4.


帶表妹入屋之後 (點解妳會有表哥屋企鎖匙既?),我將事實話比佢知…

『妳話妳…就係表哥?』

「嗯…」

『妳就係陳嘉為?』表妹佢好驚訝…再問多次



「嗯…」

『表哥…變左做女仔…?』

「嗯…」問完未呀?

『我唔信。』表妹得出結論…

「點解唔信喎!」



『表哥佢…無可能變做女仔既…一定無可能…』
表妹佢望住第二個方向…感覺就似係到自言自語…

「表妹…」我嘆一嘆氣「記唔記得我地細個既時候成日都襯落雨出去探險…
有次妳爸爸發現左好嬲之後仲打妳…如果我唔在場妳一定會好慘...」

『點…點解妳會知…』表妹終於望住我,表情有少少驚慌

「因為我就係妳表哥…仲有…因為個陣我地身型好似…


所以妳成日都會搶我件叮噹TSHIRT去著…最後我乾脆送埋比妳…」

『連..連依件事都…』

「仲有仲有…」

『唔好講啦…』表妹佢禁住雙耳『我唔想再聽!』

「表妹…咁即係妳信我係表哥啦?」

『唔信唔信唔信唔信呀…』表妹猛烈搖頭『表哥變左做女仔…咁我…咁我咪…唔可以…』

嗯…估唔到表妹會有咁既反應…果然幻想世界係唔同D…

「表妹…」我將隻手放係表妹左臂上面「好快就會回復原狀嫁啦…」



『唔得呀!表哥唔可以係女仔!更加唔可以係身材咁好既女仔!』表妹怒視我…

「下?」

啊…順帶一提,表妹雖然已經十六歲…但某個部位…嗯…發育唔係咁好,
同而家既我比…只可以用殘念黎形容…

『但…但如果你真係表哥…咁樣…咁既話…』

「咁既話…?」

『要幫你回復原狀…一定要…』表妹堅定咁講…

「下…唔洗咁麻煩啦…反正而家都唔係真實既世界…」我笑言



『咩唔係真實世界!』表妹激動咁講『哦!表哥你唔係以為而家所有野都係假既嘛!』

「乜唔係咩…啊?」

我...突然比表妹攬住…
雖然唔係無試過,但我記得已經係好耐之前既事…

『表哥…你覺得咁樣都係假既…?』

心跳…我而家可以感受到表妹既心跳…

雖然我一直都自己同自己講而家係幻想世界…

『表哥陳嘉為!』



但依種感覺…實在太真實…

『表哥…總之…你唔可以係女人…你一定要係男人…一定要。』

依個時候既我…仲未清楚表妹講依句說話既真正原因…
但我已經清楚到,而家係真實世界,我…真係變左做美女。
 
「咁點算好啊…」

一清楚左而家係現實依一點…我開始有少少驚惶失措…

『表哥…?』

「係咪…就算訓醒都唔會變返原狀?咁…我之後應該點生活…」



女仔…女仔喎…一定有好多野同男仔好唔同…

『唔怕喎…表哥。』表妹好有自信咁講『你有我丫嘛!』

「下…表妹…」

『我一定有辦法幫到你…我係女仔黎嫁嘛!』表妹佢安撫我
『首先呢…向好個方面諗…而家係暑假…影響其實好細…』

「嗯…」順帶一提,今日係七月十一日…暑假岩岩開始左無耐…

『而且舅父佢一直都係內地…即係佢個邊都唔需要應付住…』

「嗯…」爸爸佢…的確短期內都唔會返黎香港…

平時d錢佢都係直接匯入我戶口…
至於電話…大約都係一兩個星期先會傾一次…有時甚至一個月先會打黎一次…

『所以只要係依個暑假幫表哥回復原狀就得啦…』表妹得出結論…

「嗯…但點做?」

『下?』表妹愕然『表哥你唔知道…點解變成女仔嫁咩…?』

「我知…我答應左上世既”我”…幫佢完成心願…所以變成而家咁…」

『乜野心願?』

「依層…」係呢…係乜野心願?

啊…回想起真係好白痴…原來我唔知頭唔知路就答應左人…
而且心願斷估唔係一d想食某樣野…想去某個地方咁簡單既事…

一陣…一陣心願係…奇怪野…或者以我能力根本達成唔到既話...咪死?

而且…退一百步去諗,我根本就無諗過佢會將我變成女仔…

啊啊啊啊啊啊啊…今次真係中伏鳥!

『表哥…』雖然我乜都無講到…但表妹應該留意到我既表情『你真係失敗。』

「我認…」

『唉…』表妹嘆氣『咁樣…先假設心願唔係一兩日就可以完成既話...
首先…我諗要幫你買返d必須品…做女仔既必須品…』

「例如呢…」

『b…bra。』表妹睜住我胸部個位
『我諗表哥你大熱天時都著住件黑色外套…一定係因為無著啦?』

「嗯…」我有少少尷尬咁點點頭

『出發啦。』表妹搖搖頭『帶你出去買!』

「下…真係要專登去買!?」

『係呀!長氣!』

嗚…我唔想用零用錢去買呢d野呀…
 
雖然我係好唔願意…
但表妹都係拖住我隻手,格硬拉我落樓…

「不如…睇定d先啦…或者訓醒就會無事呢?」

『唔得!』

「我…我仲未食飯呀…」岩岩掛住解釋...個火腩飯都未食...

『一陣係出面食埋囉!』表妹睇黎好堅持...
走係前面既佢拎起左部電話…起勢咁禁…應該係send更短訊?

「又或者…不如表妹妳借比我?」我繼續提議...

今次...表妹一聽完就即刻停左係到…
我差d就剎唔切制撞到佢…

然後…

我望到表妹佢…開始成身係到震…

『表…表表表哥…你…你岩岩講咩話…?』

「表妹…不如妳借比我?」個陣既我…完全未清楚原來已經觸碰到個危險既地雷。

『借…借乜話?』表妹佢擰轉身…表情…唔知點解釋…總之…

我開始感到有危險!

「呢層…er…bra?」

『去死啦!』表妹佢…出盡全力踩我隻腳…

「啊…點解喎…」

『表…表哥!你明知道…明知道我係點…你而家又係點…竟然仲可以講呢d說話!』

「下…?」我仲係不解「啊…」但好快又清楚乜事…

以我而家既尺寸…表妹既bra我根本就無可能著到…
啊…啊…啊…竟然醒唔起…

『可惡…』表妹佢dup低頭『嗚…』發出佢一貫危險既低嗚…

比著係之前…佢之後一定會抓我…打我…咬我…

但今次…

『行啦…哼!』竟然乜事都無…轉身繼續行...

除左無再拖住我之外…

「竟然…」

『快d跟黎呀!大白痴!』

「係既…係既…」

就係咁,鬆一口氣既我,就跟係表妹後面…出發去買所謂既必須品。