3.


當班工人搬完個件家私之後,
我注意到金髮mk同我既距離應該只餘下幾米…

就係我認命既時候…我望到佢…

如無意外,佢應該係岩岩係大廈落樓…
係相反既位置等班工人搬完家私之後離開大廈…



「表妹!」我無考慮過而家既情況就即刻大嗌。
 
大嗌完,我就急急腳跑埋去表妹身邊…

「表妹…」

得救啦…只要我身邊有人…咁個金髮mk應該都唔會…

『下?』表妹佢…一見到我個陣有少少愕然…



點解會呢個反應…?

『小姐!終於追到妳啦…』

「嘩!?」我嚇一跳…即刻縮係表妹後面…

明明有人係隔離...點解個金髮mk仲係鍥而不捨嫁?

『下…發生…乜野事?』表妹仲係好疑惑…



「表妹…佢…佢啊…」我緊張咁指住個mk...

『哦…』表妹佢好似已經明白到情況『所以…』
佢望住金髮mk,毫無畏懼『點解你會追住依個女仔?』

女仔?

啊…我醒起啦…醒起點解表妹會咁疑惑…
因為我而家係女仔…所以佢唔認得我…

『我…其實…』個金髮mk抖一抖氣,之後打開手掌

掌心上面,係一堆散紙…



錢?

『錢?』表妹同我一樣咁疑惑…

『其實我地個收銀唔小心將青蟹當左係五十蚊…所以找小左錢…』

『真係?』表妹擰轉頭望一望我…

「下…我…」我拎返起個銀包…入面…「啊…果然係找小左…」

因為懶霸氣咁離開茶餐廳…所以無睇清楚…

『所以…我係專登黎比返錢小姐妳…』

「下…」唔係掛…就因為咁追我幾條街…



而唔係…想拖我入後巷…?

『咁我返去先…原本諗住只係出黎一陣…
而家唔知老闆會點…』講完金髮mk就擰轉身走左去…

「對…對唔住…」我細細聲講,不過佢應該聽唔到…

聽到既係…

『係啦…』表妹佢擰轉身盯住我『妳岩岩叫我咩話?』

「下…我…無啊…無叫妳…」我扮傻…

『唔係…我記得我聽到妳叫我表妹…仲有…妳呢件黑色外套…』



弊…弊家伙…睇黎就快會穿崩…

『無可能…但又…同我送比表哥個件好似…妳…妳…唔通…』表妹佢有少少難以置信

但表妹既話…我諗…就算知道都無問題姐?
反…反正都係幻想世界之嘛…?

『妳…妳係表哥女朋友!?』表妹一面”點會咁嫁”既樣,講出呢個結論…

嗯,表妹始終係表妹。
 
係到簡單介紹下啦...

我表妹叫做王樂宜,雖然話就話係表妹,


但其實佢同我係同一年出世,只係比我細少少…

表妹佢讀書成績好好,亦都好乖,親戚之間對佢既評價都非常高…
但點講呢,係某d情況下,佢個性格同思考模式都會變得好奇怪…

而家就係情況之一…

『妳係唔係表哥女朋友!?』表妹用難以置信既語氣問

「我…我唔知妳講既表哥係邊個…」

『表哥…陳嘉為…啊…』

「唔係…」我搖搖頭「我唔識呢個人…」

嗯,既然佢聯想到依點…而唔係識穿我就係陳嘉為,
我一於扮落去…以免節外生枝啦…

『嗯…表哥佢…點會…有女朋友喎…個個大木頭唔會有女朋友既…』

「嗯…無錯無錯…」我點點頭…

咦?大木頭?表妹…咁睇我都有既!?

『又內向…又懶…又細膽…又無自信…又鍾意收埋自己係屋企…
成日對住部電腦既表哥…一定唔會有女朋友既…仲要咁靚…嗯…無錯。』表妹滿意咁點點頭

而且毫無做作,就好似講更事實咁!

「夠啦喎!」我終於忍唔住反擊

『點解妳會咁激動?』表妹問…

「啊…」

『但諗真…』表妹佢眼神開始向下移『呢盒飯…』

「啊!?」我拎起膠袋黎睇...飯盒果然係跑既過程散開左…我d火腩呀…

『係表哥成日食既…仲有…呢條短褲…同鞋…都係表哥既…』表妹繼續分析…

「我…我諗我要返去先啦…」

『仲有…啊!拖鞋都係!』

連我拖鞋係乜款都記得!表妹妳到底點解知咁多野嫁!?
唔得…情況又開始失控…早走早著…

所以我無同表妹講再見就轉身走入大廈…
估唔到金髮mk完之後又發生另一間事…不過我諗表妹點都唔會咁厚面皮跟入黎既…

嗯…

但從結果黎睇,我係完全錯哂…

『禁樓層啦…點解仲唔禁?』係lift到,表妹凝視住我問

認輸啦。