6.


『咁慢嫁…』出返去,見到阿kay有少少唔耐煩咁企係店鋪門口

『妳岩岩都係自己走去傾電話之嘛!』表妹不滿咁講

『係啊…其實我都係想同妳地講聲再見…我要去搵人呀!』

『下!咁就走?』表妹驚訝『我仲想叫妳帶埋我地去其他地方買野…』



「仲要買!?」我驚訝

『更係啦!』表妹一面理所當然咁望住我

『依層…妳地要自己解決啦…嘻嘻…』阿kay笑住講『表姐我地交換電話囉?』

「下…」

『可以保持聯絡嘛!唔係唔當我係朋友嘛?』



「唔係…」所以,我拎起自己部n73,同阿kay交換完電話之後…佢就走左…

『返去囉。』阿kay走左之後表妹即刻講

「唔係仲有野要去買咩…」

『無引啦!表哥暫時有bra應該ok嫁啦…而且…我諗你都肚餓啦?』

「嗯…」



所以,我地隨便係附近茶餐廳食完野之後,就回程返屋企。
 
*
 
『唔好亂郁啦!』

「但…但係痕嘛…」

『坐定定咪唔會痕囉!』

「而且…唔單止痕…仲不時會有好奇怪既感覺…」

『哦!表哥你果然係到諗更奇怪野!』



「無呀…只係身體…好自然咁...會有感覺…」

『咸濕!變態!淫棍!』

「我唔想嫁…」

『咸濕!變態!淫棍!』

「信我啦…啊…又黎…呢個位置…」

『因為係胸呀!大胸魔人!乳牛!』

呢段就係表妹第一次幫我沖涼既部份經過…

「唉…好累…」



係之後,因為表妹都濕左身既關係 (最衰都係你囉!),
所以佢自己都沖埋涼先出黎…

『點會夠我累!』

「所以不如下次就由我自己黎?」

『唔得!』

有時真係服左表妹既堅持…

『好啦…時間都唔早…我再唔返去會比媽媽罵嫁啦…』表妹望完個鐘之後講

「嗯…我送妳?」



『唔洗…』表妹搖搖頭

「但妳一個女仔…會唔會危險…」

『表哥你要記住…雖然我唔想承認,但你而家都係女仔…』
表妹無奈咁講『所以你都要識保護自己...』

「嗯…」雖然表妹一直都有少少刁蠻(只係對我個陣係咁),但佢關心我呢點係無變過...

所以唔知點解,我又開始注意返表妹既一舉一動…
雖然表妹係好可愛…但我從來都唔知道係咁可愛…

『咁我走啦…聽日會好早黎搵你…記住…唔好對自己身體做奇怪野呀!』



「嗯…」

短髮既佢…大眼睛…如果唔係某個位置咁殘念…真係近乎完美…

『做乜…眼定定望實我…?』表妹佢疑惑咁問…

「表妹…我…無野啦…」

不過…我同佢始終都係表兄妹既關係,亦應該…唔會有任何進展既可能…
嗯...唔知由幾時開始…我已經無左呢個想法…

之前無左…之後亦都唔會有,嗯,無錯。
 
*