬於爸爸,而家係空置既房間,搬入面塊大鏡出廳…
因為…岩岩浴室塊鏡,唔可以睇清楚我而家既全身…

「哇…」係鏡面前,我無辦法壓抑住自己既驚訝…

唔單止係臉蛋…連身材,都同岩岩見個個上世既”我”一樣…

凹凸玲瓏既身材,因為著緊孖煙囪所以露出雪白而修長既美腿…
身高…大概只係比之前既我矮少少…我諗…165左右?

唔得…著在太令人著迷…

不過…

「係…係啦…望夠啦…要換衫…嗯。」

但無理由著住一件T-shrit,配條孖煙囪就落街…
就算係幻想世界,咁做都係過左火…

但係...好快就有個問題浮現上黎...

「呃…屋企無bra…」

媽媽過左世之後,爸爸就將媽媽既衫打包放左係老家,
所以依間屋應該唔會搵到岩著既野…

結果,我入房搵返個件經常著既黑色zip up外套粒住上身,
如無意外咁樣就唔會有人注意到我係無罩,然後,換返條短褲,著上拖鞋就出門口。