28.


『點解你變左做女仔?』
 
點解…?冰瑤會發現左…
 
「妳講更乜…我聽唔明喎…哈…」我詐傻,keep住壓低聲線
 
『今日黎學校還戰棋個個…係你黎。』


 
「吓?點解妳會咁諗架…我叫左家姐幫我還喎,妳係咪認錯人?」
 
『唔會,而且我曾幾何時聽人講過你係獨生子,所以唔會有家姐。』
 
咁妳都知?早知係咁我就扮係我表姐或者堂姐或者女朋友…真係失策!
 
『仲有妳家姐知道我要補習,就假設係你話比佢聽啦,但有樣野改唔到,就係講野…講大話既神情。』
 
文冰瑤…妳可以去做偵探啦…


 
「我…我地兩姐弟…似都唔出奇…」
 
『其實我鍾意你。』冰瑤突然既告白
 
「咩話!?」我即刻大叫,係好清脆既女聲
 
啊,嚇到唔記得壓低聲線…
 
『咁呢把女聲你又點解釋呢?陳嘉為…陳家蔚。』


 
我投降。
 
「我…」
 
『點解無見三個星期你就變左做女仔…?』
 
「…一言難盡。」
 
『我會好樂意搵個時間約你出黎慢慢傾。』
 
「點解…班長妳對我咁有興趣?」唔通你真係…對我…
 
『因為我好憎你。』
 


What the fuck?
 
『啊…正確d講,係好憎你望住我既眼神。』
 
咁都好d…
 
『雖然咁講有d唔好意思,但班入面大部份男仔…
都係用一種渴望得到我既眼神望住我,唯獨是…你有d唔同。』
 
無錯…因為我已經得到妳…係想像世界入面。
 
『呢個眼神令到我好唔舒服,所以有一排…我曾經有細心去留意你既行為舉止。』
 
「結果…」
 


『結果發現你其實都係一個普通到唔可以再普通既人。』
 
多謝哂。
 
『但今日唔同…我發現你竟然變左做女仔…
點解你會無啦啦走去變性,我真係好好奇,好想知道…』
 
「我無變性!我無啊…」
 
『後日…出黎食飯再傾,再約你…拜拜。』
 
睇黎呢餐飯走唔甩…
 
表妹沖完涼出黎,見到我個樣,一面不解咁望住我…
 


「表妹…有人知道左我個秘密…」
 
 
『表哥你真係好失敗。』表妹搖搖頭
 
我解釋完今日所發生既事之後 (包括同kevin再遇) 表妹得出呢個結論。
 
「我真係估唔到…咁都會露出馬腳…女班長太聰明啦…」
 
『嗯…呢個係事實,竟然咁都估到你變左做女仔…呢個女人唔簡單。』
 
「唔知佢會唔會講出去呢…」我諗起冰瑤仲會返學校補習,見到班同學
「如果比班既人知道左…我真係唔洗指意再返去啦…」
 
『我估唔會…至少後日你同佢食飯之前都唔會…』


 
「希望…」
 
『唔好諗咁多啦!』表妹拎起件毛巾仔『聽日我同你諗個絕世好計,而家去沖涼先…』
 
表妹,唔係想吐槽妳,但妳既計有邊次成功過?
 
沖完涼之後… (表哥…你…你個胸好似又大左…嗚…)
見時間唔早,就上床訓。
 
我張床比起阿kay張床大好多,所以就算同表妹兩個一齊訓都唔會話好迫。
雖然同表妹由細玩到大,好多野都一齊試過,但一齊訓都係第一次…
 
而且發生左士多事件之後,少少尷尬仲係有,
訓落床都差唔多半個鐘,我聽唔到表妹既鼻寒聲,佢應該同我一樣都未訓著。
 
「表妹妳未訓著…?」我細細聲試探性咁問
 
『嗯…我諗更野…』
 
「諗更乜…」
 
『都係表哥你件事…越黎越女性化呢件事…』
 
「我…」
 
…嗯…動畫開始無興趣,唔敢睇av怕會不自覺留意男優,
連岩岩表妹幫我沖涼我都開始覺得無問題…
而家訓教…尷尬都係因為士多事件…
而唔係因為覺得男女同眠唔好意思…同阿kay個次好明顯唔同…
只係幾日姐…就變成咁…
 
女性荷爾蒙…真係一樣好可怕既野…嗚啊…
 
『表哥…』表妹另轉身,望住我『我覺得你需要一d野平衡下…』
 
「平衡…下?」
 
『男性心理…』雖然熄左登好暗,但我覺得表妹好似有d面紅
 
「但可以點做…我發覺而家做任何野…都用唔返男性角度…」
 
『如果係個d事呢…』
 
「個d…事?」
 
『你真係唔明定扮唔明啊,白痴表哥!』
 
「唔通…表妹妳係指…」我吞一吞口水「男同女…」
 
『如果…』表妹將身體靠前少少,我見到佢塊面真係好紅『你應承我係用男性既感覺去做既話…
 
 
 
…可以哦。』