17.


王樂宜視角 特別篇
 
大家好,我係王樂宜,十六歲既可愛少女,
而家既我,陷入左一個好嚴重既感情危機。
 
我有個從細玩到大,好溫柔好識照顧人既表哥…
雖然講出黎有d唔好意,但我…我係有小小在意佢啦。


 
原本我係可以好自然咁面對表哥,
但唔知幾時開始,每次見到表哥都會浮現一種奇妙既感覺…
我開始明白到,原本好似親兄妹咁既感情,已經變得不一樣。
 
但表哥…呃,由升左中學之後就變好奇怪,
唔再係健談,成日笑既男仔,開始變得陰沉,自我…
 
所以,我一直都暗中努力,希望可以將表哥變返以前咁…
變返以前溫柔,開心既佢…


但每次行動都好似無乜成果,令到我都開始感到心灰意冷…
 
唔通,我同表哥既關係…無可能再進一步…?
 
直到有一日,一切都變得唔同…
 
個一日我如常去搵表哥,點知表哥竟然唔係屋企,
當我打算離開落到樓下既時候,遇到一個疑似被人衰人追趕,非常驚慌既女仔…
 
個陣既我…因為見到個個女仔著住我送比表哥既黑色外套,


仲一度以為佢係表哥既女朋友…
 
但點知…原來佢就係表哥本人…
我初時都唔信,直到佢講左好多只有我同表哥先知既秘密…
 
「唔得呀!表哥唔可以係女仔!更加唔可以係身材咁好既女仔!」我好激動咁大喊
 
唔得…表哥你變左女人既話…我…我…
 
無奈呢個係事實,我唯有盡可能,去搵方法幫表哥回復原狀…
但表哥對知道佢秘密既我,並無將所有野都講比我知…
 
『唔得…上世既”我”話今次一定要一個人研究…所以…唔洗麻煩表妹妳啦…』

「咁麻煩嫁!果然係上世既表哥…咁無辦法啦…」



『嗯…咁…咁之後覆妳啦!拜…拜拜!』


講大話!表哥一定有D野…
點解唔話比我知?點解唔話比我知?
唔通係表哥心入目,我只係一個永遠都係比人照顧既小妹妹…
 
個日我成日都係房入面,喊。
飯無食,野無做,連好姐妹紫晴要我幫手我都推左…
 
只係係到喊。
 
夜晚,我收到表哥電話。
佢不斷同我講對唔住,然後答應我,聽朝會將所有野話比我知。


 
收線之後,我覺得自己心跳得好快,臉又好熱…
好窩心好溫暖…
 
我好期待聽日既來臨。
 
第二朝我早左半個鐘就係麥當勞,
表哥到左之後,將所有琴日兼職既事話比我知…
 
出租女友!?我記得阿kay有同我提過佢有興趣,仲問我試唔試…
我當然推左,覺得做呢d野好難唔會無下文,
我只係想…想將自己交托比一個人,所以好堅持咁推左佢,
我以為我唔試阿kay都應該唔會試,估唔到佢真係有做呢d野…
 
仲要拖埋表哥落水!根本就係BL!


但表哥而家係女仔…
 
咁咪仲危險!?
 
果然,表哥話比我知佢琴晚差D就比人強…強強暴…
然後仲要同阿KAY同床訓左一晚。
 
可惡…呢樣野我都未試過啊!
 
「冷靜…我而家係女仔…乜野都無發生啊!」表哥連忙解釋
 
衰人…衰人…
 
好似知道我好嬲,表哥即刻轉移話題,講佢點解會變左女人…
雖然我聽完都仲係好嬲,但眼前既野始終比過去重要…


 
去到表哥屋企,佢訓教而我就扮睇漫畫…
其實邊睇得落…我腦入面一直都係表哥同我講既野…
 
行入表哥房,見到佢訓得好舒服,
坐係床邊,我握住表哥隻左手…
原本好溫暖,而家好纖細既小手…
 
我思考左好耐,要表哥變返男仔,一定唔可以比佢撞到個真命天子,
唯一方法就係將佢困係屋企,困足成個暑假...
但呢個係無可能既事,萬一暑假完左佢都未變返男仔,咁返學點算?
 
諗諗下,點解要浪費表哥而家既身份呢?
以而家表哥呢個非常容易接觸人既身份,一定會好順利變返當初溫柔快樂既佢…
 
嗯。
 
帶佢識多d女仔,順便可以令佢重新明白到男人既好處,
然後....佢就會明白我係幾好…
 
完美。
 
至少個時我係咁諗。