25.


班毒撚當然就無插哂柱起哂網打排球咁高級,
我地只係五條友 (毒撚俊止鼻血所以無打) 圍左個圓圈,互相轉下波咁。
 
我原本意為玩沙灘排球根本就係好小既事
但變左做女仔之後,發現根本就係另外一回事
無論用力要求同擊球觸覺都同男仔個陣好唔同。
 


而且,令到我非常尷尬既係,
每當我擊球個陣,雙乳都會好劇烈咁隨雙手動作上下抽動,
所以班男仔根本就無望住個沙灘波,而只係望住我兩個波。
 
而且我懷疑班人係有心玩野,每次都將排球打去我較左較右或者較後既位置
攪到我要追波,而當然,追波呢d行動就更係令到雙乳搖得更利害。
 
所以好快我都醒水,決定有得個波飛走,由班男仔扮紳士走去拾。
所以過左陣佢地都係決定正正經經打岩位置等我去打。
 


當我諗住望下毒撚俊止完血未,發現佢竟然拎住部相機係到影
 

 
我屌。
 
「唔玩啦…我好攰,拜拜…」然後就拋低班男仔,打算行返去自己個位到
 
「下玩多陣啦…」
 


「唔好啦…我有d唔舒服…」我真係好想開口爆粗罵佢地,但諗諗下其實係自己on9所以攪成咁
 
我發現班男仔返埋去之後並無好失落,而係笑笑口望住毒撚俊手上面個相機。
 
唉,又中伏,估唔到我變左女仔之後,咁快比人玩左兩次…
諗起今晚呢d相會變成呢班男仔既素材,仲唔知會唔會放上網分享比人,
我就覺得自己好失敗…
 
然後我就撞到呆左望住我既表妹,隔離係阿kay,
從表妹地下個罐瀉左既可樂去諗,我估佢地發現左我岩岩同班男仔打波既事
 
「表姐妳…唔同我地玩走去同班仔玩…嗚…」阿kay好傷心咁講
 
「嘉為…你跟我黎…去買返杯野飲…」然後就拉住我隻手「阿kay妳留係到。」
 


呢個係命令,平靜得可怕既命令。
 
「明白…」阿kay比表妹既氣勢嚇親…
 
然後表妹就帶左我去士多隔離一個無乜人既地方…
 
 
 
我見個天已經黃黃地,原來已經就黎黃昏…
 
「點解表哥你會同班男仔玩埋一齊?」表妹質問
 
「我…我…」
 
因為可憐毒撚俊所以中伏呢件咁樣衰既事


我實在講唔出口。
 
「講左只係想帶你見女仔識女仔,你而家咁樣…真係好奇怪囉!」
 
「我…我無事喎!」
 
「無事!表哥你知唔知道我岩岩見你同班男仔玩埋一齊,我心入面好驚啊!」表妹已經眼濕濕
 
「驚…只係玩下之嘛!」
 
「你自己唔覺咋!你已經越踩越深…再咁落去…再咁落去…你就會一世都係女仔嫁啦!」
 
「咁…咁或者都無壞啊!」我好唔奮氣咁講
 
一世女仔…


我又諗起kevin, 諗起岩岩班毒撚,做男仔有乜好?只係識昆人…
而且我做返男仔,做返毒撚,只會連昆人都無我份,失敗一世…
 
做女仔只要聰明d,一定可以做乜都好順利…做乜都好成功…
 
「你睇你!你前日仲同我講你想做返男仔…你已經…你已經…嗚…」表妹終於喊左出黎
 
「你唔好喊啦…我…」
 
「我唔想咁落去啊!」表妹終於爆發「所以…嗚…我先用盡全力幫你…但你都無珍惜過!」
 
「表妹…」我望一望係我面前喊得好犀利既表妹「就算我一世都係女仔…
我都會係妳既好表姐…會好好照顧妳…我絕對唔會離開妳!」
 
「嗚…唔得…你唔可以係我表姐…嗚…表哥…你一定要係男人…」


 
點解…
 
「點解…」
 
我記得我第一日變女仔個陣,表妹都講過類似既野…
但表妹無答我點解...
 
「唔好再討論呢d野啦…表妹我地返去啦…」
 
我正打算另轉身,隻手就比表妹緊緊捉住…
表妹隻手好暖,而且我感到佢今次好堅決…
 
「因為…」表妹停一停口
 
 
 
 
 
「我鍾意你。」
 
 
表妹講完之後,就鬆開捉緊我既手,
拋低企係到愣住既我,跑返去沙灘。
 
係之後回程途中表妹都無同任何人講過野,
雖然阿kay係表妹走左之後都有問我乜野事,同埋不如兩個一齊食飯
但我真係無心情,所以就推左阿kay,
最後我地就散左各自返屋企。