43.


『咁…我都唔知點好…』表妹講
 
原本諗住打比冰瑤諗下計,但係電話打極都唔通,
結果唯有打比表妹,表妹唔洗半個鐘就到左我屋企。
 
「如果扮男仔…昆唔昆到佢地…」我覺得講呢句個陣好白痴,我明明係男仔…兩星期前…
 


『你堂兄堂姐上次黎幾時?』
 
「三年前…」
 
『你而家個樣真係同之前有好大分別,我覺得昆唔到佢地…』表妹講『而且…你前面兩舊野想遮都遮唔到啦!』
 
「咁又係…我又唔似表妹妳咁…」咁殘念既胸部
 
『你講咩話!?』表妹股起塊面講
 


「無…無野…」
 
『哼!咁…佢地會留係到幾耐?』
 
「我無問題清楚老豆…根據之前既經驗,大約三日左右掛?」
 
『如果扮係你自己既女朋友呢…唔…話表哥學校攪左宿營所以唔係到…之後用女朋友既身份招待佢地…』
 
「咁我本尊點?夜晚訓邊?」
 


『咪話你同你自己同居左好耐囉!』表妹講
 
聽完表妹講呢句,我笑左出黎。
 
『再唔係…黎我屋企到…訓…囉…』表妹有D怕羞咁講
 
「下…妳屋企人會唔會唔比…」
 
『唔會啦…我媽咪好開通,而且阿KAY成日都走上黎我屋企到訓嫁啦!』
 
諗諗下,呢個真係咁短時間諗到既唯一方法…
我覺得如果比著係冰瑤,一定會諗到更加好既計劃,但可惜佢電話唔通…
 
「就咁話,我就係電話扮返自己把聲,話我女朋友得閒,帶佢地玩…」
 


『嗯,扮聲到表哥你就真係要練下,就咁壓低聲線根本唔似。』表妹講
 
結果,由表妹做我既導師,成晚就係到練習扮自己既男仔聲,
 
表妹驚我自己扮唔黎,所以想係我屋企過夜,聽朝一齊見堂兄堂姐佢地,
但我諗諗下,屋企主人既女朋友同屋企主人既表妹一齊訓真係一件好奇怪既事,
所以我都係叫表妹返去先,我自己面對。
 
我送完左表妹返去 (因為已經零晨),返到屋企樓下岩岩有LIFT。
 
「等埋…」
 
LIFT入面既人聽到,即刻打開返道門。
 
「唔該哂…」


 
LIFT入面,係兩個人,同兩箱大行李。
 
『唔洗。』一個打扮非賒成熟既女人微笑同我講 – 我堂姐
 
又話聽朝到?老豆你玩鳩我!
 
 
『係喎,阿哥你記唔記得嘉為係住邊層?』堂姐問
 
『呃…』堂兄好苦惱咁諗
 
我無理到佢地,自己點左廿四樓…到底應該點做好呢?
 
『啊我記得係廿四,e,妹妹,妳又係喎?』堂姐問…


 
「啊…係啊…咁岩既…哈哈…」
 
既然一陣都知道係同一層同一室…不如早d…
 
「咦你地唔通…就係嘉為既堂兄堂姐?」我扮到好驚訝(應該over左)咁講
 
『嗯…係啊…妹妹妳識嘉為…?』
 
「我…我係…我係佢女朋友。」我係我自己既女朋友…
 
『哦?估唔到小嘉為真係人細鬼大!有個咁靚既女朋友…而家咁夜…唔通…』堂姐好驚訝咁望住我!
 
「嗯…我同嘉為…同居更…」我面紅,覺得我自己背脊起更雞皮。
 


『哇…』堂姐雙眼發光『仲要同居…嘉為大個仔啦…』
 
『有無帶套?』堂兄無啦啦講
 
「下?」
 
『做個樣野個陣,有無帶套?』堂兄RR鼻再講多次
 
『阿哥!呢D係私隱!』堂姐不滿咁望住堂兄
 
『無…我只係好奇。』
 
堂兄果然係怪人…
 
LIFT到左,我送佢地入屋,途中將”我”學校宿營件事講比堂兄堂姐佢地知…
 
『真係可惜…我仲想見一見我個好堂弟…』堂姐好失望咁講
 
『估唔到嘉為去宿營妳都繼續住係到喎…』堂兄問
 
「我…我因為…」係喎,”我”唔係到既話,女朋友都無理由住係到…
 
『阿哥!妹妹住係到一定有佢原因嫁啦!可!家蔚妹妹』堂姐講
 
「嗯…因為我屋企人…」我將個頭另埋一面….
 
『真係可憐…家家有本難念的經,我明既…』堂姐眼濕濕
 
洗唔洗咁誇張
 
『咁少廁紙夠唔夠架。』堂兄無啦啦又問
 
「下?」
 
『做個d野,一定要準備好多廁紙。』堂兄RR頭再講
 
『阿哥!夠啦喎!』
 

 
放好d野之後,堂姐就去左沖涼,
而堂兄…話要上網所以開左我部電腦…
但佢而家,唔係上更網,係禁更我d file
 
「啊…哥哥…你而家做更乜…」我扮到好好奇咁問
 
『叫我以達。』堂兄全名陳以達『我睇更嘉為有無收埋 av。』
 
「邊會有!」我好激動咁講
 
『我唔信,雖然有咁靚既女朋友,但男仔收埋av係常識黎。』堂兄RR面講,
然後望住我『家蔚妹妹妳都想刪哂佢d av架啦,而家我係幫更妳手。』
 
「刪av?點解要咁做…」
 
『你希望嘉為望住其他女仔手淫咩?』堂兄問
 
「手...手淫?」what the fuck「...男仔做個回事好正常姐…」我細細聲講
 
『咁我明啦。』堂兄好似突然看透世事咁講
 
「你明?」明就好啦…一陣我D精選比你刪左點撚算,而家BT無種架啦…
 
『你地…肯定係鍾意一路做愛一路播AV。』堂兄望住我
 
「下…你講…講乜…」我口窒窒咁講
 
『而家既後生仔女真係大膽,玩法都唔同。』堂兄搖搖頭講『我老啦。』
 
你老乜鬼,你先二十二歲…順帶一提,堂姐係二十歲。
 
『啊,搵到啦…』
 
「下?咁都…」
 
咁你都搵到?我明明收埋AV個FILE叫做”爸爸的檔案”…
 
『傻仔黎既,我睇AV多過佢食飯,點會搵唔到,咁刪唔刪好?家蔚妹妹。』堂兄問我
 
如果刪,我既精選就會永遠離我而去…
唔刪,即係學堂兄咁講,默認我同我自己係鍾意一路做愛一路播AV…
頂,而家係乜撚野情況。