30.


「我…我無喎…」
 
『妳個胸…係真既…個手感絕對唔係乜野水袋可以取代。』
 
咁妳都有研究?仲有妳個手肯放開未?
 
「而…而家外國技術好好嫁啦...啊嗯…!」當我試圖解釋個陣冰瑤又渣多幾下。


 
『咁呢種反應呢?技術好到神經線都接拔埋?』冰瑤處處進迫
 
「下…我…」
 
表妹救命啊,
我覺得自己就好似比x光照住,乜都比人睇穿哂
 
『嗯…我估妳真係有難言之忍…唔想講就算啦。』終於,冰瑤退一步,仲放開渣住我個胸隻手。
 


其實諗諗下,同冰瑤講真話其實都無問題姐?
最大問題反而係佢會唔會信…
 
「其實…我無走去變性。」我決定講真話「我一覺起身就變成咁。」
 
冰瑤好驚訝咁望一望我,然後…
 
『點解會變成咁…?』
 
「嗯…前世既”我”希望今世既我幫佢完成一個願望…」


 
『同一個男仔完成返一段戀愛?』我未講完冰瑤就搶先講
 
「係…妳點知既?」
 
『我…』冰瑤有小小面紅『曾經玩過一隻遊戲,係有類似既劇情。』
 
至於係乜野遊戲,我就無追問落去。
 
『咁…妳搵到個個人未?』
 
「我…搵到…」諗起子朗同紫晴「但唔清楚係邊個…」
 
『即係同時有兩個人選!?』冰瑤好激動『咁真係唔易玩…』
 


點解妳會覺得係玩?妳覺得呢個係一個遊戲!?
 
「所以…幾日後既宿營,就係決定所有野既時候…」
 
『嗯…我會支持妳,加油。』
 
「多謝…」感覺好似鬆一口氣,我飲一飲啖咖啡
 
『咁…』冰瑤望一望我後面,之後又望一望我『隔幾張台個女仔係妳邊個?女朋友?』
 
「噗!」今次到我噴咖啡「唔係…」我面紅「佢只係…我表妹…」
 
『不如叫埋佢過黎一齊傾啦…』冰瑤一面「你昆我唔到嫁啦」既表情
 
然後我就死死地氣,行過去搵表妹,


表妹一面難以置信咁望住我,之後就拎張椅坐埋黎。
 
「妳好…我係王樂宜。」表妹有d尷尬咁講
 
『妳好,我係文冰瑤,妳可以叫我小瑤嫁。』冰瑤笑笑口
 
「嗯…」
 
『咁我就直話直說啦…妳地後日星期五既宿營…可唔可以遇埋我?』
 
 
「下」「唔得!」
 
我同表妹幾乎係同時講。
 


表妹啤一啤我,然後繼續講「我地宿營d野都定好哂啦…好難再加人…」
 
『哦,錢呢d我會夾返,另外買野個d都係到時買嫁啦?』
 
「而且你用乜身份黎?」表妹再反擊
 
『哦…簡單啦,我當係嘉為既妹妹咪得囉,可?家蔚姐姐。』
 
呢個”姐姐”真係聽到我打冷震。
 
但諗深一層,有個咁聰明既人幫我,仲要玩過類似劇情既遊戲,
點都比每次計劃都失敗既表妹強得多…?
 
「表妹…或者咁都唔錯…」
 


「嗚…」表妹又發出危險既低嗚。
 
『嗯,我一定會好努力咁幫姐姐。』
 
「夠啦唔好再叫我姐姐。」我終於吐槽,再望一望表妹
「表妹…計劃要緊,妳都想我變返男仔嫁啦…」
 
「係就係…但係…」表妹好明顯魚與熊掌更
 
『咦原來嘉為妳想變返男仔?』冰瑤又好驚訝咁望住我
 
「無錯…我始終都係想做返男仔。」
 
『真係浪費哂…明明妳而家個身份一定殺死唔少仔…』
 
「我唔要咁,雖然女仔有好多野都有著數…但都係男仔好…」
 
『嗯…咁我可唔可以加入呢?樂宜表妹?』
 
「…嗚…為左表哥…好啦…但妳千其唔好亂黎啊!」表妹回應
「仲有…表哥件事妳唔可以話比其他人知…」
 
『我知道…比其他人知道係大忌黎。』冰瑤即刻應承
 
我睇得出。
 
『我一定會守口如瓶。』
 
「既然妳玩過類似既遊戲…咁我想問下班長妳…」我打算開口問
 
『叫我家瑤。』
 
「下家瑤!?妳唔係叫冰瑤咩…」
 
『既然要扮妳妹妹,就要徹底d,我而家叫陳家瑤。』
 
「家瑤…妳覺得我大概要點做先可以回復原狀?」
 
『唔…』冰瑤望一望表妹,之後再望住我『大概係要搵到一段更加重要既愛情,比前世個段更加轟烈既愛情。』
 
「咁…」我聽到呆左
 
咁好難…
 
『我覺得我需要了解你地而家知道既情況,先會諗到更加多野。』冰瑤再講
 
然後我將子朗同紫晴既事話比冰瑤聽,包括佢地係情侶呢件事…
子瑤聽完之後,話比一晚時間佢諗下計,之後我地就散。
 
我同表妹行返屋企途中,電話響起,係冰瑤打黎。
 
「喂…」
 
『喂嘉為,樂宜係妳隔離?』
 
「係啊…」
 
『我覺得…妳表妹有d野瞞住妳。』