5.


「但表妹…我地應該去邊間買?」
 
『依層…其實我未必諗到個最好既…所以我搵左幫手。』
 
「下?」幫手?
 
就係我疑惑既時候…


有個打扮同髮型都好新潮既女仔行到黎我地面前…
 
背心短裙,間條過膝襪,雖然係新潮,
但又唔會比人over左既感覺,比人感覺非常可愛同活潑,
完全彌補返佢樣貌既不足 (雖然都唔係好差,但比起而家既我同樂宜明顯有距離)
 
『hihi~王樂宜!咁快既!』原來唔單止打扮,連聲音都比到人活潑既感覺…
 
『更係快!妳明明係附近都遲過我地!』
 


『嘻嘻,掛住睇衫嘛!』個女仔無視表妹望住我『哇!佢就係樂宜妳表姐?』
 
『嗯,』表妹點點頭『可以咁講…』
 
『哇…好羨慕…』個女仔眼定定望住我『係啦…我叫做鄭青琪…大家都叫我阿kay嫁!』
 
「妳…妳好。」同表妹以外既女仔講野始終有d唔習慣…
 
『明明個樣咁好…點解會咁打扮既?唔通…想用特別既方式去吸引人?』阿kay好奇咁問
 


「呢…呢層…唔…」
 
『哈!表姐唔洗怕羞喎!』阿kay笑一笑
 
「我…」邊有喎…
 
『喂!』表妹睜住阿kay『唔好叫佢表姐呀!鄭青琪!』
 
『點解唔比喎!王樂宜!妳咪又係咁叫…』
 
『妳又唔係佢表妹…而且妳仲好似…』
 
『總之!』阿kay佢突然勾住我隻手『我決定咁叫嫁啦~』
 
「…哇…!?」


 
『喂!』表妹佢見到呢個情況即刻好驚訝
 
『唔好理王樂宜姐,我地行囉!表姐…嘻嘻。』
 
「下…」突然比一個女仔勾住…個腦一時三刻唔知點反應
 
結果我就係咁比阿kay勾住行…
表妹雖然係好不滿…但最後都無奈地放棄…
 
然後…我地終於去到一間…內衣店。
 
唔知點解…內衣店比我既壓力大過之前去過既所有店鋪…
 
『咦?表姐?』阿kay好似發現左我有少少卻步


 
「真係要入…?」
 
『更…』表妹佢想開口…
 
『更係要!』但阿kay打斷佢講野
『我岩岩已經察覺到啦…表姐妳而家係無著bra既!』再細細聲同我講
 
「咦!?點解妳會…」
 
『嘻嘻…』阿kay好滿意咁笑『仲要好有料tim!所以內衣一定要買!』
 
『係到講更乜呀?』係後面既表妹問
 
『係我同表姐既秘密!總之入黎啦…唔洗怕羞喎!』


 
啊啊啊…明明著住黑色外套都會比人發現…
仲要係女仔…表妹既朋友…之後仲洗見人既?
 
*
 
因為根本唔知道胸部尺寸既關係,
所以我好緊張咁叫個職員入更衣室幫我度 (小姐?妳真係第一次買bra?)

原本諗住唔比阿kay表妹佢地知道結果…
但選擇款色既時候…始終都係穿崩…

『哇…表姐…雖然知道妳好有料,但估唔到竟然有成33c!妳真係係16歲咋?』

「喂…唔…唔好咁大聲…」我dup低頭…感覺面頰開始有少少發熱…



『嗚…』表妹由知道結果顫抖到而家『阿…kay…唔…好…再…講…啦…』

『嘻嘻...有個發育咁好既表姐…表妹竟然會咁差!』

『妳話邊個差呀!』表妹終於爆發…

『啊…抓我?!啊…唔好…好痛…投降…』

我決定無視佢地…繼續睇bra既款式…
如果可以既,當然係又平又好睇又舒服既最好…但係…

我隨手拎起一件紫色有蕾絲邊,感覺幾後生既bra黎睇…

「好貴…」哇…呢個價錢…我既零用錢會一次過清袋…

果然…應該係買個d肉色…阿姨阿媽級專用既會好d…

『表姐…更係唔好要個d啦!咁娘!』但我一拎起,塊面多左抓痕既阿kay即刻同我講

「但係我…」

『你唔夠錢?』表妹佢保持住攻擊既姿勢問

「唔…」我無奈地點點頭

『唉。』表妹嘆一嘆氣,拎起佢個銀包『就買個件紫色bra啦…唔夠既我比先。』

「表妹…」

『唔好用感動既眼神望住我!係要還嫁!』

「係既係既…」

比完錢之後…我就即刻拎件紫色bra入更衣室…
但一入去個陣我就醒起…我根本唔知應該點著…

當我鼓起勇氣打算再次出聲叫職員幫手個陣…發現表妹企左係更衣室門口…

『果然無估錯…表哥你唔知點換。』

「嗯…阿kay呢?」

『佢話要聽一個電話…好似係男仔黎…』表妹若有所思咁講『等我幫你啦…』

「唔該…」就係咁,表妹入埋更衣室…

『除衫啦…』一關埋門,表妹即刻講

「嗯…係既…」

係表妹面前除衫,係男仔既時候雖然成日都有發生…
但而家我係女仔…喎…?

『都係等我幫你啦…費時…』表妹睜一睜我
『比表哥你有機會對自己身體做埋d下流野…仲有…你要合埋眼呀..!』

「咁…咁唔相信我?」

『無錯…』表妹點點頭…然後就開始幫我除件黑色外套

然後…佢叫我舉起手,幫我除埋件tshirt…

『表哥…你…你一定要合實隻眼呀!』表妹佢突然好激動

「哦…」

『你一定唔可以睇呢d野…一定唔可以!』

做乜講到好似有污糟野係我身體到咁嫁?
 
攪完一大輪…表妹終於幫我戴好bra同換返好衫…

「但諗諗下我遲早都要自己換…」

『點…點解表哥你會咁講?』表妹一聽到就好驚訝

「咁我要沖涼嫁嘛…要沖涼就一定要換衫…表妹妳無可能每次都係到…」

『我…』表妹咬牙切齒『嗚…唔得…唔可以咁…表哥…』

「係…?」

『每日…你要沖涼換衫之前先打電話比我…我會黎幫你…』

「下?!表妹妳認真嫁!?」

『認真!超級認真!反正而家係暑假…我同你屋企又唔係隔好遠…
總之…我唔可以比表哥你有機會對自己身體有迷戀…』

「唔係掛…咁去洗手間個d呢…」

『呢d小事…就自己蒙眼解決啦!』

「真係要蒙?」

『無錯…總之…表哥你聽清楚!即使我真係有事唔係到…你都要記得記得!
去洗手間要蒙眼,換衫要蒙眼,沖涼要蒙眼,總之要除衫既話就要蒙眼!』

「好難嫁喎!」

『難都要做!一定要呀!』表妹好激動
『總之…表哥…表哥就唔可以忘記自己係一個男人!』

「表妹…」

『就當我求下你…好無…?』

個段夢...係依一刻又突然係我腦海浮現…
個陣係到叫我…嘗試阻止我應承上世既”我”既人…果然係表妹妳…

「嗯…我應承妳…」

『咁就好…』表妹一聽完即刻微笑